16:08 24.03.2023
Հունվարի 21-ից պարեկային ծառայությունը մեկնարկեց հանրապետության ևս չորս մարզերում՝ Արագածոտնում, Կոտայքում, Գեղարքունիքում և Տավուշում։ Այս մարզերում քաղաքացիները 24 ժամ տեսնում են ծառայության դուրս եկած շուրջ 550 պարեկների, որոնք նոր համազգեստով են, նոր սպառազինությամբ ու ծառայողական նոր մեքենաներով։ Հնգամսյա դասընթացներ անցած և ավարտական քննություններին լավագույն արդյունք ցուցաբերած ծառայողներն արդեն արձանագրել են հանցավորության դեմ պայքարի ու ճանապարհային երթևեկության անվտանգության ապահովման ուղղություններով տեսանելի աշխատանք։
Պարեկային ծառայության Կոտայքի գումարտակի ծառայողները երկու ամսում բացահայտել են հանցագործության 28 դեպք. խուլիգանություններ, ավտոառևանգումներ, թմրամիջոցների և սառը զենքերի հայտնաբերման, գողության, մարդու առևանգման, կեղծ փաստաթղթերի, գույքը դիտավորությամբ վնասելու դեպքեր։ Կազմել են վարչական իրավախախտման վերաբերյալ 10970 արձանագրություն։ Նախորդ տարվա նույն ժամանակահատվածում արձանագրությունների թիվը 10389 էր։
Նույն ժամանակահատվածում պարեկային ծառայության Գեղարքունիքի գումարտակի ծառայողները բացահայտել են հանցագործության 39 դեպք։ Գերակշիռ մասը թմրամիջոցների անօրինական շրջանառության, ապօրինի ծառահատումների դեպքեր են։ Գեղարքունիքի պարեկները հայտնաբերել են նաև զենք-զինամթերք, սառը զենքեր։ Նրանց միջոցառումներով հայտնաբերվել են ինչպես Հայաստանի, այնպես էլ այլ պետության իրավապահների կողմից հետախուզվողներ։ Պարեկները երկու ամսում կազմել են վարչական իրավախախտումների վերաբերյալ 7479 արձանագրություն՝ նախորդ տարվա նույն ժամանակահատվածի համեմատ 4237-ով ավելի։
Տավուշի պարեկները երկու ամսում բացահայտել են հանցագործության 22 դեպք, որոնցից 9-ը՝ ապօրինի ծառահատման, 1-ը՝ կաշառքի, իսկ մնացածը՝ զենք-զինամթերքի և սառը զենքի հայտնաբերման դեպքեր։ Երկու ամսում տարբեր իրավախախտումների համար կազմվել է վարչական իրավախախտման վերաբերյալ 5149 արձանագրություն՝ նախորդ տարվա նույն ժամանակահատվածի համեմատ 3459-ով ավելի։
Հունվարի 21-ից մարտի 21-ը հանցավորության դեմ ակտիվ պայքար են մղել նաև Արագածոտնի պարեկները։ Նրանք բացահայտել են մարմնական վնասվածք հասցնելու, ավտոառևանգման, ապօրինի ծառահատման, գույքը դիտավորությամբ վնասելու, թմրամիջոցների անօրինական շրջանառության 30 հանցագործություն։ Նրանք նույնպես հայտնաբերել են ապօրինի և սառը զենքեր։ Իսկ տարբեր խախտումների համար կազմել են վարչական իրավախախտման վերաբերյալ 6586 արձանագրություն։ Նախորդ տարվա նույն ժամանակահատվածում արձանագրությունների թիվը 3700 էր։
Այսպիսով, երկու ամսում չորս մարզերի պարեկները բացահայտել են հանցագործության 119 դեպք և կազմել վարչական իրավախախտման վերաբերյալ 30184 արձանագրություն։
23:59 23.07.2025
Կենտրոնի բակերն ազատվում են ապօրինի ավտոտնակներիցԿենտրոն վարչական շրջանի Արամի 64 հասցեի բակային տարածքից ապամոնտաժվել են ապօրինի տեղադրված ավտոտնակները: Այս մասին հայտնել են Երևանի քաղաքապետարանից: Բակը կբարեկարգվի, զավթված տարածքների փոխարեն կձևավորվի հանգստի հարմարավետ գոտի: Մանրամասները՝ տեսանյութում: ...
