Գեղարքունիքի մարզպետը և ՀՀ-ում ԵՄ ներկայացուցիչը քննարկել են «Սևանա լճի շրջակա միջավայրի պաշտպանություն» ծրագրի առաջնահերթությունները

Գեղարքունիքի մարզպետ Կարեն  Սարգսյանը հանդիպել է Հայաստանում ԵՄ ներկայացուցիչ Անդրեա Բաջիոլիին և EU4Sevan ծրագրի թիմի ղեկավար, ԳՄՀԸ Քրիստիան Հենշելին, որոնց հետ զրուցել են «Սևանա լճի շրջակա միջավայրի պաշտպանություն» (EU4Sevan) ծրագրի շրջանակներում Գեղարքունիքի մարզպետարանում կայացած՝ «Անասնապահության կայուն կառավարումը Սևանա լճի շրջակա միջավայրի բարելավման նպատակով» կայացած աշխատաժողովի թեմայով։

Զրույցի ընթացքում անդրադարձել են («ECOServe») մարզում նախատեսվող ծրագրերին և ակնկալվող արդյունքներին, որոնք կարող են իրենց դրական լուրջ ներգործությունն ունենալ նաև սահմանամերձ բնակավայրերի տնտեսությունների համար։

Իրապես շատ կարևոր նախաձեռնություն է կյանքի կոչում, և համոզված եմ, որ մոտ ապագայում նաև արդյունքը տեսանելի կլինի։ Գեղարքունիքի մարզն իր աշխարհագրական դիրքով մեծ ներուժ ունի էներգախնայողությանը վերաբերող ծրագրերի իրականացման հարցում, իսկ դա նշանակում է, որ առկա է նաև լուրջ պահանջարկ ու սպառման հնարավորություն։ Մեզ համար շատ կարևոր է նաև գյուղատնտեսության և Սևանի հիմնախնդիրներին ուղղված ծրագրերի իրականացումը։ Ողջունում եմ նման աշխատաժողովների անցկացումը, քանզի դրանց ընթացքում ուսումնասիրվում և մշակվում են ավելի խելացի մոդելներ, որոնք հնարավոր է կյանքի կոչել և ստանալ սպասված արդյունք։

Գեղարքունիքի մարզպետարանի և EU4 Sevan ծրագրի միջև համագործակցությունն ավելի արդյունավետ դարձնելու նպատակով ECOServe ծրագրի թիմի ղեկավար Քրիստիան Հենշելը մարզպետարանին նվիրեց երկու համակարգիչ։
(EU4Sevan) ծրագիրը համատեղ ֆինանսավորվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարություն (ԳԴՀ ՏՀԶՆ) կողմից։ Այն «ԵՄ-ը հանուն էներգաարդյունավետության և շրջակա միջավայրի» ԵՄ գործողության և ԳԴՀ ՏՀԶՆ-ի կողմից ֆինանսավորվող «Բնական պաշարների կառավարում և էկոհամակարգային ծառայությունների պահպանում հանուն Հարավային Կովկասում կայուն գյուղական զարգացման» («ECOServe») ծրագրի մաս է կազմում։ Ծրագիրն իրականացվում է Գերմանիայի միջազգային համագործակցության ընկերության (ԳՄՀԸ)-ի և ՄԱԿ-ի զարգացման ծրագրի (ՄԱԶԾ) կողմից:

Աշխատաժողովի նպատակն է՝ ներկայացնել «Գոմաղբի և կաթնամթերքի թափոնների հարակայուն կառավարման փորձնական ծրագրի` Գեղարքունիքի մարզում համակողմանի ուսումնասիրության արդյունքները և քննարկել հաջորդող քայլերի վերաբերյալ մշակված առաջարկությունները: Ներկայացվել է նաև «Վերականգնվող գյուղատնտեսություն հայեցակարգը և Հայաստանում դրա կիրառման փորձը, ինչպես նաև Սևանա լճավազանում կիրառման ներուժը:

Աշխատաժողովին մասնակցել են ՀՀ շրջակա միջավայրի և էկոնոմիկայի նախարարների տեղակալներ, ներկայացուցիչներ ԵՄ-ից, ՀՀ ազգային ագրարային համալսարանից, Գեղարքունիքի մարզպետարանից, մարզի համայնքապետարաններից, բնակավայրերից, հասարակական կազմակերպություններից, շահագրգիռ այլ կազմակերպություններից ֆերմերային տնտեսությունների ղեկավարներ։

Աշխատաժողովի ընթացքում քննարկվել են Սևանի լճավազանում գոմաղբի մշակման ներուժին, Սևանի լճավազանում գոմաղբի կայուն կառավարման համար ծախսարդյունավետ տեխնոլոգիական լուծումների տարբերակներին, անհրաժեշտ կազմակերպչական, ինստիտուցիոնալ և ֆինանսական մեխանիզմներ ավազանում գոմաղբի կառավարման կայուն պրակտիկա մշակելուն վերաբերող թեմաներ, ներկայացվել է «Վերականգնողական գյուղատնտեսություն» հայեցակարգը․ ծածկույթային մշակաբույսերը հողի առողջության վերականգնման համար. Հայաստանի փորձը և կիրառման ներուժը Սևանի լճավազանի համար, Dirt to soil («Ինչպես կյանք տալ հողին») գրքի շնորհանդեսը հեղինակի՝ Գեյբ Բրաունի կողմից և հայեցակարգի՝ Սևանի լճավազանում ու Հայաստանում՝ արդյունավետ կիրառման շուրջ քննարկումներ: