21:35 19.04.2022
Մայրաքաղաքում սանմաքրման խնդիրներին ավելի արդյունավետ լուծում տալու նպատակով Երևանի 12 վարչական շրջանների սանիտարական մաքրումն ապահովող շուրջ 300 աշխատակիցների թիվը կավելանա ևս 200-ով: Այսօր կայացած նիստում ավագանին հավանություն տվեց որոշման նախագծին: Արդյունավետ կառավարում ապահովելու, ինչպես նաև աշխատանքների նկատմամբ մշտական վերահսկողություն սահմանելու նպատակով էլ «Երևանի աղբահանություն և սանիտարական մաքրում» համայնքային հիմնարկում կլինեն կառուցվածքային փոփոխություններ:
Կենտրոն վարչական շրջանի Մայիսյան փողոցն այսուհետ կկրի թատրոնի և կինոյի անվանի դերասան, ՀԽՍՀ և ԽՍՀՄ ժողովրդական արտիստ Խորեն Աբրահամյանի անունը: Երևանի ավագանին հավանություն տվեց նաև Նուբարաշենի 13-րդ փողոցը «Նոր Զմյուռնիա», ինչպես նաև Բագրևանդի փողոցից մինչև Թևոսյան փողոց ձգվող ճանապարհահատվածը հայտնի վիրաբույժ, սրտաբան, բժշկական գիտությունների դոկտոր, պրոֆեսոր Ալեքսանդր Միքայելյանի անվամբ անվանակոչելու որոշման նախագծերին:
Երևանի ավագանու որոշմամբ մայրաքաղաքում կտեղադրվեն դրամատուրգ, ռադիոթատրոնի հիմնադիր Գրիգոր Չալիկյանի, կոմպոզիտոր, ՀՀ արվեստի վաստակավոր գործիչ Սերգեյ Աղաջանյանի, բժշկական գիտությունների դոկտոր, պրոֆեսոր, ՀԽՍՀ գիտության վաստակավոր գործիչ Պարթև Մարգարյանի, ՀԽՍՀ ժողովրդական արտիստ, պրոֆեսոր Լաերտ Վաղարշյանի, պատմաբան, պետական, հասարակական, քաղաքական գործիչ Լյուդվիգ Ղարիբջանյանի, ինչպես նաև անվանի բանաստեղծ, պետական մրցանակի դափնեկիր, ՀՀ մշակույթի վաստակավոր գործիչ Դավիթ Հովհաննեսի հիշատակը հավերժացնող հուշատախտակներ:
Մայրաքաղաքում մարզական կյանքի աշխուժացման և արդյունավետ կառավարման նպատակով Երևան համայնքը ոլորտում նախաձեռնել է կառուցվածքային ու բովանդակային փոփոխություններ: Օրակարգի մեկ այլ հարցով Երևանի քաղաքապետարանի սպորտի և երիտասարդության հարցերի բաժինը կվերափոխվի վարչության: Այս կերպ հնարավոր կլինի արդյունավետ ծրագրեր իրականացնել՝ սպորտի, ֆիզիկական կուլտուրայի և երիտասարդության ոլորտներում:
Խոսելով առաջիկա անելիքների մասին՝ Երևանի քաղաքապետի տեղակալ Գևորգ Սիմոնյանը տեղեկացրել է երկու կարևոր նախաձեռնության մասին. Աջափնյակ և Էրեբունի վարչական շրջանների մարզադպրոցներն իրենց աշխատանքները կազմակերպում են հանրակրթական դպրոցներում, նաև մասնավոր տարածքներում: Խնդրին լուծում տալու նպատակով այժմ քայլեր են ձեռնարկվում համապատասխան տարածք ընտրելու՝ Աջափնյակում ու Էրեբունիում նոր մարզակայան կառուցելու համար:
Ավագանու որոշմամբ Երևանի բյուջեից 22 մլն 330 հազար դրամ կհատկացվի պատերազմի հետևանքով Հայաստանում գտնվող քաղաքացիներին մշտական բնակության վայր տեղափոխման համար:
Երևանի ավագանու հաջորդ՝ հերթական նիստը կգումարվի մայիսի 24-ին:
13:56 09.06.2025
Հիմնանորոգվում է Արևիկ-Տանձուտ ավտոճանապարհը՝ 3.4կմՀիմնանորոգվում է Արևիկ-Տանձուտ ավտոճանապարհը՝ 3.4կմ։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...