23:58 23.07.2025
Օպերատիվ իրավիճակը հանրապետությունում հուլիսի 22-ից 23-ըԲացահայտվել է 128 հանցագործություն, որոնցից 2-ը՝ նախկինում կատարված: Մասնավորապես՝ 37 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 15 դեպք՝ մարմնական վնասվածք պատճառելու, 14 դեպք՝ թմրանյութի հայտնաբերման, 11 դեպք՝ ֆիզիկական ներգործության, 7 դեպք՝ խարդախության, 5-ական դեպք՝ հոգեկան ներգործության, գույքը ոչնչացնելու կամ վնասելու, 4 դեպք՝ […] ...
23:56 23.07.2025
Համաքաղաքացուն մարմնական վնասվածք պատճառած 63-ամյա տղամարդը ձերբակալվել էՀուլիսի 21-ին Ոստիկանության օպերատիվ կառավարման կենտրոն «Աստղիկ» բժշկական կենտրոնից հաղորդում է ստացվել, որ շտապօգնության խումբը կտրած-ծակած վերքերով բուժօգնության է տեղափոխել Երևանի բնակիչ 45-ամյա տղամարդու: Երևանի քրեական ոստիկանների և Մալաթիայի բաժնի համայնքային ոստիկանների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ 45-ամյա տղամարդուն մարմնական վնասվածք է պատճառել 63-ամյա համաքաղաքացին։ Նա Դանիել Վարուժան փողոցում հայտնաբերվել, ձերբակալվել և […] ...
23:55 23.07.2025
Հաղթանակ կամրջի տակ՝ Հրազդան գետում, հայտնաբերվել է տղամարդու մարմինՀուլիսի 23-ին, ողբերգական դեպք է տեղի ունեցել Երևանում։ Ժամը 21:30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում օպերատիվ տեղեկություններ են ստացվել, որ Հաղթանակ կամրջի տակ դի կա։ Ինչպես հայտնում է shamshyan.com-ը, ժամանել են նաև ՀՀ ՆԳՆ փրկարար ծառայության Երևանի հրշեջ-փրկարարական ջոկատից 1 մարտական հաշվարկ։ Այս պահին փրկարարները հատուկ ճոպաններ են […] ...
23:52 23.07.2025
Խոշոր հրդեհ Սյունիքի մարզում․ վագոն տնակը վերածվել է մոխրակույտիՀուլիսի 23-ին, արտակարգ դեպք է տեղի ունեցել Սյունիքի մարզում։ Ժամը 17։35-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Տաթև վանքից Կապան տանող ավտոճանապարհի 2-րդ կմ հատվածում հրդեհ է բռնկվել վագոն-տնակում։ Ինչպես հայտնում է shamshyan.com-ը, hրշեջ փրկարարները նախ կանխել են կրակի տարածումը, ապար մարել այն, սակայն վագոն-տնակը […] ...
23:49 23.07.2025
Կարեն Խաչանովը բացատրել է, թե ինչու չի մասնակցում Վաշինգտոնի ATP-500 կարգի մրցաշարինԱշխարհի 16-րդ ռակետ, Ռուսաստանը ներկայացնող հայազգի թենիսիստ Կարեն Խաչանովը բացատրել է, թե ինչու չի մասնակցում Վաշինգտոնում մեկնարկած ATP-500 կարգի մրցաշարին, հայտնում է Чемпионат-ը: «Շատ լարված մրցաշրջան է։ Միշտ կան զոհողություններ, որոնք պետք է անել։ «Ուիմբլդոնում» ուշ ավարտեցի մրցաշրջանը, բավարար ժամանակ չունեի՝ ծածկույթը փոխելու և մարզվելու համար։ Գիտեի, որ չեմ խաղա Վաշինգտոնի մրցաշարում»,- ասել է Խաչանովը։ […] ...
