17:49 07.12.2022
Այսօր՝ դեկտեմբերի 7-ին, տեղի է ունեցել Սպիտակի ավերիչ երկրաշարժի «Հիշատակի և դիմակայունության» օրվան նվիրված աշխատաժողով՝ «Անվտանգության մշակույթի զարգացումը» խորագրով։
Միջոցառումը կազմակերպվել էր ՀՀ արտակարգ իրավիճակների նախարարության, Ասիական զարգացման բանկի, ԱՌՆ ազգային պլատֆորմի, Բնական և բնապահպանական ռիսկերի նվազեցման հիմնադրամի, ՄԱԿ-ի զարգացման ծրագրի և ՄԱԿ-ի ԱՌՆ գրասենյակի համատեղ ջանքերով։
Աշխատաժողովին մասնակցել են ԱԻ նախարարի տեղակալ Դավիթ Համբարյանը, ՄԱԶԾ Հայաստանի գրասենյակի մշտական ներկայացուցիչ Նաթիա Նաթսվլիշվիլին և ՄԱԿ ԱՌՆ գրասենյակի Եվրոպական և Կենտրոնական Ասիայի գրասենյակի ղեկավար Օկտավյան Բիվոլը։
Աշխատաժողովի նպատակն էր բարձրացնել բնակչության և արձագանքող մարմինների իրազեկվածությունն աղետների ռիսկի կառավարման հիմնահարցերի ուղղությամբ։ Ներկայացվել և քննարկվել են սեյսմիկ վտանգի, երկրաշարժերի մոնիտորինգի և աղետների բազմակի ռիսկերի կառավարման ժամանակակից մոտեցումներն ու կիրառման ոլորտները, բնակչության կրթության և հանրային իրազեկման հիմնահարցերը, Սենդայի ծրագրի իրականացման մոնիտորինգի արդյունքները, հետաղետային վերականգնման հայեցակարգը, ինչպես նաև Սենդայի գործողություններից բխող աղետների ռիսկի կառավարման իրավական կարգավորումները։
ԱԻ նախարարի տեղակալ Դավիթ Համբարյանը նշել է, որ 1988 թվականի ավերիչ երկրաշարժը մինչ օրս հայ մարդու գիտակցության մեջ դաջված է որպես ազգային մեծագույն աղետ։
«Երկար տարիների վերականգնումից հետո պատահածի միակ սփոփանքը քաղված դասերն ու արված հետևություններն են, որոնք ամբողջությամբ կերպափոխեցին Հայաստանի՝ աղետներին դիմակայելու կարողությունն ու սկզբունքը: Մենք հետևանքների վերացման հարացույցից անցում կատարեցինք աղետների ռիսկի կանխարգելման և կառավարման»,-ընդգծել է Դ․ Համբարյանը։
Նրա խոսքով՝ կարևորագույն ուղերձը, որ այսօր կարող ենք նշել, այն է, որ մշակվող ու հաստատվելիք փաստաթղթերն անշուշտ առաջնահերթ են, սակայն դրանց իրականացումն ու կյանքի կոչելը կախված է յուրաքանչյուրի պատասխանատու և գիտակից մոտեցումից, որը ժամանակի մեջ պահանջում է երկարատև ու քրտնաջան պատրաստություն, կրթություն և գիտակցության աննախադեպ որակ։
ՄԱԶԾ Հայաստանի գրասենյակի մշտական ներկայացուցիչ Նաթիա Նաթսվլիշվիլին էլ ողջունելով ներկաներին, շնորհակալություն է հայտնել Հայաստանի կառավարությանը, որ ազգային պլատֆորմի, «Էլ Ջի Ջի» հիմնադրամի հետ միասին մասնակցել են այս ծրագրի իրականացմանը։
ՄԱԿ ԱՌՆ գրասենյակի Եվրոպական և Կենտրոնական Ասիայի գրասենյակի ղեկավար Օկտավյան Բիվոլն էլ իր հերթին ընդգծել է, որ Սպիտակի երկրաշարժը հստակ ներկայացնում է, թե ինչ կարող է տեղի ունենալ մարդկանց կյանքերի և ենթակառուցվածքների հետ, որը կհարատևի սերնդեսերունդ։
