14:34 24.03.2022
Պետական եկամուտների կոմիտեի նախագահ Ռուստամ Բադասյանը կառավարության հերթական նիստին ներկայացրել է ՀՀ «Մաքսային կարգավորման մասին» օրենքում և այլ օրենքներում լրացումներ և փոփոխություններ կատարելու մասին օրենքի նախագծերը, որոնց արդյունքում իրապես ներդրվում է «Մեկ պատուհան» սկզբունքը, և օպտիմալացվում է պետական սահմանում տարբեր մարմինների կողմից իրականացվող հսկողությունը։ ՊԵԿ նախագահի տեղեկացմամբ՝ այժմ պետական սահմանում ներկայացված է հինգ պետական մարմին՝ ԱԱԾ սահմանապահ զորքերը, մաքսային ծառայությունը, ՍԱՏՄ-ն, ոստիկանությունը և տրանսպորտային գործառույթների մասով նախատեսված այլ տեսչական մարմին։
Առաջարկվող օրենսդրական փոփոխությունների ընդունումից հետո, սահմանային կետերում կգործեն միայն մաքսային մարմինը և ԱԱԾ սահմանապահ զորքերը, որոնք սահմանային կետերում հսկողությունը կիրականացնեն՝ պետական մարմինների գործառույթների վերաբաշխմամբ։ Այս դեպքում, մաքսային ծառայությունը կիրականացնի մաքսային գործառույթները և ՍԱՏՄ մասով՝ փաստաթղթային հսկողությունը։ Իսկ այլ հսկողության առկայության դեպքում՝ ՍԱՏՄ-ն այն կիրականացնի ՀՀ պետական սահմանից ներս։
Նախաձեռնության նպատակն է՝ սահմանային անցակետերում կրճատել մեկ անձի կողմից իրականացվող գործողությունները, այսինքն՝ փաստաթղթերի փաթեթը հանձնվի մեկ պետական մարմին և վերջինս ստիպված չլինի նույն փաստաթղթերով անցնել տարբեր պատուհաններով՝ այդպիսով զերծ մնալով կրկնակի հսկողությունից։
Կառավարության նիստին ընդունվել են նաև նախնական մաքսային հայտարարագրի ներկայացման դեպքում մաքսատուրքի հետաձգման և ապրանքների ավտոմատացված բացթողման ընթացակարգի կիրառության վերաբերյալ օրենքի նախագծերը։ Ռուստամ Բադասյանը հայտնել է, որ այս որոշումների նպատակն է էապես կրճատել տնտեսվարողի կողմից սահմանահատման ժամանակը։
Կոմիտեի ղեկավարը ներկայացրել է նաև նախնական մաքսային հայտարարագրման կիրառման ընթացքը և արդյունքները՝ ընդգծելով, որ ապրանքի բացթողնման գործառույթը, եթե նախկինում տևում էր 2-3 օր, ապա այսօր, նախնական մաքսային հայտարարագրից օգտվելու պարագայում, ապրանքը ժամանելուց հետո՝ առավելագույնը մինչև 2 ժամ:
Մանրամասները՝ տեսանյութում:
08:35 15.07.2025
Լավրովը կմասնակցի ՇՀԿ-ի արտաքին գործերի նախարարների խորհրդի նիստինՌուսաստանի արտաքին գործերի նախարար Սերգեյ Լավրովը կմասնակցի Շանհայի համագործակցության կազմակերպության անդամ երկրների արտաքին գործերի նախարարների խորհրդի նիստին Չինաստանում։ Լավրովը Չինաստան է ժամանել ԿԺԴՀ-ից։ Ավելի վաղ նա այցելել էր Մալայզիա։ Ռուսաստանի արտաքին գործերի նախարարությունը հայտնել է, որ հանդիպումը կդառնա Շանհայի համագործակցության կազմակերպության (ՇՀԿ) գագաթնաժողովի նախապատրաստման կարևոր փուլ, որը տեղի կունենա օգոստոսի 30-ից սեպտեմբերի 1-ը Տյանցզինում։ Նախարարները […] ...
08:24 15.07.2025
ՃՏՊ Մասիս քաղաքում. կա զոհՀուլիսի 15-ին, ժամը 04:59-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մասիս քաղաքի Երևանյան փողոցում տեղի է ունեցել ՃՏՊ. կան տուժածներ։ Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչության հրշեջ-փրկարարական ջոկատներից երկու մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական խումբը: Պարզվել է, որ բախվել […] ...
08:15 15.07.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:08 15.07.2025
Հրդեհ ավտոմեքենայումՀուլիսի 15-ին, ժամը 00:56-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգեձոր գյուղի սկզբնամասում «VAZ» մակնիշի ավտոմեքենայում ընթացքի ժամանակ հրդեհ է բռնկվել: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Հրդեհը մեկուսացվել է ժամը 01:51-ին, մարվել՝ 02:00-ին: Այրվել է «VAZ» մակնիշի ավտոմեքենան։ ...
08:00 15.07.2025
Հրդեհ Եղվարդ քաղաքումՀուլիսի 15-ին, ժամը 01:26-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ քաղաքում՝ գործարանի տարածքում, հրդեհ է բռնկվել: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Հայտարարվել է հրդեհի բարդության «Թիվ 2» աստիճան․ դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից ևս […] ...
23:59 14.07.2025
Սևանա լճի հիդրոլոգիական ռեժիմը հուլիսի 7-13-ըՍևանա լճի մակարդակը 2025 թվականի հուլիսի 7-13-ն ընկած ժամանակահատվածում իջել է 2 սմ-ով և կազմել՝ 1900.66 մ (13.07.25թ․), որն անցյալ տարվա նույն օրվա մակարդակից ցածր է 2 սմ-ով, իսկ 2025 թվականի հունվարի 1-ի մակարդակից բարձր է 27 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականի հուլիսի 7-13-ն ընկած ժամանակահատվածում […] ...
