22:14 01.11.2022
Սոչի մեկնելուց առաջ վարչապետ Նիկոլ Փաշինյանն ասաց, որ պատրաստ է պաշտոնապես ընդունել, ստորագրել 15 կետերի հիման վրա համաձայնության հասնելու փաստաթուղթը: Ինչո՞ւ չստորագրվեց այդ փաստաթուղթը: Ըստ Անվտանգային քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանի, անհամաձայնություն է եղել 15 կետերից մեկի շուրջ:
«15-րդ կետը Ադրբեջանին որևէ կերպ ձեռնտու չէ, այդտեղ խոսվում է ԼՂ-ի կարգավիճակը հետագայում պարզելու մասին, փաստացի Ադրբեջանի կուրսը, որը վերաբերում է ԼՂ-ի խնդիրը լուծված լինելուն, այս դեպքում անտեսվում էր: Եվ այդ պատճառով Ադրբեջանը համաձայնություն չէր հայտնել: Դրա համար էլ Հայաստանի վարչապետը հանգիստ ասաց, որ մենք պատրաստ ենք, ևս մեկ անգամ հաստատում ենք, ընդունում ենք այդ համաձայնությունը և պատրաստ ենք ստորագրել, եթե Ռուսաստանը կարողանա, այսպես ասած, չակերտներում, համոզել Ադրբեջանին: Սոչիում Ռուսաստանին դա անել չհաջողվեց և այսպիսով ակնհայտ է, որ առանց այդ կետի համաձայնությունը ստորագրելը Հայաստանի շահերից չէր բխում, այդ կետով համաձայնությունը ստորագրելուն Ադրբեջանը համաձայն չէր: Այդ պատճառով էլ այդ համաձայնությունը չստորագրվեց:
Այդ կետը վերաբերում էր նաև ռուս խաղաղապահների ժամկետի երկարացման խնդրին: Սա Հայաստանի համար խնդիր չէ, և Հայաստանը կարող է ցանկացած պահի այդ ժամկետը երկարաձգել 10, 20 տարով, ինչի մասին վարչապետը մինչև Սոչի մեկնելը հայտարարել էր, բայց Ադրբեջանն ունի այնպիսի գործիք, ինչպիսին 5 տարին լրանալուց 6 ամիս առաջ հայտարարել է, որ չի ցանկանում երկարաձգել, և այս պահին իրենց համար անիմաստ է այդ գործիքն իրենք իրենց ձեռքով իրենց ձեռքից բաց թողնեն: Այդ պատճառով է, որ Ադրբեջանը դրա հետ կապված համաձայնություն չի տվել, ես համոզված եմ, որովհետև ինչ-որ համաձայնություն ձեռք բերել և գոնե ինչ-որ առաջընթացի մասին հայտարարելը Ռուսաստանի համար կլիներ բավական լուրջ հայտ՝ ընդդեմ Եվրամիության կամ Արևմուտքի այդ գործընթացների, բայց փաստացի ստացվում է այնպես, որ Ռուսաստանի կողմից որևէ լուրջ հաջողության հասնել, որևէ ուղղությամբ, չհաջողվեց»,-ասաց Ռոբերտ Ղևոնդյանը:
Մանրամասները՝ տեսանյութում:
10:12 02.05.2025
Տարադրամի փոխարժեքները մայիսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387․50 դրամ, վաճառքի նվազագույն արժեքը՝ 391 դրամ: Եվրոյի առքի առավելագույն արժեքն է 436 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․68 դրամ, վաճառքի նվազագույն արժեքը՝ 4․83 դրամ: ...
10:00 02.05.2025
Reuters. ՄԱԿ-ը լուրջ բարեփոխումներ է նախապատրաստում ֆինանսավորման կրճատման պատճառովՄիավորված ազգերի կազմակերպությունը դիտարկում է արմատական վերակազմավորման, հիմնական ստորաբաժանումների միավորման և ռեսուրսների վերաբաշխման հնարավորությունը: Այս մասին հայտնում է Reuters-ը՝ վկայակոչելով ՄԱԿ-ի գլխավոր քարտուղար Անտոնիո Գուտերեշի աշխատանքային խմբի կողմից պատրաստված վեց էջանոց գաղտնի հուշագիրը։ Փաստաթղթով առաջարկվում է տասնյակ գերատեսչություններ համախմբել չորս հիմնական ոլորտներում՝ խաղաղություն և անվտանգություն, հումանիտար հարցեր, կայուն զարգացում և մարդու իրավունքներ: Հատուկ միջոցառումները ներառում […] ...
09:55 02.05.2025
Երկրաշարժ Գավառ քաղաքից 12 կմ հարավՄայիսի 2-ին` տեղական ժամանակով ժամը 09:12-ին (Գրինվիչի ժամանակով` ժամը 05։12-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.24⁰ և արևելյան երկայնության 45․10⁰ աշխարհագրական կոորդինատներով Հայաստան՝ Գավառ քաղաքից 12 կմ հարավ, օջախի 10 կմ խորությամբ 2․0 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է […] ...
09:48 02.05.2025
Ռուբիո. ԱՄՆ-ը և Չինաստանը շուտով կարող են առևտրային բանակցություններ վարելԱՄՆ պետքարտուղար Մարկո Ռուբիոն հնարավոր է համարել շուտով Չինաստանի հետ առևտրային բանակցություններ վարելը։ «Նրանք ցանկանում են հանդիպել: Նրանք ցանկանում են խոսել: Մենք ունենք մարդիկ, ովքեր դա անում են: Ակնհայտ է, որ մեր ֆինանսների նախարար Սքոթ Բեսենտը ներգրավված է այդ ջանքերում, և այդ բանակցությունները շուտով տեղի կունենան»,- ասել է Ռուբիոն Fox News-ին տված հարցազրույցում: Միևնույն ժամանակ, […] ...
09:40 02.05.2025
Նեթանյահուն հայտարարել է Դամասկոսի նախագահական պալատի մոտ գտնվող թիրախի վրա հարձակման մասինԻսրայելի վարչապետ Բենիամին Նեթանյահուն և պաշտպանության նախարար Իսրայել Կացը համատեղ հայտարարություն են տարածել՝ հայտարարելով Դամասկոսի նախագահական պալատի մոտ գտնվող թիրախի վրա հարձակման մասին։ Այս մասին հայտնում է Times of Israel թերթը։ «Սա հստակ ազդանշան է սիրիական ռեժիմին, մենք թույլ չենք տա զորքեր ուղարկել Դամասկոսից հարավ կամ որևէ սպառնալիք դրուզների համայնքի համար», – մեջբերում է հրատարակությունը […] ...
09:30 02.05.2025
Ֆրանսիայի ԱԳՆ. Եվրոպան ՌԴ-ի դեմ պատժամիջոցների նոր փաթեթ է պատրաստումԵվրոպական երկրները ծրագրում են հակառուսական պատժամիջոցների ևս մեկ փաթեթ ներմուծել, եթե երկիրը հրաժարվի Ուկրաինայում կրակը դադարեցնելուց և հույս ունենա ստանալ ԱՄՆ աջակցությունն այս հարցում։ Այս մասին հայտարարել է Ֆրանսիայի ԱԳՆ ղեկավար Ժան-Նոել Բարոն Agence France Presse-ին տված հարցազրույցում։ «Մենք՝ եվրոպացիներս, պատրաստվում ենք աջակցել ամերիկյան այս նախաձեռնությանը Ռուսաստանի դեմ պատժամիջոցների 17-րդ փաթեթով, և չորեքշաբթի ես ասել […] ...
