13:43 03.02.2023
Հունվարի 9-ից վթարված, Արցախը Հայաստանից սնուցող միակ բարձրավոլտ գծի՝ Բերձոր-Աղավնո հատվածում վերականգնողական աշխատանքներ մինչ այս պահը չեն իրականացվել: Վնասված հատվածն ադրբեջանցիների վերահսկողության տակ է: Վթարի վայրին մոտենալ նրանք թույլ չեն տալիս:
«Մեր վերլուծությունների համաձայն՝ աշխատանքները կարելի է բավականին կարճ ժամանակահատվածում կատարել, սակայն դեռևս այդ հնարավորությունը չի ընձեռվում, որպեսզի կարողանանք դեպքի վայր այցելենք ու վերանորոգենք»,- ասել է «Արցախէներգո» ՓԲԸ գլխավոր տնօրենի տեղակալ Տիգրան Գաբրիելյանը:
Այս պահին էլեկտրաէներգիան մատակարարվում է Սարսանգ ՀԷԿ-ից, բայց դրա հնարավորությունները սահմանափակ են: Գազամատակարարման ամբողջական վերականգնման արդյունքում էլցանցի բեռը թեթևացել է, վթարների թիվը՝ նվազել:
Հատկապես հովհարային անջատումներից հետո արձանագրվում են տեղային վթարներ, որոնց պատճառը միանգամից մի քանի էլեկտրական ջեռուցման սարքերի օգտագործումն է: «Արցախէներգո»-ն հիշեցնում է՝ հաղորդալարերը այդ հզորությանը չեն դիմանում, ինչի հետևանքով հնարավոր է կրկնակի հոսանքազրկում առաջանա:
«Կան հատվածներ, որտեղ մալուխները ստորգետնյա են անցնում, և այդ աշխատանքները կրկնակի ծանր են լինում: Ստացվում է, որ բաժանորդի մոտ հովհարային անջատումից բացի, ևս մեկ անջատում է լինում: Մենք դրա համար ենք կոչ անում, որպեսզի միանգամից մի քանի սարքավորում չմիացնեն»,- նշել է Տիգրան Գաբրիելյանը:
Էլեկտրաէներգիայի սահմանափակ ռեսուրսների պատճառով Արցախում հիվանդանոցների, գիշերօթիկ հաստատությունների, տարեցների խնամքի և մի շարք այլ հաստատությունների բնականոն աշխատանքի ապահովումը դժվարությամբ է իրականացվում:
Մանրամասները՝ Արցախի մեր գործընկերների ռեպորտաժում:
12:57 25.05.2025
Սլովակիայի վարչապետը պաշտոնական այցով կժամանի ՀայաստանՄայիսի 25-27-ը պաշտոնական այցով Հայաստանի Հանրապետություն կժամանի Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։ ...
12:28 25.05.2025
Վարչապետը շնորհավորական ուղերձ է հղել Հորդանանի թագավորինՎարչապետ Նիկոլ Փաշինյանը շնորհավորական ուղերձ է հղել Հորդանանի Հաշիմյան Թագավորության թագավոր Աբդալլահ Երկրորդ բին Ալ-Հուսեյն Ալ Հաշիմիին ազգային տոնի՝ անկախության 79-րդ տարեդարձի առիթով: Ուղերձում ասված է. «Ջերմորեն շնորհավորում եմ Ձեզ և Հորդանանի բարեկամ ժողովրդին ազգային տոնի՝ անկախության 79-րդ տարեդարձի կապակցությամբ։ Վերահաստատում եմ Հայաստանի Հանրապետության կառավարության և անձամբ իմ հանձնառությունը՝ փոխգործակցել Ձեզ հետ երկկողմ հարաբերությունների օրակարգը […] ...
11:59 25.05.2025
Տարադրամի փոխարժեքները մայիսի 25-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 432 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․77 դրամ, վաճառքի նվազագույն արժեքը՝ 4.87 դրամ: ...
11:32 25.05.2025
Վթարային ջրանջատում` Արարատի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, մայիսի 25-ին՝ ժամը 11:20-19:00-ը, կդադարեցվի գյուղ Վերին Դվինի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
11:10 25.05.2025
Նոր Խարբերդ գյուղում ավտոմեքենա է այրվելՄայիսի 24-ին` ժամը 20:50-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոր Խարբերդ գյուղի 20-րդ փողոցում այրվում է ավտոմեքենա։ Դեպքի վայր է մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է 23-րդ փողոցի տներից մեկի մոտակայքում կայանած «Mercedes-Benz» մակնիշի ավտոմեքենայում. […] ...
10:46 25.05.2025
Իրավիճակը Հայաստանի ավտոճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
