19:00 28.02.2018
Ռուսաստանն իր նորագույն Սու-57 կործանիչներից երկու հատ (ասում են՝ նույնիսկ 4 հատ) ուղարկել է Սիրիա։ Ինչո՞ւ է պետությունն իր նորագույն, անգամ դեռ սերիական արտադրության մեջ չմտած ինքնաթիռն ուղարկում հակամարտության գոտի։ Բնականաբար, որպեսզի իրական մարտական պայմաններում փորձարկի դրանք։
Սիրիան, ընդհանրապես, հարմար երկիր է նման փորձարկումների համար։ Հակամարտության կողմերն արդեն այնքան էլ շատ չեն, քանի որ մանր զինված խմբավորումները միավորվել են, դրանց մի մասն էլ անցել է գերտերությունների հովանավորության տակ։ Ներգրավված գերտերություններն էլ որոշ առումով կանխատեսելի են միմյանց համար, ինչից հակամարտության ընթացքն էլ դառնում է վերահսկելի։ Սա հնարավորություն է տալիս մարտերում փորձարկել տեխնիկան՝ առանց անակնկալների։
Սու-57 ինքնաթիռների՝ Սիրիայում տեղակայվելուց հետո հայկական թեմատիկ խմբերից մեկում կեսկատակ-կեսլուրջ պնդում էին, որ Ռուսաստանը Սիրիայում կհասցնի փորձարկել նույնիսկ իր «Արմատա» նորագույն տանկերը։ Անկասկած կհասցնի, որովհետև հակամարտությունը դանդաղ է առաջ գնում, իսկ Ռուսաստանն իր բազաների համար համարյա հավերժ պայմանագրեր ունի արդեն։
Եթե 2016-ի ավարտին Սիրիայի հակամարտության ընթացքում Ռուսաստանը փորձարկել էր 162 զինատեսակ, ապա 2017 թվականի վերջին արդեն իր ամբողջ սպառազինության՝ Ռուսաստանի բանակի բոլոր հնարավոր զինատեսակների մեծ մասը։ Այս մասին երկրի պաշտպանության նախարարը տարեվերջին զեկուցել է նախագահ Պուտինին։
«[Փորձարկվել է] սպառազինության 215 տեսակ։ Մարտական կիրառման ընթացքում հայտնաբերվել են 702 թերություն ու անկատարություն, որոնց 99 տոկոսն արդեն վերացվել է» – հայտարարել է նախարարը։
Սերգեյ Շոյգուն հիշատակել է և՛ օդային միջոցները, և՛ հակաօդայինները, և՛ ծովայինները, և՛ անօդաչուները, և՛ անձնակազմի մարտական փորձը։ Հնարավոր ամեն ինչ Ռուսաստանը փորձարկել է՝ Կասպից ծովից հրթիռակոծումով, հեռահար ավիացիայի երկարաշունչ թռիչքներով, ավիակիր նավատորմից թռիչքներով ու տեղում՝ գետնի վրա զինվորականների ու վարձկանների գործողություններով։
Ամերիկյան հրատարակություններից մեկը ներկայացրել է 12 տեսակի ինքնաթիռ, որ կիրառել է ռուսական կողմը հակամարտության տարբեր փուլերում, տարբեր մարտական պայմաններում։
Հակամարտությունն է այդպիսին։ Տարածքներ յուրացնելուց, քաղաքական դիրքեր դնելուց ու ռեսուրսներին տիրանալուց բացի, այն ձեռնտու է սեփական զինատեսակները փորձարկելու ու դրանք գովազդելու, զորքը մարզելու համար։ Եվ սա չի թաքցնում նաև պաշտոնական Մոսկվան։
Ե՛վ Ռուսաստանի պաշտպանության նախարարը, և՛ փոխվարչապետ – ռազմարդյունաբերության ղեկավարը հիշատակել են, որ Սիրիայում իրենց զորքերին ուղեկցել են զինատեսակներն արտադրող ընկերությունների մասնագետները։ Նրանք մարտական կիրառման պայմաններում բացահայտել են թերություններն ու ըստ պաշտոնյաների՝ այդ թերությունները վերացվել են։ Մենք հալած յուղի տեղ չենք ընդունի պաշտոնյաների ասածները, բայց որ շտկումներ անելու պահանջ կդրվեր, տրամաբանական է։
«Որքան ուզես, կարելի է գնալ տարբեր ցուցահանդեսներ ու բացատրել, որ մեր զենքը լավն է, բայց մեր զենքի գնահատման լավագույն չափանիշը նրա մարտական կիրառումն է, ինչը և եղել է Սիրիայում», – հայտարարել է Ռուսաստանի փոխվարչապետ, ռազմարդյունաբերության ղեկավար Դմիտրի Ռոգոզինը 2017 թվականի հուլիսին հարցազրույցներից մեկում:
Թե որքան է արդյունավետ եղել այդ գովազդը, դժվար է ասել, սակայն մեկ կոնկրետ օրինակով ինքը Ռոգոզինը նշել է, որ Սիրիայում Ռուսաստանի օդուժի գործողություններն իրենց ռազմարդյունաբերական համալիրին զգալի գումարներ վաստակելու հնարավորություն է տվել [այլ երկրներին այդ զինատեսակները վաճառելուց]։ Ու այդ զինատեսակները, ի դեպ, ներկայացվել են նաև հենց Սիրիայի ղեկավարությանը։
Ռուսաստանը, սակայն, հակամարտությունից օգտվել է ոչ միայն զինատեսակները փորձարկելու-կատարելագործելու համար, այլ նաև զորքերը մարզելու, մարտավարություններ փորձարկելու, կապեր ստեղծելու համար։
«Սիրիայում անգին մարտական փորձ է ստացել ռուսական բանակի ավելի քան 48 հազար զինծառայող, նրանցից 14 հազարը ստացել է պետական պարգևներ։ 100-120 ժամ մարտական թռիչքի փորձ ունի օպերատիվ-մարտավարական ավիացիայի անձնակազմերի 80 տոկոսը, զորային ավիացիայի անձնակազմերի՝ 90 տոկոսը։ Զինյալների կարևոր օբյեկտներին հարվածներ հասցնելու փորձ են ստացել հեռահար ավիացիայի անձնակազմերը», – զեկուցել է Ռուսաստանի պաշտպանության նախարարը։
Իսկ անձնակազմի դաշտային փորձառությանը զուգահեռ մարտական պատրաստություն են ստացել նաև հրամանատարները, ընդ որում՝ բարձր կարգի։ Ոչ միայն մարտական փորձ, այլ նաև տեղի բնակչության հետ աշխատելու, պարբերաբար այս կամ այն խմբավորման հետ դաշնակցելու, ապա հակամարտելու, ռուսական մշակույթն ու լեզուն տարածելու և այլ հարցերում։ Սրանք պատերազմների ռազմավարական ուղեկիցներն են՝ տարածքները գրավում են զորքով, սրտերը՝ փափուկ ուժով։
Սիրիական հակամարտությունը Ռուսաստանին հնարավորություն տվեց նույն «մարտական պայմաններում» ստուգել նաև դաշնակիցներին։ Օրինակ, ՀԱՊԿ դաշնակիցներից ո՞վ է պատրաստ Ռուսաստանի հետ ներգրավվել հակամարտություններին, նրան աջակցել այն ժամանակ, երբ Թուրքիան խոցում է ռուսական ինքնաթիռ և այլն։ Ռուսաստանի ու ՀԱՊԿ-ի նկատմամբ կարելի է ունենալ տարբեր դիրքորոշումներ, բայց դաշնակցային պարտքը Հայաստանն այս դեպքերում կատարել է։
Բայց Ռուսաստանը միակը չէ, որ Սիրիան օգտագործել է որպես զենքի ու զորքի փորձադաշտ։ Բայց մյուս գլոբալ խաղացողների համար Սիրիան միակ այդպիսի մարտադաշտը չէ, և նրանք նման փորձ այլ տեղերում էլ կարող են ձեռք բերել։ Սիրիան այս դեպքում յուրահատուկ է նրանով, որ գրեթե բոլոր խոշոր խաղացողները ներգրավված են։
Սա թույլ է տալիս հաճախ հենց մարտերի ընթացքում ու մարտերով ստուգել գլոբալ հակառակորդների հնարավորությունները՝ հետախուզում իրականացնել համագործակցության ու միջնորդավորված հակամարտության միջոցով։
Դաշնակից Ռուսաստանից բացի, Հայաստանին անկասկած հետաքրքիր է նաև Սիրիական հակամարտությունն օգտագործելու Թուրքիայի փորձը։ Անկարան այժմ իր վերահսկողության տակ է պահում Սիրիայի հյուսիսի զգալի տարածքներ ու շարունակում է ընդլայնել դրանք՝ իբր իր սահմանի մոտ անվտանգություն սահմանելով։
Տարածք գրավելուց ու քրդերի դեմ աշխատելուց բացի, Թուրքիան նույնպես փորձարկում է իր զինատեսակները։ «Եփրատի վահան» գործողության ժամանակ թուրքական բանակը հնարավորություն ունեցավ մարտերի մեջ մտնել ոչ այնքան կանոնավոր քրդական զինված խմբերի դեմ, այդ թվում և քաղաքային մարտերի պայմաններում (ինչպես Ալ-Բաբ քաղաքի երկարատև ու ծանր մարտերը)։
Թուրքական բանակի մարտական տեխնիկայի կորուստները (վերը՝ տեսանյութում) որոշ բաներ հուշեցին տեխնիկայի արդիականացման ուղղությամբ։ Ու այսօր Թուրքիան արդեն զրահատեխնիկայի ակտիվ պաշտպանության համակարգեր է տեղադրում իր տանկերի վրա (ստորև լուսանկարներում)։ Պատճառն այն է, որ թուրքական բանակում եղած զրահատեխնիկան նախագծվել է հին սերնդի պատերազմների համար՝ ավելի լավ պաշտպանված է ճակատից։ Իսկ Սիրիայում գործող զինված խմբերը կարող են հայտնվել ամեն կողմից, հատկապես քաղաքային մարտերում։
Թուրքական կողմի այս քայլը չի ազդում նրանց նպատակային գործողությունների վրա։ Եթե նույնիսկ տեխնիկան լավ է աշխատում, միևնույն է, թուրքերն առանձնապես չեն կարողանում առաջ շարժվել Աֆրինում՝ հանդիպելով քրդական խմբերի համառ դիմադրությանը։
Տեխնիկայից բացի, թուրքական կողմը մարզում է նաև իր զինծառայողներին։ Ռուսաստանի համեմատ Թուրքիան ավելի ժլատ է ներգրավված անձնակազմի մասին թվեր նշելու հարցում։ Ավելին, բանակից բացի, Թուրքիան օգտագործում է տեղում գործող ու իրեն հավատարիմ զինյալներին՝ փաստացի վարձկանի կարգավիճակում՝ դրանով իսկ խուսափելով սեփական բանակի մեծաթիվ կորուստներից։
Բայց Թուրքիան ավելի հեռուն է գնում։ Այս օրերին երկրի Պաշտպանական արդյունաբերության գլխավոր քարտուղարությունը ակտիվորեն տեսանյութեր է շրջանառում այն մասին, որ սիրիական մարտերի փորձը հաշվի առնելով՝ նախագծում է «անօդաչու» զրահապատ մեքենաներ ու հեռակառավարվող ռոբոտներ։
20+ İnsansız Kara Aracımız yakında TSK’ya teslim edilip, Zeytin Dalı Harekatı’nda kullanılacak. pic.twitter.com/Ha1FEdKNOC
— SSM (@SavunmaSanayii) February 22, 2018
İnsansız ve robotik sistemlerin muharebe sahasına inmeye başladığı bugünlerde, Türkiye teknolojiyi takip eden değil; yön veren bir ülke olacaktır. İnsansız Ejder Yalçın aracımızın testleri başarıyla gerçekleştirildi ve arkası geliyor. pic.twitter.com/BMqlswGl0D
— Ismail Demir (@IsmailDemirSSM) February 24, 2018
Սիրիայում գործողություններ անելուց առաջ Թուրքիայի ղեկավարությունը դեռ թրծված չէր նաև տեղեկատվական դաշտում։ Պարբերաբար հայտնվում էին տեղեկություններ, որ թուրքական կողմը զենք է մատակարարում ահաբեկչական խմբերին, հետո Անկարան դատում էր այդ տեղեկությունները տարածողներին, լինում էր աղմուկ, հետո նույն շրջանը կրկնվում էր։ Ստորև տեսանյութում ներկայացված է 2014-ին նման տեղափոխման տեսագրությունը և «Իսլամական պետություն» խմբավորման համար նախատեսված ամոնիումի նիտրատը Թուրքիայի Աքչաքալե գավառում 2015 թվականին։
Արդեն այս տարի մեկնարկած «Ձիթենու ճյուղ» գործողության ժամանակ ակնհայտ դարձավ Թուրքիայի պատրաստվածության մակարդակը։ Սիրիա նոր նեխուժման առաջին իսկ օրը պետական լրատվամիջոցները «ավետում էին» այն մասին, թե ինչ «վեհ» նպատակներ է հետապնդում թուրքական բանակը, թե որ ներքին քաղաքական ուժերն ու դաշնակից պետություններն են աջակցում իրենց։
Ընդ որում՝ եթե Ռուսաստանը Սիրիայում գործում է քաղաքական ազդեցության համար, ապա Թուրքիան տարածք է գրավել ու այնտեղ ստեղծում է իր քաղաքացիական ենթակառուցվածքը, նույնիսկ ավարտական վկայական է տալիս դպրոցականներին, ինչը հղի է հեռուն գնացող զավթիչ հետևանքներով։
Սիրիայում իրար գտած ժամանակավոր դաշնակիցներից հետ չի մնում նաև Իրանը։ Հենց այդպես Թեհրանում եղած ահաբեկչական հարձակումներից հետո իրանական բանակը հրթիռակոծեց «Իսլամական պետություն» ահաբեկչական խմբավորման՝ Սիրիայում տեղակայված դիրքերը։
Սրանով Իրանը փորձարկում էր նաև իր հեռահար «Զոլֆաղար» հրթիռները։ Ընդ որում՝ այս պետությունն էլ ավելի դժվարությամբ է տեղեկատվություն տալիս, բայց երբ ուզում է ցույց տալ, դա անում է։
Իրանի համար, սակայն, կարևոր է զինված խմբավորումների դեմ ու նրանց դաշտում, նրանց մարտավարությամբ գործելու փորձառությունը։ Թեհրանը պարբերաբար հերքում է իր զինվորականներին Սիրիա գործուղելու փաստը։ Բայց այնտեղից պարբերաբար տեղեկություններ են լինում զոհված զինծառայողների մասին։ Այժմ նրանց թիվը գերազանցում է երկու հազարը։
Իսկ զինյալներից Իրանի յուրացրած տեխնոլոգիաներից ամենատպավորիչը մարտական անօդաչու թռչող այն սարքերն են, որոնց մարտական մասը ձեռագործ է։ Երկրի զինված ուժերի զորավարժություններից մեկի ժամանակ նկատվեց քաղաքացիական անօդաչու թռչող սարք, որից բաց էին թողնվում մարտագլխիկներ։ Էժան ու որակով տեխնոլոգիա, որին անդրադարձել ենք նախորդ հոդվածներից մեկում։
Դրան զուգահեռ, արդեն տարիներ շարունակ Սիրիայի երկնքում սավառնում են իրանական արտադրության հարվածային անօդաչու թռչող սարքեր։ Վերջերս դրանցից մեկը խոցվեց իսրայելցիների կողմից (ստորև տեսանյութում), և ճակատագրի հեգնանքով՝ այդ սարքը պատրաստված էր ամերիկյան նախատիպով։
Original footage showing #Iranian UAV infiltrating and then shot down over Israel, and #IDF strike on Iranian command vehicle in #Syria pic.twitter.com/Sz6poAOdjc
— Jonathan Conricus (@LTCJonathan) February 10, 2018
Եվ հենց Իսրայելին մոտիկ լինելն է, որ էլ ավելի մեծ մարտական փորձ է տալիս իրանական և՛ զենքին, և՛ զինվորին։ Արբանյակային լուսանկարները մի շարք դեպքեր են բացահայտել, երբ իրանական զինուժը ռազմաբազաներ է կառուցում Իսրայելի սահմանի մոտ։ Իրանին էլ սա է թույլ տալիս հակառակորդին «տնտղել» մարտական պայմաններում։
Հայկական ռազմաքաղաքական ղեկավարությունը զգուշավորություն է ցուցաբերում Սիրիայի հարցում։ Հայ համայնքի առկայությունն ու նոր հակառակորդներից խուսափելու գործոնները Հայաստանին մղում են փորձից օգտվել միջնորդավորված՝ Ռուսաստանի միջոցով։
Բայց Հայաստանը նաև պատրաստակամություն է հայտնել անհրաժեշտության դեպքում իր խաղաղապահներին ուղարկել Սիրիա՝ մասնավորապես ականազերծում իրականացնելու համար։ Մեծ է հավանականությունը, որ ՀՀ ՊՆ համակարգում նոր ձևավորվող խաղաղապահ ռազմական ոստիկանական ստորաբաժանումը նույնպես դրան է միտված։
23:35 19.05.2024
Ճշտվել է Ռաիսիի ուղղաթիռի գտնվելու վայրը․ Tasnim23:31 19.05.2024
Տիգրան Բարսեղյանը գեղեցիկ գոլ է խփել «Սլովանի» կազմում23:06 19.05.2024
Հրդեհ Հրազդանի կիրճում22:50 19.05.2024
Դիեգո Ռոսի Մարաշլյանը հերթական գոլն է խփել «Կոլամբուսի» կազմում22:13 19.05.2024
«Բայերն» առաջին անգամ ստացել է Բունդեսլիգայի չեմպիոնական տիտղոսը22:01 19.05.2024
Հնդկաստանը աղոթում է Ռաիսիի և նրա շրջապատի բարօրության համար․ Մոդի21:40 19.05.2024
Խամենեին հուսով է, որ Ռաիսին ողջ է մնացել ուղղաթիռի վթարից21:33 19.05.2024
Սպերցյանի գոլը նպաստել է «Կրասնոդարի» հաղթանակին21:28 19.05.2024
Բախվել են ավտոմեքենաներ․ կան տուժածներ21:14 19.05.2024
Իգա Շվյոնտեկը՝ Հռոմի «Մասթերսի» կանանց մենախաղի հաղթող19:14 19.05.2024
Իրանի նախագահի և արտգործնախարարի կյանքը «վտանգի տակ է»․ Reuters18:27 19.05.2024
Պետք չէ անտեսել Մեսսիի տարիքը. Խերարդո Մարտինո18:09 19.05.2024
Էբրահիմ Ռաիսիին տեղափոխող ուղղաթիռը կոշտ վայրէջք է կատարել Իրանում15:55 19.05.2024
Ալյասկայում ինքնաթիռ են հայտնաբերել, որտեղ կա 2 դի15:27 19.05.2024
Հայտնի են Հռոմի «Մասթերս» ATP-1000 մրցաշարի եզրափակչի մասնակիցները14:45 19.05.2024
Ինչպիսի եղանակ է սպասվում առաջիկա օրերին13:37 19.05.2024
Ռաիսին և Ալիևը շահագործման են հանձնել Խուդաֆերինի ՀԷԿ-ը10:58 19.05.2024
Տարադրամի փոխարժեքները մայիսի 19-ին10:19 19.05.2024
ՀՀ տարածքում կա փակ ավտոճանապարհ10:00 19.05.2024
ՃՏՊ Սիսիան-Գորայք ավտոճանապարհին․ կան տուժածներ23:44 18.05.2024
«Յուվենտուսը» հեռացրել է Մասիմիլիանո Ալեգրիին23:17 18.05.2024
Ֆոնսեկան պատրաստ է գլխավորել «Միլանը»22:34 18.05.2024
Բացահայտվել են մազերը ներկելու անսպասելի վտանգները22:25 18.05.2024
Կախարդական ապագա է սպասում ինձ. Մբապե21:55 18.05.2024
Ադամյանի «Քյոլնի» դուրս մնաց Բունդեսլիգայից21:19 18.05.2024
Հայաստանը 7 ծանրորդով կմասնակցի Մ17 ԱԱ-ին20:57 18.05.2024
Միլանի քաղաքային իշխանությունը պարգևատրել է «Ինտերի» ֆուտբոլիստներին20:52 18.05.2024
Կրակոցներ՝ Հրազդան քաղաքում․ կան զոհեր և վիրավոր20:26 18.05.2024
Աշխաբադում բացվել է Սայաթ-Նովայի արձանը20:16 18.05.2024
ՀՀ սահմանապահ զորքերի մի խումբ ծառայողներ արդեն Կիրանցում են20:08 18.05.2024
Ֆրանսիացիները թողարկել են բագետի բույրով նամականիշ19:50 18.05.2024
Յակուտիայի շրջաններից մեկում արտակարգ դրություն է մտցվել19:41 18.05.2024
Նեյմարը հաջողություն է մաղթել Ֆյուրիին Ուսիկի հետ մենամարտում19:31 18.05.2024
Ոստան գյուղի գերեզմանատան մոտ կատարված սպանությունը բացահայտվել է19:14 18.05.2024
Մայիսի 18-ը Թանգարանների միջազգային օրն է19:05 18.05.2024
Բուլղարիայի նախագահը մեկնաբանել է Սլովակիայի վարչապետի դեմ մահափորձը22:41 17.05.2024
Փարիզում ապացուցված են համարում այն, որ հենց Բաքուն է հրահրել անջատողական շարժումը Նոր ԿալեդոնիայումՆոր փաստեր են ի հայտ գալիս, որոնք ապացուցում են, որ Ֆրանսիային պատկանող Նոր Կալեդոնիայում շարունակվող զանգվածային անկարգությունների հրահրմանը առնչություն է ունեցել Ադրբեջանը: Ֆրանսիական մամուլը գրում է, որ այդպես Բաքուն փորձում է ստիպել Փարիզին հրաժարվել Հայաստանին աջակցելու ծրագրերից: Ի՞նչ քայլեր կարող է ձեռնարկել Փարիզը Բաքվի սադրանքին ի պատասխան: Թեմային «Հորիզոնի» տաղավարում անդրադարձել է Արտյոմ Երկանյանը։ «Արդեն […] ...
22:42 16.05.2024
Ի պատասխան Փարիզի կողմից Երևանին սպառազինության մատակարարմանը՝ Ադրբեջանը անկարգություններ է հրահրում ֆրանսիական Նոր Կալեդոնիա նահանգումԻ պատասխան Փարիզի կողմից Երևանին սպառազինության մատակարարմանը, Ադրբեջանը հերթական բացահայտ սադրանքն է իրեն թույլ տվել Ֆրանսիայի դեմ: Ֆրանսիայի հատուկ ծառայությունները պարզել են, որ Ադրբեջանը ուղիղ առնչություն ունի ֆրանսիական Նոր Կալեդոնիա նահանգում շարունակվող զանգվածային անկարգությունների կազմակերպմանը: Դրանց հետևանքով կան զոհեր ու վիրավորներ: Ի՞նչ առիթով են Նոր Կալեդոնիայում սկսվել անկարգությունները, ի՞նչ դեր է խաղացել Բաքուն: Թեմային «Հորիզոնի» […] ...
23:38 14.05.2024
Ի՞նչ արդյունքներ գրանցեցին Միրզոյան-Բայրամով բանակցությունները. մեկնաբանում է Հովսեփ ԽուրշուդյանըԻ՞նչ արդյունքներով ավարտվեցին Ալմաթիում տեղի ունեցած Միրզոյան-Բայրամով բանակցությունները: Ի՞նչ արդյունքներ կան սահմանազատման հարցում: Ի՞նչ խնդիր են բարձրացնում Երևանում բողոքի ակցիայի մասնակիցները: Այս հարցերին անդրադարձել է «Ազատ քաղաքացի» ՀԿ նախագահ Հովսեփ Խուրշուդյանը «Հեռանկարի» տաղավարում: Ամբողջական հարցազրույցը՝ տեսանյութում: ...
21:48 14.05.2024
Բաքվի դատարանը երկարացրել է Արցախի նախկին նախագահ Արկադի Ղուկասյանի կալանքի ժամկետը․ ե՞րբ կսկսվի դատավարությունըԱդրբեջանական լրատվամիոցները տեղեկացնում են, որ Բաքվի դատարանն այսօր երկարացրել է Արցախի նախկին նախագահ Արկադի Ղուկասյանի կալանքի ժամկետը: Ի՞նչ մանրամասներ են հայտնի: Թեմային «Հորիզոնի» տաղավարում անդրադարձել է Արտյոմ Երկանյանը։ «Վերջին անգամ Ադրբեջանում Արցախի նախկին ղեկավարների կալանքի ժամկետը երկարացրել էին հունվարի 25-ին: Այսինքն՝ մոտենում է արդեն ժամկետի ավարտը, ուստի դատախազը դիմել է դատարանին՝ միջնորդելով Արցախի նախկին նախագահ […] ...
23:03 13.05.2024
Ինչու են Բաքվում վստահ, որ Միրզոյանի և Բայրամովի հանդիպումն Ալմաթիում նպաստավոր էր իրենց համարՀամաշխարհային մամուլը շարունակում է մեկնաբանել Ալմաթիում կայացած՝ Հայաստանի ու Ադրբեջանի արտգործնախարարների հանդիպումը: Ինչպե՞ս են գնահատել հանդիպման արդյունքները Բաքվում: Թեմային «Հորիզոնի» տաղավարում անդրադարձել է Արտյոմ Երկանյանը: «Բաքվի մամուլը գրում է, որ Ադրբեջանում պետք է գոհ լինեն այդ հանդիպումից: Համենային դեպս հանդիպման ձևաչափը շահեկան էր Ադրբեջանի համար, քանի որ դրա շնորհիվ հաջողվեց ստիպել Հայաստանին հաշտվել, որ այսուհետ […] ...
22:53 10.05.2024
Ինչո՞ւ հենց Ալմաթին․ Ղազախստանում կայացած բանակցությունները կարող են բեկումնային դառնալԱլմաթիում հանդիպել են Հայաստանի ու Ադրբեջանի ԱԳ նախարարները: Առաջիկա երկու օրերին հայ-ադրբեջանական պատվիրակությունները բանակցություններ կանցկացնեն: Ալմաթիի ընտրությունը որպես հանդիպման վայր ունե՞ր հատուկ խորհուրդ: Թեմային «Հորիզոնի» տաղավարում անդրադարձել է Արտյոմ Երկանյանը։ «Հետաքրքրական է, որ ադրբեջանական որոշ լրատվականներ պնդում են, թե ի սկզբանե Ղազախստանի նախագահն առաջարկել էր հանդիպումն անցկացնել ոչ թե Ալմաթիում, այլ Աստանայում՝ մայրաքաղաքում, և, ամենայն […] ...