Սեքսը Սպիտակ տանը-3 Լինդոն Ջոնսոն. թուրքական սուլթանի նման նախագահը

Ի վերջո,  այդ ամենի մասին իմացավ հայտնի հրատարակիչ Մարշը՝ Գլասի ամուսինը: Նա  հսկայական սկանդալ սարքեց և քաղաքական գործչին վռնդեց սենյակից: Թեև  կարճ ժամանակ  անց  հանդարտվեց: Այս պատմությունը շարունակվեց մինչև 1967 թվականը, երբ  Մարշը հրաժարվեց օժանդակել Վիետնամի պատերազմին: 

Շուտով Ջոնսոնի սիրային  արկածները համալրվեցին  ևս  մեկով, բայց ոչ վերջինով: 1948 թվականին Լինդոնը ծանոթացավ գովազդային ֆիրմայում աշխատող  Մադլեն Բրաունի հետ: Մի առիթով  Բրաունը պատմել  էր. «Նա նայում ինձ այնպես, ինչպես շոգ ամռանը՝ պաղպաղակին»:

Բրաունը որդի ծնեց Լինդոնի համար և տեղափոխվեց  Լինդոնի գնած տուն: Լինդոնը նրան ամեն ինչով ապահովում էր՝ սպասուհի, մեքենա, զարդեր: Նրանց սիրային կապը ձգվեց 21 տարի: Ամեն անգամ Թեքսաս  գնալիս Ջոնսոնը հանդիպում էր սիրուհուն և որդուն, սակայն նրանց գոյության փաստն աշխատում էր թաքցնել կնոջից և երկու երեխաներից:   

Մադլենն, իհարկե, միակն ու վերջինը չէր: Նախագահն անխնա օգտագործում էր իր դիրքը՝ կանանց  քաշելով իր անկողին:  Հետախուզական դաշնային Բյուրոյի գործակալները նույնիսկ վստահեցնում էին, թե լեդի Բերդը տեսել է  ամուսնուն Սպիտակ Տան Օվալաձև սենյակում  մերկ քարտուղարուհու հետ և տիեզերական հանգստությամբ ասել է.«Դա նախագահի բնավորության գծերից մեկն է»: 

Կլաուդիա Թեյլորը, չնայած ամուսնու կոպտությանն ու անթիվ դավաճանություններին, իսկապես շատ էր սիրում  նրան: Ջոնսոնը բոլորի ներկայութմաբ քննադատում էր կնոջը, վերաբերվում ինչպես սպասուհու, բայց լեդի Բերդն ասում էր, որ ամուսինը ստիպում է զգաստանալ բոլորին. «Նա մարդկանցից սպասում  է ավելին, քան նրանց թվում է, թե կարող են տալ թե ֆիզիկական թե հոգական տեսանկյունից»: 

 Տարիներ անց լեդի Բերդը լրագրողների կբացատրի.

«Ախր հասկացեք, իմ ամուսինը  սիրում է մարդկանց ընդհանրապես, իսկ մարդկանց կեսից ավելին կանայք են: Կարծում եք, ես կարո՞ղ եմ նրան հետ պահել մարդկության կեսի հետ շփումից: Վստահցնում եմ ձեզ՝ դա ոչ ոք չի կարող անել»: 

1955  թվականին Կլաուդիան հասկացավ, որ բառի բուն իմաստով նախագահի սիրտն իր ձեռքում է: Բժիշկներն ախտորոշեցին սրտի կաթված:  Հիվանդանոցի ամբողջ ճանապարհին Լինդոնը բռնել էր կնոջ ձեռքն ու շշնջում էր. «Միայն թե դու մնա կողքս ու ձեռքս բաց մի թող, ես պետք է  հասկանամ, որ դու ինձ հետ ես, որպեսզի կարողանամ պայքարել հիվանդության դեմ»: Կլաուդիան խնամեց նրան մինչև լրիվ առողջանալը: Իսկ դրանից  հետո  Նախագահի կյանքն ընկավ նախկին հունի մեջ՝ աշխատանք և մարմնական վայելքներ: 

1962 թվականին Լինդոնն ուղևորվեց Հնդկաստան: Նախագահի ուղեկիցը  Ջեքին էր՝ Քենեդիի քույրը: Բայց դա չէր բավարարում Ջոնսոնին: Չէ՞ որ նպատակը Քենեդիի հետ մրցելն էր: Հերթական «զոհը» Քենեդիի անձնական ինքնաթիռի բորտ ուղեկցորդուհին էր: Շուտով այդ  աղջիկն անցավ նախագահի անձնական ենթակայության տակ և դարձավ  քարտուղարուհի: 

Ջոնսոնը 6 քարտուղարուհի ուներ: Նրանցից 5-ի հետ սիրային կապի մեջ էր: Սիրով զբաղվում էր ամենուր՝ ինքնաթիռի մեջ, նավի վրա, սեփական կաբինետում, առանձնատանը: Ու առանձնապես չէր էլ թաքցնում այդ ամենը: Անգամ խորհուրդներ էր տալիս մյուս քաղաքական գործիչներին՝ կանանց հետ անլուծելի թվացող բոլոր հարցերը լուծել անկողնում: Այդպես  նա հարթեց մամուլի հետ իր «կնճռոտ» հարցերը՝ «Վաշինգտոն Պոստի»  լրագրողի հետ ննջարանում հանդիպելով:

Ջոնսոնի շրջապատում Ամերիկայի ամենագեղեցիկ կանայք էին: Նախագահն ատում էր տգեղ ու տձև կանանց: Նրա օգնականները մատակակարում էին բոլոր այն գեղեցկուհիներին, ում վրա թեկուզ մեկ րոպե կանգ էր առնում նախագահի հիացական հայացքը:

Շրջապատում ասում էին. «Թեև նա Թեքսասի ռամիկներից է, բայց իրեն պահում է թուրքական սուլթանի պես»: 

 Շարունակելի ….