13:37 06.02.2023
Մ-6, Վանաձոր-Ալավերդի-Վրաստանի սահման միջպետական ավտոճանապարհի՝ Թումանյան-Բագրատաշենի մաքսային անցակետ շուրջ 51կմ երկարությամբ ճանապարհահատվածի հիմնանորոգման աշխատանքներն ավարտական փուլում են։ Ճանապարհը շահագործման հանձնելուց առաջ կապալառուների կողմից կատարվում են վերջին շտկումները, անվտանգության տարրերով բարելավվում է ճանապարհի կահավորանքը. որոշ տեղամասերում տեղադրվում են բետոնե պարապետներ, ուղղորդիչ սյուներ, մետաղական արգելափակոցներ, քարաթափումներից պաշտպանող ցանցեր։ Հիմնանորոգումը կատարվել է Ասիական զարգացման բանկի և ՀՀ պետական բյուջեի ֆինանսավորմամբ։
«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը և ծրագրի պատասխանատուներն այցելել էին Մ-6 ճանապարհ՝ տեղում ուսումնասիրելու կատարված աշխատանքները։
Գոռ Ավետիսյանը նշեց, որ Մ-6 միջպետական ճանապարհի հիմնանորոգման աշխատանքները, բացի մոտ 600մ հատված ընդգրկող Օձունի խաչմերուկից, գրեթե ավարտվել են։ Օձունի խաչմերուկը կհիմնանորոգվի ընթացիկ տարում ՀՀ պետական բյուջեի միջոցներով։ Նախագծանախահաշվային փաստաթղթերը կազմված են, և շուտով կհայտարարվի շինարարական աշխատանքների ձեռքբերման մրցույթ։ «Այսպիսով՝ մենք կունենանք ՀՀ հյուսիսային սահման՝ դեպի Վրաստան տանող բարձրակարգ ճանապարհ։ Նախկինում ճանապարհը նույնիսկ 4-րդ տեխնիկական կարգին չէր բավարարում, այժմ ունենք 3-րդ տեխնիկական կարգի, բարելավված ճանապարհ՝ երթևեկության ավելի բարձր հաշվարկային արագությամբ»,- ասաց Ճանապարհային դեպարտամենտի ղեկավարը՝ ավելացնելով, որ հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։
Շինարարության տեխհսկողությունն իրականացնող ընկերության՝ «Սաֆեժ ՍԱՍ և Հիլլ Ինտերնեյշընըլ» ՀՁ թիմի ղեկավար Գեորգիոս Պարասկևոպուլոսը, որ տեղում ներկայացնում էր արված ու ընթացիկ աշխատանքները, նշեց, որ կարող է երաշխավորել, որ կատարված աշխատանքի որակը գերազանց է. «Հետևել ենք շինարարության ընթացքին, ծրագրի բոլոր դետալներին։ Կարող եմ անձամբ իմ և «Սաֆեժ ՍԱՍ և Հիլլ Ինտերնեյշընըլ» կազմակերպության անունից երաշխավորել՝ որակը գերազանց է»։
Կատարված աշխատանքի որակը բարձր գնահատեց նաև ԱԺ պատգամավոր Արեն Մկրտչյանը։ «Նման որակի և մասշտաբի աշխատանքը պատկերացնել դժվար էր, սակայն դա արդեն իրականություն է։ Ես, հընթացս հետևելով կատարված աշխատանքներին, վստահ եմ, որ ճանապարհը երկար տարիներ ծառայելու է ժողովրդին»,- ասաց պարոն Մկրտչյանը։
Հիշեցնենք, որ 2018 թվականին ավարտվել էր նաև Մ-6-ի առաջին՝ Վանաձոր-Թումանյան (38,45կմ) հատվածի հիմնանորոգումը, որը կատարվել էր Եվրոպական ներդրումային բանկի և ՀՀ կառավարության ֆինանսավորմամբ։
20:22 13.07.2025
Թուրքիան ուշադիր հետևում է Հայաստանի և Ադրբեջանի միջև խաղաղության բանակցություններին․ ԷրդողանԹուրքիան ուշադիր հետևում է Աբու Դաբիում (ԱՄԷ) մեկնարկած Հայաստանի և Ադրբեջանի միջև խաղաղության բանակցություններին։ Այս մասին ասել է Թուրքիայի նախագահ Ռեջեփ Թայիփ Էրդողանը Արաբական Միացյալ Էմիրությունների նախագահ Մոհամմեդ բին Զայեդ Ալ Նահյանի հետ հեռախոսազրույցի ժամանակ։ Էրդողանի խոսքով՝ պաշտոնական Անկարան կշարունակի աջակցել Հարավային Կովկասում խաղաղության և կայունության ապահովմանն ուղղված ջանքերին։ Հուլիսի 10-ին ԱՄԷ մայրաքաղաք Աբու Դաբիում […] ...
