20:40 11.02.2022
Փետրվարի 16-ից գազաբալոնային սարքերով տրանսպորտային միջոցների շահագործումը կթույլատրվի միայն փորձաքննություն անցնելու և դրանց տեղադրման լիցենզիա ունենալու դեպքերում: Այժմ գազաբալոնային համակարգերի տեղադրմամբ զբաղվող ընկերությունները սպասում են ՀՀ տարածքային կառավարման և ենթակառուցվածքների նախարարության լիզենզավորման և թույլտվության վարչության հավաստագրերի տրամադրմանը, որից հետո միայն կկարողանան ճնշափորձարկման ենթարկել ավտոմեքենաների գազաբալոնները:
Ճնշափորձարկման լաբորատորիաներին գործարկման թույլտվություն տրամադրելուց առաջ տարածքային կառավարման և ենթակառուցվածքների նախարարության լիցենզավորման և թույլտվության վարչության աշխատակիցները ստուգայցեր են կատարում։ Ստուգում են տեղամասի հագեցվածությունը, ճնշափորձարկման սարքերի աշխատանքն ու լաբորատորիայի տարածքի հարմարավետությունը։
Շիրակի մարզից լիցենզիա ստանալու համար ամբողջական փաստաթղթերով դիմել են դեռ երկու ընկերություններ՝ մեկը Գյումրիից, մյուսը՝ Արթիկից: Մասնագիտական ստուգայցից և եզարակացություններից հետո ընկերություններին լիցենզիայի տրամադրման կամ մերժման համար սահմանված է 23 աշխատանքային օր:
Լիցենզավորված գործունեություն սկսելու համար ամբողջ Հանրապետությունից առայժմ նախարարություն են դիմել ընդամենը 10 ընկերություններ։ Գործընթացը երկարատև չէ, տևում է մինչև 40 րոպե, իսկ ավտոմեքենան լաբորատորիա բերելու անհրաժեշտություն չկա։
«Մեքենան պարտադիր չէ, որ լինի լաբորատորիայում, այսինքն՝ քանդման պրոցեսին պարտադիր չէ գտնվի տեղամասում։ Այնպես մի պատկերացրեք, որ 70 կամ 30 ավտոմեքենա պետք է միաժամանակ կանգնեն լաբորատորիայում ու կուտակումներ առաջանան, գազաբալոնն է փորձաքննվելու միայն»,- նշում է Գյումրիում գործող գազաբալոնների տեղադրման և ճնշափորձարկման ընկերության բիզնեսի զարգացման պատասխանատու Արտակ Գևորգյանը։
Մինչ այդ և երկար տարիներ տրանսպորտային միջոցների վերասարքավորմամբ և գազաբալոնների տեղադրմամբ զբաղվել են տարբեր անհատներ ու չլիցենզավորված ընկերություններ։ Պահանջը չի վերաբերում այն մեքենաներին, որոնցում գազաբալոնները տեղադրել են հավատարմագրված ընկերություններ։
Ճնշափորձարկում անցնելուց հետո տրանսպորտային միջոցների տվյալները մուտքագրվելու է նոր ստեղծվող միասնական շտեմարան, որի տվյալներից կօգտվեն ճանապարհային ոստիկանությունը, ապա գազալցակայանները։ Առանց փաստաթղթի մեքենան գազով լցավորելն արգելվելու է:
«Գազալցակայանները ցանկացած մեքենա պետք է լցավորեն միայն շտեմարանի տվյալների հետ համադրելուց և դրական եզրակացությունը շտեմարանից ստանալուց հետո։ Մեծ տուգանքներ են սահմանված այն տնտեսվարողների նկատմամբ, որոնք էս օրենքները կխախտեն։ Բացի շտեմարան մուտքագրելուց, նաև մեքենայի վարորդին տրամադրվում է թղթային հավաստագիր, որ տվյալ մեքենայի գազաբալոնը վկայագրված է»,- SHANTNEWS.am-ի հետ զրույցում նշել է ՏԿԵՆ լիցենզավորման և թույլտվության վարչության բաժնի պետ Արայիկ Ստեփանյանը։