13:44 09.06.2025
Սպասվում է կարճատև անձրև և ամպրոպ, օդի ջերմաստիճանը կնվազի«Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել են, որ Երևանում հունիսի 9-ի և 12-14-ի երեկոյան, 10-ի գիշերը և երեկոյան հնարավոր է կարճատև անձրև և ամպրոպ, ամպրոպի ժամանակ քամու ուժգնացում՝ 15-18 մ/վ արագությամբ։ Հունիսի 11-ին, 12-13-ի գիշերը սպասվում է առանց տեղումների եղանակ։ Մարզերում հունիսի 9-ի, 11-13-ի կեսօրից հետո, 10-ի և 14-ի գիշերը և կեսօրից հետո առանձին շրջաններում […] ...
13:37 09.06.2025
Արարատի մարզի մի շարք բնակավայրերում ջուր չի լինի«Վեոլիա ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ հունիսի 10-ին՝ ժամը 10:00-ից մինչև հունիսի 11-ը ժամը 10:00-ը, կդադարեցվի Արարատի մարզի` Արտաշատ, Արարատ և Վեդի քաղաքների, Աբովյան, Արևշատ, Նշավան, Բյուրավան, Մխչյան, Մրգավետ, Դիմիտրով, Արաքսավան, Մասիս, Բուրաստան, Ազատավան, Բաղրամյան, Բերքանուշ, Դալար, Մրգավան, Գետազատ, Այգեստան, Մրգանուշ, Վարդաշեն, Դեղձուտ, Կանաչուտ, Վերին Դվին, Դվին, […] ...
13:31 09.06.2025
Օպերատիվ իրավիճակը հանրապետությունում հունիսի 6-ից 9-ըԲացահայտվել է 215 հանցագործություն, որոնցից 8-ը՝ նախկինում կատարված: Մասնավորապես՝ 25 դեպք՝ թմրանյութի հայտնաբերման, 21-ական դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու և մարմնական վնասվածք պատճառելու, 19 դեպք՝ ֆիզիկական ներգործության, 18 դեպք՝ հոգեկան ներգործության, 11-ական դեպք՝ խուլիգանության ու անձնական ունեցվածքի գողության,10-ական դեպք՝ խարդախության և […] ...
13:24 09.06.2025
Գրանցվել է 595 դեպք, որից 195-ը՝ արտակարգ. Փրկարար ծառայությունն ամփոփում է անցած շաբաթըՀունիսի 2-ից 8-ը ՆԳՆ ՓԾ ճգնաժամային կառավարման ազգային կենտրոնում գրանցվել է 595 դեպք, որից 195-ը՝ արտակարգ: Մասնավորապես՝ հրդեհի՝ 124, փլուզման՝ 4, պայթյունի, կենսաապահովման կոմունալ համակարգերում վթարի, արդյունաբերական կեղտաջրերի մաքրման կայաններում վթարի, քարաթափման, ուժեղ քամու, տեղատարաո անձրևի, երկրաշարժի, դիակի հայտնաբերման՝ 1-ական, վայրի կենդանիների հարձակման՝ 8, կեղծ ահազանգի՝ 9, ուժեղ կարկուտի, որոնողափրկարարական, թունավորման՝ 3-ական, ջրահեղձման, զինամթերքի հայտնաբերման՝ […] ...
13:17 09.06.2025
Նախագահ Վահագն Խաչատուրյանն աշխատանքային այցով մեկնել է ՖրանսիաՀունիսի 9-11-ը Հանրապետության նախագահ Վահագն Խաչատուրյանն աշխատանքային այցով կգտնվի Ֆրանսիայի Նիցցա քաղաքում՝ մասնակցելու ՄԱԿ-ի օվկիանոսի հարցերով երրորդ համաժողովին։ Նախագահ Խաչատուրյանը հանդես կգա ելույթով համաժողովի բացման նիստում։ Այցի ընթացքում նախատեսվում են նաև մի շարք երկկողմ հանդիպումներ՝ համաժողովին ներկա տարբեր պետությունների ղեկավարների և գործընկերների հետ՝ նպատակ ունենալով քննարկել բնապահպանական և միջազգային համագործակցության օրակարգային հարցեր։ ...