20:19 13.07.2025
Մարսից Երկրի վրա հայտնված ամենամեծ քարը կվաճառվի աճուրդումՄարսից Երկրում հայտնված 25 կգ քաշով քարը աճուրդի կհանվի Sotheby’s-ում։ Ակնկալվում է, որ այն կվաճառվի 2-4 միլիոն դոլարով։ Նման բարձր գինը բացատրվում է նրանով, որ սա Մարսից Երկրի վրա հայտնաբերված ամենամեծ քարն է։ Ինչպես հաղորդում է Associated Press-ը՝ հղում անելով աճուրդի տանը, NWA 16788 նմուշը երկնաքարի մի մասն է, որը Մարսի մակերևույթից դուրս է եկել […] ...
20:03 13.07.2025
Գերմանիան կոչ է անում ԵՄ-ին միջոցներ ձեռնարկել ԱՄՆ-ի դեմ, եթե մաքսատուրքերի շուրջ բանակցությունները ձախողվենԳերմանիայի փոխկանցլեր և ֆինանսների նախարար Լարս Քլինգբեյլը կոչ է արել արագ լուծել ԵՄ-ի և Միացյալ Նահանգների միջև առևտրային վեճը և հայտարարել «վճռական» հակազդեցություններ ձեռնարկելու անհրաժեշտության մասին, եթե սակագնային բանակցություններն արդյունք չտան։ «ԱՄՆ նախագահ Դոնալդ Թրամփի մաքսատուրքերից միայն պարտվողներ կան։ Դրանք ամերիկյան տնտեսության համար առնվազն նույնքան սպառնալիք են ներկայացնում, որքան Եվրոպայի ընկերությունների համար։ Ահա թե ինչու […] ...
19:45 13.07.2025
Իսրայելի բանակը 24 ժամվա ընթացքում Գազայում 150 թիրախ է խոցելԻսրայելի ռազմաօդային ուժերը շարունակել են հարվածներ հասցնել Գազայի հատվածում ամբողջ օրվա ընթացքում: Բանակի մամուլի ծառայության տվյալներով՝ ընդհանուր առմամբ խոցվել են պաղեստինյան արմատական ռազմական կազմավորումների հետ կապված ավելի քան 150 թիրախներ: Թիրախների թվում էին ականապատված կառույցներ, զենքի պահեստներ, հակատանկային և դիպուկահարային կրակի դիրքեր, այլ ռազմական ենթակառուցվածքային օբյեկտներ, ինչպես նաև առանձին զինված արմատականներ։ Ցամաքային ստորաբաժանումները 24 ժամ […] ...
19:20 13.07.2025
Այսօր մենք միասին ձևավորում ենք մի ռազմավարություն, որը պետք է դառնա առաջիկա տարիների հարկային վարչարարության ամուր հիմքը․ ՊԵԿ նախագահՊԵԿ ռազմավարական նախագծերին նվիրված աշխատաժողովի երկրորդ օրվա քննարկումները շարունակվել են հարկային վարչարարության բարեփոխումների ռազմավարության նախագծի շուրջ։ Քննարկման առանցքում եղել են հարկային վարչարարության բարելավման ռազմավարական ուղղությունները, ՀՀ կառավարության կողմից նախանշված առաջնահերթություններին համահունչ մոտեցումները, հարկ վճարողներին մատուցվող ծառայությունների առավելագույն թվայնացումը, ինչպես նաև ստվերային տնտեսության նվազեցման և տնտեսվարողների համար հավասար պայմանների ստեղծմանն ուղղված լուծումները։ ՊԵԿ նախագահ Էդուարդ Հակոբյանը […] ...
19:07 13.07.2025
Գետազատ բնակավայրում կորած երեխան հայտնաբերվել էՆԳՆ Ոստիկանության և Փրկարար ծառայութան աշխատակիցների օպերատիվ միջոցառումների շնորհիվ Արարատի մարզի Գետազատ բնակավայրում կորած երեխան հայտնաբերվել է: Երեխան, նախնական տվյալներով, ունի վնասվածքներ, կյանքին վտանգ չի սպառնում: Կտրվի լրացուցիչ տեղեկատվություն: ...
