17:46 03.02.2023
Հայաստանի Հանրապետության արդարադատության նախարարության քրեակատարողական հիմնարկների՝ 2022 թվականի գործունեության արդյունքներն ամփոփելու, ինչպես նաև ազատազրկված անձանց պահման պայմանների ընթացիկ վիճակին ծանոթանալու նպատակով Քրեակատարողական ծառայության պետի տեղակալներն աշխատանքային այց են կատարել քրեակատարողական հիմնարկներ:
Այցերի շրջանակներում փետրվարի 2-ին ՀՀ ԱՆ քրեակատարողական ծառայության պետի առաջին տեղակալ, արդարադատության գնդապետ Ամբակում Գրիգորյանն այցելել է «Արթիկ» և «Վանաձոր» քրեակատարողական հիմնարկներ, իսկ պետի տեղակալ, արդարադատության գնդապետ Վարդգես Ծաղիկյանը՝ «Երևան-Կենտրոն» քրեակատարողական հիմնարկ:
Քրեակատարողական հիմնարկների կողմից 2022 թվականի ընթացքում կատարված աշխատանքների վերաբերյալ խորհրդակցություններին հիմնարկների ստորաբաժանումների ղեկավարները մանրամասն ներկայացրել են իրենց ստորաբաժանումների կողմից իրականացված աշխատանքները, խնդիրներն ու կարիքները:
Մասնավորապես անդրադարձ է կատարվել օպերատիվ իրավիճակի կառավարելիությանը, թմրանյութերի, բջջային հեռախոսների և այլ արգելված իրերի ապօրինի շրջանառությունը կանխարգելող գործընթացներին, հացադուլների և ինքնասպանությունների կանխման ուղղությամբ տարված աշխատանքներին, ինչպես նաև դատապարտյալների օգտակար զբաղվածությանը և ազատ ժամանակի արդյունավետ կազմակերպմանն առնչվող հարցերին:
Ծառայության պետի տեղակալներին ներկայացվել են նաև հաշվետու ժամանակահատվածում «Երևան-Կենտրոն», «Արթիկ» և «Վանաձոր» քրեակատարողական հիմնարկներում իրականացված շինվերանորոգման ու կենցաղային պայմանների բարելավման աշխատանքները, որոնց շրջանակներում, ի թիվս այլնի, վերանորոգվել են դիտաշտարակները, կատարվել են բարեկարգման աշխատանքներ բնակելի գոտիների և վարչական շենքերի հարակից տարածքներում, կառուցվել և հարդարվել են դասասենյակներ, հոգեբանի ընդունելության սենյակ, վերանորոգվել ու կահավորվել են հաշմանդամների համար նախատեսված խցերը, իսկ զբոսահրապարակում տեղադրվել է վերելակ:
Վերոնշյալ աշխատանքներին տեղում ծանոթանալու նպատակով առաջին տեղակալ Ամբակում Գրիգորյանը շրջայց է կատարել «Արթիկ» և «Վանաձոր» քրեակատարողական հիմնարկներում, զրուցել է ազատազրկված անձանց հետ, լսել նրանց կողմից բարձրացված հարցերը:
Քրեակատարողական հիմնարկներ այցերի արդյունքներով Ամբակում Գրիգորյանը և Վարդգես Ծաղիկյանը տվել են համապատասխան ցուցումներ ու հանձնարարականներ հատկապես թմրանյութերի և արգելված իրերի ներթափանցման դեպքերը կանխելու ուղղությամբ:
13:20 11.07.2025
Բասկետբոլի Հայաստանի Մ16 հավաքականը երրորդ հաղթանակն է տարել և Եվրոպայի C դիվիզիոնի առաջնության կիսաեզրափակչում էԲասկետբոլի տղաների Հայաստանի Մ16 հավաքականը դուրս է եկե Եվրոպայի C դիվիզիոնի առաջնության կիսաեզրափակիչ: Խմբային փուլի երրորդ խաղն անընդմեջ Հայաստանի հավաքականը հաղթել է։ Այս անգամ մեր տղաները 97-63 հաշվով առավելության են հասել Ալբանիայի թիմի նկատմամբ: Հայաստանի հավաքականից ամենաարդյունավետը Քևին Քեշիշյանն է եղել։ ...
