16:45 09.03.2022
Նախարարը հանդիպում է ունեցել ԵՊՀ ուսանողների հետ․ քննարկվել են ժողովրդագրության մագիստրոսական ծրագրի մանրամասները
Այսօր Երևանի պետական համալսարանում կայացել է հանդիպում, որի շրջանակում ներկայացվել են աշխատանքի և սոցիալական հարցերի նախարարության և ՄԱԿ-ի Բնակչության հիմնադրամի համագործակցության շրջանակում ընձեռված ժողովրդագրության մագիստրոսական ծրագրի մանրամասները։
Քննարկմանը մասնակցել են ԱՍՀ նախարար Նարեկ Մկրտչյանը, ԵՊՀ ռեկտոր Հովհաննես Հովհաննիսյանը, ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը։
Անդրադառնալով ՀՀ-ում ժողովրդագրական իրավիճակի բարելավման ուղղությամբ պետության կողմից նախատեսվող բարեփոխումներին և սահմանված առաջնահերթություններին՝ Նարեկ Մկրտչյանը կարևորել է ոլորտում առկա հիմնախնդիրների կարգավորմանն ուղղված առավել նպատակային միջոցառումների իրականացումը․
«Ժողովրդագրական գործընթացն ու առկա մարտահրավերներն աշխատանքի և սոցիալական հարցերի նախարարության մշտական ուշադրության կենտրոնում են։ Նախաձեռել ենք ոլորտի համապարփակ ռազմավարության մշակում իրականացնել, որի շրջանակում արձանագրել ենք, որ Հայաստանում ժողովրդագիրների պակաս կա»,- նշել է նախարարն՝ ընդգծելով ոլորտում նոր մասնագետների ներգրավման անհրաժեշտությունն, ինչին էլ կկարողանա նպաստել մագիստրոսական ծրագրի ներդնումը։
ԵՊՀ ռեկտոր Հովհաննես Հովհաննիսյանի խոսքերով՝ կրթական նոր ծրագիրը հնարավորության կտա ոչ միայն որակյալ մասնագետներ ներգրավել ժողովրդագրական իրավիճակի բարելավմանն ուղղված ծրագրերում, այլև ապահովել լավագույն շրջանավարտների զբաղվածությունը։
Ներկայացնելով ոլորտում առկա մարտահրավերների լուծմանն ուղղված ծրագրերի իրականացման կարևորությունը՝ ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը շեշտել է մասնագիտացված հաստատությունների և միջազգային փորձագետների հետ համագործակցության ու լավագույն փորձի տեղայնացման անհրաժեշտությունը։
Հանդիպումը շարունակվել է հարցուպատասխանի ձևաչափով․ ուսանողները հնարավորություն են ունեցել ծանոթանալ և քննարկել կրթական ծրագրի մանրամասները։
19:45 12.07.2025
Սիրիայի առողջապահության նախարարությունը հայտնել է, որ Լիբանանում Իսրայելի կողմից իրականացված օդային հարվածի հետևանքով սիրիացի փախստական է զոհվելԻսրայելի ռազմաօդային ուժերի ինքնաթիռը հարվածել է Լիբանանի հարավում գտնվող Էլ-Խիյամ քաղաքի ծայրամասին, որի հետևանքով զոհվել է սիրիացի փախստական, ասվում է երկրի առողջապահության նախարարության կողմից հրապարակված հաղորդագրության մեջ։ «Թշնամու կործանիչը հրթիռ է արձակել Վատ ալ-Խիյամ շրջանում գտնվող դատարկ տան վրա, որտեղ բնակվում էր մահացած սիրիացի քաղաքացին: Նրա մարմինը գտել են տեղի փրկարարները՝ փլուզված շենքի փլատակները մաքրելիս», […] ...
19:34 12.07.2025
Ադրբեջանական գազը մոտ ապագայում կարտահանվի ՍիրիաԱդրբեջանական գազը մոտ ապագայում կարտահանվի Սիրիա, հայտարարել է Ադրբեջանի նախագահ Իլհամ Ալիևը Սիրիայի ժամանակավոր նախագահ Ահմեդ ալ-Շարաայի հետ հանդիպման ժամանակ։ Սիրիայի նախագահը շաբաթ օրը կատարել է իր առաջին աշխատանքային այցը Ադրբեջան։ «Ադրբեջանական գազը կարտահանվի Սիրիա։ Մոտ ապագայում կիրականացվի Թուրքիայի միջոցով Սիրիա ադրբեջանական գազի արտահանման նախագիծ, որը կնպաստի Սիրիայի էներգետիկ անվտանգության ամրապնդմանը», – ասել է Ադրբեջանի […] ...
19:21 12.07.2025
«Սուրբ Հովհաննես» մատուռի մոտակայքում փրկարարներն օգնություն են ցուցաբերել քաղաքացիներիՀուլիսի 12-ին, ժամը 13:39-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ իջեցնելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները քաղաքացուն պատգարակով իջեցրել (մոտ 200 մետր) և մոտեցրել են […] ...
19:10 12.07.2025
ԵՄ-ն խորացնելու է գլոբալ գործընկերությունը. Ֆոն դեր ԼեյենըԱՄՆ նախագահ Դոնալդ Թրամփի կողմից մաքսատուրքերի վերաբերյալ որոշման ֆոնին, Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ ԵՄ-ն կընդլայնի իր գործընկերությունը այլ երկրների հետ։ «Միևնույն ժամանակ, մենք շարունակում ենք խորացնել մեր գլոբալ գործընկերությունները՝ ամուր արմատավորված կանոնների վրա հիմնված միջազգային առևտրի սկզբունքներում», – ասել է Եվրահանձնաժողովի ղեկավարը հայտարարության մեջ, այն բանից հետո, երբ Թրամփը հայտարարեց […] ...
18:57 12.07.2025
Գազայում մարտից ի վեր սովից մահացել է 67 երեխաԳազայի հատվածում՝ 2025 թվականի մարտից լիակատար շրջափակման սահմանումից ի վեր, սովից մահացել է առնվազն 67 երեխա, հայտնել է անկլավի մամուլի գրասենյակը։ «Գազայում թերսնման հետևանքով մահացած երեխաների թիվը հասել է 67-ի։ Առաջիկա շաբաթներին 5 տարեկանից փոքր ավելի քան 650,000 երեխա, հավանաբար, կբախվի սովի սպառնալիքի հետ», – ասվում է գերատեսչության Telegram ալիքում հրապարակված հայտարարության մեջ։ Անկլավի առողջապահության […] ...