Հայտ ներկայացրած որոշ ընկերությունների լաբորատորիաները դեռ չեն համապատասխանում պահանջվող նորմերին, ստուգումների գործընթացը որոշակի ժամանակ կպահանջի, ինչը հնարավոր է երկարաձգի պարտադիր պահանջի կիրառումը։ Վերջնական հստակեցումներից հետո նախարարությունը կհրապարակի լիցենզավորված կազմակերպությունների ցանկը և սպասարկման սակագինը, ըստ նախնական տվյալների, մեկ գազաբալոնի ճնշափորձարկումը կարժենա 9000 դրամ։
09:20 01.05.2025
Մեծ Բրիտանիայում տեղի կունենան տարածաշրջանային ընտրություններՄայիսի 1-ին Մեծ Բրիտանիայում տեղի կունենան տարածաշրջանային ընտրություններ՝ ցույց տալով Մեծ Բրիտանիայի քաղաքական կուսակցությունների իրական ժողովրդականությունը համընդհանուր ընտրություններից գրեթե ութ ամիս անց: Ընտրատեղամասերը կբացվեն տեղական ժամանակով 07:00-ին և բաց կլինեն մինչև 22:00-ը, իսկ առաջին արդյունքները կհրապարակվեն ուրբաթ երեկոյան: Ընդհանուր առմամբ, ընտրությունների արդյունքը, որին մասնակցելու իրավունք ունի 13,7 միլիոն բրիտանացի, կորոշի 1600 մանդատի ճակատագիրը Անգլիայի 23 […] ...
09:17 01.05.2025
Դատավոր Արտուշ Գաբրիելյանը կալանավորվել էԵրևանի ընդհանուր իրավասության դատարանի Շենգավիթի նստավայրի դատավոր Արտուշ Գաբրիելյանը կալանավորվել է: Տեղեկությունը «Լուրեր»-ի հետ զրույցում հաստատել են գլխավոր դատախազությունից: Դատավորը մեղադրվում է կաշառք ստանալու համար: ...
09:13 01.05.2025
Կարևոր է աշխատանքային իրավունքների ապահովման նկատմամբ պետության պատշաճ վերահսկողության միջոցների ձեռնարկումը․ ՀՀ ՄԻՊՀՀ մարդու իրավունքների պաշտպան Անահիտ Մանասյանը շնորհավորական ուղերձ է հղել Աշխատանքի օրվա առթիվ․ «Սիրելի՛ հայրենակիցներ, Շնորհավորում եմ Մայիսի 1-ի` Աշխատանքի միջազգային օրվա առթիվ: Այս օրը ևս մեկ առիթ է ընդգծելու յուրաքանչյուրի աշխատանքային իրավունքները պաշտպանելու կարևորությունը: Մեր երկրում աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ: ՄԻՊ աշխատակազմի ուսումնասիրությունները, ստացված բողոքների […] ...
09:10 01.05.2025
Աշխատանքը պետք է լինի արդյունք ստեղծելու և այդ արդյունքը վայելելու միջոց․ Նիկոլ ՓաշինյանՎարչապետ Նիկոլ Փաշինյանի շնորհավորական ուղերձն Աշխատանքի և աշխատավորների համերաշխության միջազգային օրվա առթիվ. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Մայիսի 1–ին նշում ենք Աշխատանքի և աշխատավորների համերաշխության միջազգային օրը, և ուզում եմ բոլորիս շնորհավորել օրվա առիթով։ Քաղաքակրթությունը ձևավորվել ու զարգանում է աշխատանքի արդյունքում, և աշխատանքն է այն գործիքը, որով հնարավոր է անհատի և հանրության կյանքն ավելի […] ...
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