13:07 11.07.2025
Աշնանացան ցորենի մոմային հասունացման կանխատեսում լեռնային շրջաններումՄասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ․ աշնանացան ցորենի մոմային հասունացումը Շիրակի մարզում սպասվում է 17․07-21․07-ը, մնացած լեռնային շրջաններում՝ 24 -28.07-ն ընկած ժամանակահատվածում։ Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
12:55 11.07.2025
ԵՄ-ն Ադրբեջանին ու Հայաստանին կոչ է անում հնարավորինս շուտ սկսել խաղաղության համաձայնագրի նախագծի ստորագրումըԵՄ-ն Ադրբեջանին ու Հայաստանին կոչ է անում հնարավորինս շուտ սկսել խաղաղության համաձայնագրի նախագծի ստորագրումն ու վավերացումը: Այդ մասին հայտնել է ԵՄ արտաքին գործերի և անվտանգության քաղաքականության հարցերով ներկայացուցիչ Անիտա Հիփերը։ «ԵՄ-ն վճռականորեն աջակցում է երկու երկրի միջև հարաբերությունների կարգավորման գործընթացին։ Մենք կոչ ենք անում կողմերին հնարավորինս շուտ սկսել խաղաղության համաձայնագրի նախագծի ստորագրումն ու վավերացումը»,- ասել […] ...
12:48 11.07.2025
Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու ջանքերին․ Թեմի ԲրյուսՄիացյալ Նահանգներն աջակցում է Հարավային Կովկասում խաղաղության և կայունության խթանմանն ուղղված ջանքերին։ Այս մասին լրագրողների հետ ճեպազրույցում նշել է Միացյալ Նահանգների պետքարտուղարության խոսնակ Թեմի Բրյուսը։ Թեմի Բրյուսն պատասխանել է հարցին, թե արդյոք Վաշինգտոնը կոնկրետ պլան կամ առաջարկ ունի՝ աջակցելու Հայաստանի և Ադրբեջանի միջև խաղաղության համաձայնագրին։ «Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու […] ...
12:40 11.07.2025
Հրայր Մկոյանը տեղափոխվել է «Վան»Գյումրիի «Շիրակի» պաշտպան Հրայր Մկոյանը պայմանագիր է կնքել «Վանի» հետ, հայտնում է Չարենցավանի ակումբի պաշտոնական էջը: 38-ամյա փորձառու կենտրոնական պաշտպանը, հարազատ «Շիրակից» բացի, խաղացել է նաև «Արարատում», «Ուլիսում», «Միկայում», «Գանձասարում», «Արարատ-Արմենիայում», «Ալաշկերտում», ինչպես նաև Ռուսաստանի, Իրանի և Չեխիայի առաջնություններում: Հրայր Մկոյանը Հայաստանի ազգային հավաքականում մասնակցել է 52 հանդիպման և խփել է 1 գոլ: Հիշեցնենք, որ […] ...
12:36 11.07.2025
Սիրանուշ Սահակյանը ՄԻԵԴ-ում փաստեր է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալՄարդու իրավունքների եվրոպական դատարանում (ՄԻԵԴ) հայ ռազմագերիների ներկայացուցիչ և փաստաբան Սիրանուշ Սահակյանը պարզաբանումներ է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալ: «Արմենպրես»-ի փոխանցմամբ՝ իրավապաշտպան Սիրանուշ Սահակյանը նշել է, որ կոպտորեն խախտվել են արդար դատաքննության երաշխիքները, մասնավորապես՝ կողմերի հավասարության և մրցակցության սկզբունքը: Թե՛ նախաքննական մարմինները, թե’ դատարանն անտեսել են պաշտպանական կողմի ներկայացրած բոլոր միջնորդությունները՝ […] ...
