Մի խումբ հետախուզվողներ են հայտնաբերվել

Ոստիկանության Թումանյանի բաժնի և Բագրատաշենի բաժանմունքի ծառայողների համատեղ ձեռնարկած օպերատիվ-հետախուզական միջոցառումների շնորհիվ հուլիսի 5-ին Բագրատաշենի սահմանային անցակետում հայտնաբերվել է 30-ամյա Ալիկ Ղ.-ն, որը հետախուզվում էր ՀՀ նախկին քրեական օրենսգրքի 34-177 հոդվածի (Գողության փորձը) մեղադրանքով պատժի կրումից խուսափելու համար:
Նա պարտավորվել է ներկայանալ վարույթն իրականացնող մարմնին:
Առանց խափանման միջոցի:

Հուլիսի 5-ին Ալավերդի-Վանաձոր ճանապարհի 15-րդ կմ-ին ստուգման նպատակով կանգնեցվել է «Աուդի Ա-6» մակնիշի ավտոմեքենան, որի վարորդը չի ներկայացրել վարորդական իրավունքի վկայական: Վարորդի ինքնությունը և վարորդական իրավունքի վկայական ունենալու հանգամանքը պարզելու նպատակով նա ներկայացվել է ոստիկանության Թումանյանի բաժին: Պարզվել է, որ 25-ամյա Սարո Դ.-ն հունիսի 7-ից ոստիկանության Էրեբունու բաժնի կողմից հետախուզվում էր գողության ու կողոպուտի փորձի մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է ոստիկանության Էրեբունու բաժին:
Ոստիկանության Ապարանի բաժնի ծառայողների ձեռնարկած օպերատիվ-հետախուզական միջոցառումների արդյունքում հուլիսի 5-ին Ապարան քաղաքի Բաղրամյան փողոցում հայտնաբերվել և բաժին բերման է ենթարկվել 34-ամյա Վոլոդյա Մ.-ն, որը հունիսի 22-ից հետախուզվում էր ՀՀ նախկին քրեական օրենսգրքի 178-րդ հոդվածի մեղադրանքով:
Նա ներկայացվել է դատարան:
Խափանման միջոցը՝ ստորագրություն:

Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ Վիեննա-Երևան չվերթի ինքնաթիռի ժամանումից հետո գծային բաժին է բերվել 50-ամյա Արտակ Ա.-ն, որը հունիսի 2-ից ոստիկանության Նոր Նորքի բաժնի կողմից հետախուզվում էր ՀՀ նախկին քրեական օրենսգրքի 137.1-րդ հոդվածի 2-րդ մասի մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:

Ոստիկանության Չարենցավանի բաժնի քրեական հետախույզները հուլիսի 4-ին Արմավիրի մարզի Մեծամոր համայնքի շենքերից մեկում հայտնաբերել և նախաքննական մարմնին են ներկայացրել 28-ամյա Մերի Տ.-ին, որը հուլիսի 4-ից հետախուզվում էր ՀՀ քրեական օրենսգրքի 255-րդ հոդվածի (նախկին 178-րդ) մեղադրանքով:
Խափանման միջոցը՝ ստորագրություն:

Ոստիկանության Մաշտոցի բաժնի և «Զվարթնոց» օդանավակայանի գծային բաժնի ծառայողների բացատրական աշխատանքի շնորհիվ հուլիսի 4-ին բաժին է ներկայացել Ռաֆայել Հ.-ն, որը հուլիսի 1-ից հետախուզվում էր ՀՀ նախկին քրեական օրենսգրքի 243.1-րդ հոդվածի մեղադրանքով:
Խափանման միջոցը՝ ստորագրություն:

Ոստիկանության Մաշտոցի բաժնի քրեական հետախույզների և վետերանների համատեղ բացատրական աշխատանքի շնորհիվ հուլիսի 5-ին բաժին է ներկայացել Վարդգես Ա.-ն, որը հետախուզվում էր ՀՀ նախկին քրեական օրենսգրքի 243.1-րդ հոդվածի մեղադրանքով:
Խափանման միջոցը՝ ստորագրություն:
Ոստիկանության ՔՈԳՎ և Կենտրոնական բաժնի քրեական հետախույզները համատեղ ձեռնարկած միջոցառումների արդյունքում հուլիսի 4-ին Տիգրան Մեծի պողոտայում հայտնաբերել և Կենտրոնական բաժին բերման են ենթարկել 40-ամյա Արտակ Ս.-ին, որը հունիսի 10-ից հետախուզվում էր ՀՀ նախկին քրեական օրենսգրքի 179-րդ հոդվածի մեղադրանքով:
Խափանման միջոցը՝ կալանք:

Ոստիկանության Էրեբունու բաժնի ՔՀԲ ծառայողները, իրացնելով օպերատիվ տվյալները, հուլիսի 4-ին Նոր Խարբերդի 11-րդ փողոցի տներից մեկում հայտնաբերել և բաժին բերման են ենթարկել 30-ամյա Գարիկ Խ.-ին, որը մայիսի 6-ից հետախուզվում էր ՀՀ նախկին քրեական օրենսգրքի 243.1-րդ հոդվածի 2-րդ մասի մեղադրանքով:
Խափանման միջոցը՝ ստորագրություն:

Ոստիկանության Նուբարաշենի բաժանմունքի ծառայողների ձեռնարկած միջոցառումների շնորհիվ հուլիսի 4-ին Նուբարաշենի 1-ին փողոցի տներից մեկում հայտնաբերվել և բերման է ենթարկվել 36-ամյա Արտյոմ Մ.-ն, որը հետախուզվում էր ՀՀ նախկին քրեական օրենսգրքի 118-րդ հոդվածի մեղադրանքով:
Խափանման միջոցը՝ ստորագրություն:

Ոստիկանության ՔՈԳՎ և Կենտրոնական բաժնի քրեական հետախույզները համատեղ ձեռնարկած միջոցառումների արդյունքում հուլիսի 4-ին Փափազյան փողոցի շենքերից մեկում հայտնաբերել և Կենտրոնական բաժին բերման են ենթարկել 35-ամյա Գեղամ Կ.-ին, որը մայիսի 27-ից հետախուզվում էր ՀՀ նախկին քրեական օրենսգրքի 316-րդ հոդվածի մեղադրանքով:
Նա ներկայացվել է նախաքննական մարմնին:
Խափանման միջոցը՝ կալանք: