21:11 13.08.2018
Արմավիրի մարզի մի շարք համայնքներում օգոստոսի 10-ի երեկոյան տեղացած կարկուտը և ուժեղ քամին աղետալի վնասներ են հասցրել թե՛ գյուղատնտեսությանը, թե՛ շինություններին: Առավել շատ տուժել են Մրգաշատ, Բամբակաշատ, Ալաշկերտ, Սարդարապատ համայնքները: Shantnews.am-ի հետ բացառիկ զրույցում ՀՀ գյուղատնտեսության նախարար Արթուր Խաչատրյանը հայտնել է, որ գյուղացիները դրամական աջակցություն կստանան, այն էլ՝ առձեռն:
«Ինչպե՞ս է եղել մինչ այժմ. գնահատվել է վնասը, հետո, ելնելով պետության հնարավորություններից, գումարը փոխանցվել է հողի հարկի կամ ջրի վարձի վճարման համար: Հիմա մենք քննարկում ենք կանխիկ գումար հատկացնելու հարցը, որպեսզի գյուղացին կարողանա ճիշտ տնօրինել գումարային աջակցությունը: Դա մեր նախարարության մոտեցումն է, քննարկում է եղել վարչապետի հետ: Այդ հակվածությունը կա»,- ասաց նախարարը:
Արթուր Մկրտչյանը վնասի և աջակցության համամասնության մասին խոսելիս հորդորեց հաշվի առնել բյուջետային միջոցները:
«Գումարի քանակը կախված է պետության հնարավորություններից: Կգնահատենք վնասը, աջակցություն կցուցաբերենք, կփորձենք առավելագույնս դա անել: Երեկ, երբ այցելեցի մարզ, գյուղացիները բողոքում էին, որ նախորդ տարիներին բոլորին տրվել է նույն գումարը՝ անկախ նրանից շատ է կորցրել, թե քիչ: Պետք է հստակեցնենք՝ շատ կորցրածը շատ գումար պիտի ստանա, քիչ տուժածը՝ համեմատաբար քիչ»,- ասաց Խաչատրյանը:
Նշեց, որ կառավարության առաջնահերթություններից է կարկտապաշտպան ցանցերի լայն տարածումը հանրապետությունով մեկ:
«Այսօրվա բյուջեում ունենք 2018 և 2019 թվականների համար ծրագիր, որով սուբսիդավորում ենք այն վարկերը, որոնք ուղղված են կարկտապաշտպան ցանցեր տեղադրելուն: 7 տարով վարկեր են, տարեկան 2 տոկոսով: Այսինքն՝ խիստ սուբսիդավորված վարկեր են: Երբ շրջում էի համայնքներում, հարյուրավոր հա այգիներ էին վնասվել, բացի 5 հա-ից, որը կարկտապաշտպան ցանցի տակ էր: Ներդրումներն արդարացված են, չնայած նախնական գումարը կարող է մի փոքր բարձր լինել»,- ասաց Խաչատրյանը:
Նախարարը տեղեկացրեց, որ այս տարվա սեպտեմբերից Վանաձորում սկսելու է գործել իտալական տեխնոլոգիաներով ցանցեր արտադրող գործարան: Արդյունքում կարկտապաշտպան ցանցերի գներն ավելի կիջնեն, մատչելիության մակարդակն էլ կբարձրանա:
«Հակակարկտային կայանների ու կարկտապաշտպան ցանցերի ներդրումը կնվազեցնի ռիսկերը, դրանից բացի, մենք հաջորդ տարվա մարտից պիլոտային ծրագիր կսկսենք գյուղատնտեսության ապահովագրության վերաբերյալ: Փորձնական ծրագրի համար ընտրվել են Արարարտի, Արմավիրի, Շիրակի մարզերը»,- ասաց նա:
10:30 25.05.2025
Նոր ցիկլոն և անձրևներ են սպասվում. ՍուրենյանՀանրապետության տարածքում նոր ցիկլոն և անձրևներ են սպասվում: Այս մասին ֆեյսբուքյան իր էջում տեղեկացրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: «Մայիսի 27-30-ին նոր ցիկլոն և անձրևներ, բայց երեկոյան և գիշերային ժամերին»,-գրել է նա: ...
10:14 25.05.2025
Ջրանցքի մեջ դի է հայտնաբերվելՄայիսի 24-ին` ժամը 22։04-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շենիկ գյուղի ՋԷԿ-ի տարածքում՝ ջրանցքի մեջ, քաղաքացու դի է հայտնաբերվել․ դուրս բերելու համար անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները անձը չպարզված քաղաքացու դին դուրս են բերել ջրանցքից։ ...
10:00 25.05.2025
Հողաշերտի փլվածք՝ Վանաձոր-Ալավերդի ավտոճանապարհինՄայիսի 24-ին՝ ժամը 21։27-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ալավերդի ավտոճանապարհի 41-րդ կմ-ին տեղի է ունեցել փլվածք․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Վանաձոր-Ալավերդի ավտոճանապարհի 42-րդ կմ-ին՝ ճանապարհամերձ հատվածում, տեղի է ունեցել մոտ 25 […] ...
23:59 24.05.2025
Հերմինե Կարապետյանն Աշտարակ քաղաքում երեխաներին ավազանկարչություն է սովորեցնումՀերմինե Կարապետյանն Աշտարակ քաղաքում հիմնել է «Մոտիվ» ստեղծագործական ստուդիան, որտեղ երեխաներն ավազանկարչություն են սովորում: Մանրամասները՝ կառավարության տեսանյութում: ...
23:57 24.05.2025
Փլուզման վտանգի պատճառով Վանաձոր-Ալավերդի-Նոյեմբերյան ճանապարհը փակ է ծանրաքաշ և կցորդով տրանսպորտային միջոցների համարՎանաձոր-Ալավերդի-Նոյեմբերյան ավտոճանապարհի 42-րդ կմ-ում առաջացած փլուզման վտանգի պատճառով նշված ճանապարհը երկկողմանի փակ է ծանրաքաշ և կցորդով տրանսպորտային միջոցների համար։ Այս մասին հայտնել են «Ճանապարհային դեպարտամենտ» հիմնադրամից: Վերոնշյալ տրանսպորտային միջոցները կարող են երթևեկել Երևան -Սևան-Դիլիջան-Նոյեմբերյան կամ Վանաձոր-Դիլիջան-Նոյեմբերյան ավտոճանապարհներով։ Մարդատար տրանսպորտային միջոցների համար Վանաձոր-Ալավերդի-Նոյեմբերյան ճանապարհի 42-րդ կմ տեղամասում երկկողմանի երթեւեկությունը կկազմակերպվի մեկ գոտով։ ...
23:37 24.05.2025
Հայաստանին նվիրված միջոցառում Միսաք և Մելինե Մանուշյանների անունը կրող ավագ դպրոցումՄայիսի 22-ին Ֆրանսիայում ՀՀ դեսպան Արման Խաչատրյանը ներկա գտնվեց փարիզամերձ Շատնե-Մալաբրի քաղաքի՝ Միսաք և Մելինե Մանուշյանների անունը կրող կենտրոնական ավագ դպրոցում անցկացված միջոցառմանը՝ նվիրված Հայաստանին։ Այս մասին հայտնել են Ֆրանսիայում ՀՀ դեսպանությունից: Միջոցառման բացման արարողության ժամանակ ողջույնի խոսքով հանդես եկան դպրոցի տնօրենը և միջոցառման կազմակերպիչներ պատմության և փիլիսոփայության ուսուցիչները: Նրանք մասնավորապես ընդգծեցին, որ 2024թ․ սեպտեմբերին […] ...