Աշխատաժողովի ավարտին եռակողմ փոխհամագործակցության հուշագիր է ստորագրվել «Աղետների ռիսկի նվազեցման ազգային պլատֆորմ»-ի, «Բնական և բնապահպանական ռիսկերի նվազեցման «Էլ Ջի Ջի» հիմնադրամ»-ի և «Սեյսմիկ ռիսկի գլոբալ մոնիտորինգի միջազգային կենտրոն» ՍՊԸ-ի միջև։
09:00 15.07.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:55 15.07.2025
Ֆրանսիան մինչև 2030 թվականը Եվրոպայում լայնածավալ հակամարտության հավանականություն է տեսնումՖրանսիայի պաշտպանության և ազգային անվտանգության գլխավոր քարտուղարությունը հրապարակել է պաշտպանության և անվտանգության ոլորտի թարմացված դոկտրին՝ «Ազգային ռազմավարական վերանայում 2025»-ին (RNS 2025): Փաստաթղթում խոսվում է մինչև 2030 թվականը Եվրոպայում լայնածավալ զինված հակամարտության բարձր հավանականության մասին, որին կներգրավվեն ինչպես Ֆրանսիան, այնպես էլ նրա դաշնակիցները։ «Առաջիկա տարիներին, մասնավորապես՝ մինչև 2030 թվականը, Ֆրանսիայի և եվրոպացիների համար գլխավոր սպառնալիքը կլինի […] ...
08:45 15.07.2025
Պիստորիուս. Գերմանիան և ԱՄՆ-ը պատրաստվում են Կիևին մատակարարել երկու Patriot հակաօդային պաշտպանության համակարգԲեռլինը և Վաշինգտոնը պատրաստվում են Կիևին մատակարարել մոտ 2 միլիարդ եվրո արժողությամբ երկու Patriot հակաօդային պաշտպանության համակարգ։ Ինչպես հաղորդում է DPA գործակալությունը, այս մասին Վաշինգտոն կատարած այցի ժամանակ լրագրողներին հայտնել է Գերմանիայի պաշտպանության նախարար Բորիս Պիստորիուսը։ «Սակայն վերջնական տեխնիկական, լոգիստիկ և ֆինանսական մանրամասները դեռ պետք է պարզաբանվեն», – մեջբերում է գործակալությունը նրա խոսքերը։ Պիստորիուսը հավելել […] ...
08:35 15.07.2025
Լավրովը կմասնակցի ՇՀԿ-ի արտաքին գործերի նախարարների խորհրդի նիստինՌուսաստանի արտաքին գործերի նախարար Սերգեյ Լավրովը կմասնակցի Շանհայի համագործակցության կազմակերպության անդամ երկրների արտաքին գործերի նախարարների խորհրդի նիստին Չինաստանում։ Լավրովը Չինաստան է ժամանել ԿԺԴՀ-ից։ Ավելի վաղ նա այցելել էր Մալայզիա։ Ռուսաստանի արտաքին գործերի նախարարությունը հայտնել է, որ հանդիպումը կդառնա Շանհայի համագործակցության կազմակերպության (ՇՀԿ) գագաթնաժողովի նախապատրաստման կարևոր փուլ, որը տեղի կունենա օգոստոսի 30-ից սեպտեմբերի 1-ը Տյանցզինում։ Նախարարները […] ...
08:15 15.07.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:08 15.07.2025
Հրդեհ ավտոմեքենայումՀուլիսի 15-ին, ժամը 00:56-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգեձոր գյուղի սկզբնամասում «VAZ» մակնիշի ավտոմեքենայում ընթացքի ժամանակ հրդեհ է բռնկվել: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Հրդեհը մեկուսացվել է ժամը 01:51-ին, մարվել՝ 02:00-ին: Այրվել է «VAZ» մակնիշի ավտոմեքենան։ ...
