19:33 06.08.2018
«Օրինակ՝ միայն Կոտայքում մինչ այսօր մենք արձանագրել ենք 100-ից ավելի հնավայրեր, որոնց մի մասը հուշարձանների ցուցակներում ընդհանրապես չկային և բոլորովին նոր հայտնաբերված հուշարձաններ են»,- այս մասին այսօր հրավիրած մամուլի ասուլիսում տեղեկացրել են ՀՀ ԳԱԱ հնագիտության և ազգագրության ինստիտուտի գիտաշխատողները, որոնք ամերիկացի և իտալացի գործընկերների հետ միասին Հայաստանում իրականացնում են մի շարք ծրագրեր:
Հնագիտության և ազգագրության ինստիտուտի ղեկավար Պավել Ավետիսյանը տարին արդյունավետ է գնահատել, քանի որ Վայոց ձորի մարզի Եղեգնաձորի շրջանում մեծ քանակությամբ մինչ օրս անհայտ ամրոցներ են հայտնաբերվել, որոնք, ըստ նրա, հնարավորություն են տալիս պատկերացում կազմելու Քրիստոսից առաջ երկրորդ հազարամյակից մինչև առաջին հազարամյակն ընկած ժամանակահատվածի մասին, թե ինչպես են բնակվել մարդիկ այդ տարածաշրջանում, ինչով են զբաղվել, ինչ սովորույթներ ու կրոնական ծիսակարգեր են կատարել:
«Ընդ որում՝ այդ հուշարձանների զգալի մասն ունի Վանի թագավորության շրջանի շերտեր, այսինքն՝ ուրարտական մշակույթի, Վանի թագավորության արքաների, կամ երևելիների կողմից կառուցած ամրոցների, բնակատեղիների մասին նոր պատկերացումներ ենք ունենում»:
Ի դեպ, Հնագիտության ինստիտուտը այս տարվա ծրագրով նաև հատուկ նախատեսել է ուսումնասիրել ժայռափոր կառույցները, որոնք հնագետների համոզմամբ հիմնականում եղել են պաշտամունքային կառույցներ: Այդ կառույցների մեծ մասը ևս հիմնականում Վանի թագավորության ժամանակահատվածի են:
«Արևմտյան Հայաստանի տարածքում նման կառույցներ հսկայական քանակով փաստագրվել և ուսումնասիրվել են: Հայաստանի տարածքում մենք նոր ենք սկսում այդ աշխատանքները, և հիմա, փաստորեն, մենք երկու մեծ ճակատով աշխատանք ենք տանում՝ արձանագրում ենք նորահայտ հուշարձաններ, որ հետո պետք է դիմենք մշակույթի նախարարություն, որ դրանք պահպանվեն, որովհետև դրանց մեծ մասը չունեն իրենց անձնագրերը և պահպանման գոտիները»,- նշել է Պավել Ավետիսյանը՝ ավելացնելով, որ դրանից բացի՝ մեծ քանակությամբ տվյալներ են հավաքել, որոնք գիտական լուրջ ուսումնասիրության ու վերլուծության կարիք ունեն՝ հասկանալու համար, թե ինչպես է զարգացել քաղաքական ու մշակութային կյանքը մինչուրարտական, բուն ուրարտական և հետուրարտական ժամանակահատվածում տվյալ տրածաշրջանում:
08:05 14.05.2025
Սուրեն Պապիկյանը Բեռլինում հանդիպել է ԳԴՀ պաշտպանության դաշնային նախարար Բորիս Պիստորիուսի հետՄայիսի 13-ին ՀՀ պաշտպանության նախարար Սուրեն Պապիկյանը Բեռլինում հանդիպել է ԳԴՀ պաշտպանության դաշնային նախարար Բորիս Պիստորիուսի հետ: Այս մասին հայտնում են ՊՆ-ից։ «Հանդիպման ընթացքում քննարկվել են պաշտպանության ոլորտում Հայաստան-ԳԴՀ համագործակցության ընթացքը և զարգացման հեռանկարները: Կողմերը բարձր են գնահատել գործակցության ներկա մակարդակը և այն ընդլայնելու պատրաստակամություն հայտնել: Զրուցակիցներն անդրադարձել են նաև տարածաշրջանային ու միջազգային անվտանգությանն առնչվող […] ...
08:00 14.05.2025
Հալանդը կարող է տեղափոխվել «Բարսելոնա»«Բարսելոնան» հավակնոտ ծրագիր ունի 2026 թվականի ամռանը «Մանչեսթեր Սիթիի» հարձակվող Էրլինգ Հալանդին ձեռք բերելու համար։ Այս մասին հաղորդում է իսպանական El Nacional հրատարակությունը։ Նշվում է, որ թիմն արդեն աշխատում է 175 միլիոն եվրո հավաքելու ուղղությամբ. սա խաղացողի հրաժարագնի գումարն է։ Հետաքրքիր է, որ Հալանդի պայմանագիրը «Մանչեսթեր Սիթիի» հետ նախատեսված է մինչև 2034 թվականը, և որոշ […] ...
00:30 14.05.2025
Լիլիթ Մակունցը հայ գործարարների հետ քննարկել է ՀՀ-ԱՄՆ տնտեսական և առևտրային համագործակցությանը վերաբերող հարցերՄայիսի 12-ին ԱՄՆ-ում ՀՀ դեսպան Լիլիթ Մակունցը դեսպանությունում հյուրընկալեց «SelectUSA» ներդրումային գագաթաժողովի շրջանակներում Վաշինգտոն ժամանած հայ գործարար համայնքի ներկայացուցիչներին։ Այս մասին հայտնել են ԱՄՆ-ում ՀՀ դեսպանությունից։ Հանդիպմանը քննարկվեցին ՀՀ-ԱՄՆ տնտեսական և առևտրային համագործակցությանը վերաբերող հարցեր, ինչպես նաև ԱՄՆ-ում ՀՀ դեսպանության և հայ գործարար շրջանակների համագործակցության հնարավորությունները։ ...
00:19 14.05.2025
ՀՀ ՏԿԵ նախարարի տեղակալն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանըՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանը՝ գործադիր տնօրեն Սուլթան Իսա Ալ Մատրուշիի գլխավորությամբ։ Այս մասին հայտնել են ՏԿԵ նախարարությունից: Հանդիպման ընթացքում Սուլթան Իսա Ալ Մատրուշին ներկայացրել է ընկերության գործունեության հիմնական ուղղությունները և հարուստ փորձը։ Միաժամանակ հայտնել է, որ Royal Investment Bureau-ն […] ...
00:09 14.05.2025
«Երիտասարդ արքա»․ Ռեշֆորդը՝ Յամալի մասին«Մանչեսթեր Յունայթեդի» հարձակվող Մարկուս Ռեշֆորդը, որը վարձավճարով խաղում է «Ասթոն Վիլայում», գովել է «Բարսելոնայի» և Իսպանիայի հավաքականի երիտասարդ հարձակվող Լամին Յամալին։ «Երիտասարդ արքա» — գրել է Ռեշֆորդը X սոցիալական ցանցում։ 17-ամյա Յամալը «Բարսելոնայի» առաջին թիմում խաղում է 2023 թվականից։ Այս մրցաշրջանում նա բոլոր մրցաշարերում անցկացրել է 52 խաղ և կատարել 40 արդյունավետ գործողություն (16 գոլ […] ...
23:59 13.05.2025
«Եռաբլուր» զինվորական պանթեոնին հարող լանջերի շուրջ նոր քաղաքային անտառ է հիմնվելՏասնամյակներ շարունակ անխնամ մնացած ու շինաղբով պատված «Եռաբլուր» զինվորական պանթեոնին հարող լանջերի շուրջ 15 հա տարածքում ևս նոր քաղաքային անտառ ենք հիմնել. անցկացվել է 7 կմ ոռոգման նոր ցանց: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Վերջին 3 տարում Երևանում ընդհանուր առմամբ ավելացրել ենք շուրջ 55 հա նոր կանաչ տարածք, որից […] ...
