18:08 19.04.2023
ՀՀ քննչական կոմիտեի նախագահ Արգիշտի Քյարամյանն այսօր ընդունել է Երևանում Եվրոպայի խորհրդի գրասենյակի ղեկավար Մարտինա Շմիդտի գլխավորած պատվիրակությանը։
ՀՀ քննչական կոմիտեի նախագահը բարձր է գնահատել Եվրոպայի խորհրդի դերը Հայաստանում մարդու իրավունքների պաշտպանության և ժողովրդավարական ինստիտուտների զարգացման գործում և ընդգծել է ԵԽ երևանյան գրասենյակի հետ Կոմիտեի փոխգործակցության կարևորությունը կառույցի կարողությունների զարգացման առումով։
Արգիշտի Քյարամյանն արժևորել է ԵԽ երևանյան գրասենյակի աջակցությամբ մի շարք ուղղություններով, մասնավորապես գենդերային հավասարության, ինչպես նաև ընտանեկան բռնության և այլ հանցատեսակների դեմ պայքարի ոլորտներում ՀՀ ՔԿ հարյուրավոր քննիչների վերապատրաստումները։ Առանձնահատուկ ընդգծվել է ԵԽ-ի հետ գործակցության արդյունքում խորհրդատվական, իրավական, տեխնիկական աջակցության օժանդակ գործիք հանդիսացող ազգային 24/7 կոնտակտային կետի ստեղծումը ՀՀ քննչական կոմիտեում, որը մեծացնում է հատկապես կիբեռհանցագործությունների և բարձր տեխնոլոգիաների ոլորտում կատարված հանցագործությունների դեմ պայքարում ՀՀ ՔԿ միջազգային համագործակցության հնարավորությունները։
ԵԽ երևանյան գրասենյակի ղեկավար Մարտինա Շմիդտը ևս գոհունակություն է հայտնել ՀՀ քննչական կոմիտեի հետ համագործակցության արդյունավետության կապակցությամբ։ Նա ընդգծել է, որ ԵԽ-ն պատրաստ է շարունակել Հայաստանի իրավապահ համակարգին ցուցաբերվող ինստիտուցիոնալ և գործառնական աջակցությունը՝ ըստ հայկական կողմի կարիքների։ Տիկին Շմիդտը ներկայացրել է գրասենյակի կողմից իրականացվող և պլանավորվող ծրագրերի ընդհանուր շրջանակը՝ հույս հայտնելով, որ ՀՀ ՔԿ-ն կշարունակի իր ներգրավվածությունը դրանում։
Հանդիպման ընթացքում քննարկվել են նախորդ տարվա հուլիսից ուժի մեջ մտած ՀՀ քրեական և ՀՀ քրեական դատավարության նոր օրենսգրքերում ներդրված մարդու իրավունքների պաշտպանության նոր կառուցակարգերը, դրանց կիրառման պրակտիկան։ Անդրադարձ է կատարվել կիբեռհանցագործությունների, փողերի լվացման, կապիտալի ապօրինի շրջանառության, թրաֆիքինգի և հանրային բարձր վտանգավորություն ունեցող այլ հանցագործությունների դեմ պայքարում քննիչների առավել թիրախային վերապատրաստումների ծրագրեր իրականացնելու հնարավորություններին։
ՀՀ քննչական կոմիտեի նախագահը նշել է, որ Կոմիտեն պատրաստակամ է իր իրավասությունների շրջանակում ներգրավվելու զինված ուժերում մարդու իրավունքների պաշտպանությանն ուղղված նոր ծրագրերում, որոնք կնպաստեն ՀՀ զինված ուժերում իրավունքների պաշտպանվածության մակարդակի բարձրացմանը։
Պայմանավորվածություն է ձեռք բերվել ՀՀ ՔԿ և ԵԽ երևանյան գրասենյակի միջև առաջիկա համագործակցության շրջանակները, առավել դետալային խնդիրները քննարկել աշխատանքային ձևաչափերով։
22:43 11.07.2025
Բժիշկը հորդորել է կտրատած ձմերուկ չգնել
22:30 11.07.2025
Մադրիդի «Ռեալը» համաձայնության է հասել աշխարհի առաջնության եզրափակիչը «Սանտիագո Բեռնաբեուում» անցկացնելու հարցումՄադրիդի «Ռեալը» ՖԻՖԱ-ի հետ համաձայնության է հասել 2030 թվականի աշխարհի առաջնության եզրափակիչը «Սանտիագո Բեռնաբեու» ստադիոնում անցկացնելու հարցում։ Այս մասին տեղեկացնում է Marca-ն: Աշխարհի ակումբային առաջնության ընթացքում «Ռեալի» նախագահ Ֆլորենտինո Պերեսն ԱՄՆ-ում հանդիպել է ՖԻՖԱ-ի նախագահ Ջանի Ինֆանտինոյի հետ։ Կողմերը քննարկել են պայմանագրի կնքման մանրամասները: 2030 թվականի աշխարհի առաջնությունը տեղի է ունենալու Իսպանիայում, Մարոկկոյում և Պորտուգալիայում: […] ...
22:14 11.07.2025
Թեհրանը պատրաստ է վերսկսել միջուկային բանակցությունները, բայց պայման է ներկայացրելԻրանի միջուկային ծրագրի շուրջ բանակցությունների վերսկսման դեպքում Միացյալ Նահանգները պետք է երաշխավորի ռազմական ուժի չկիրառումը, հայտարարել է Իրանի արտաքին գործերի նախարար Աբբաս Արաղչին։ «Նա (Արաղչին) ընդգծել է, որ նախևառաջ ԱՄՆ-ն պետք է փոխի իր վարքագիծը և այլևս չհարվածի Իրանին, որից հետո բանակցությունները կարող են շարունակվել», – Tasnim գործակալությունը մեջբերում է Արաղչիի՝ ֆրանսիական Le Monde թերթին […] ...
21:48 11.07.2025
Էրդողանը Քրդական բանվորական կուսակցության զինաթափման գործընթացը կարևոր է համարել Թուրքիայի համարԹուրքիայի նախագահ Ռեջեփ Թայիփ Էրդողանը «Քրդստանի աշխատավորական կուսակցության» (PKK) կողմից սկսված զինաթափման գործընթացը կարևոր քայլ է անվանել «ահաբեկչությունից զերծ Թուրքիայի» նպատակին հասնելու ուղղությամբ։ «Հուսով եմ, որ «ահաբեկչությունից ազատ Թուրքիայի» մեր նպատակին հասնելու ուղղությամբ այսօր ձեռնարկված կարևոր քայլը կնպաստի դրան հասնելուն», – գրել է նա X-ում։ Սպասվում է, որ Էրդողանը հուլիսի 12-ին ավելի մանրամասն կմեկնաբանի «Քրդստանի […] ...
21:38 11.07.2025
Միշտ կլինեմ մադրիդիստա․ ՄոդրիչԼուկա Մոդրիչը Real Madrid TV-ի հետ զրույցում ամփոփել է ակումբում անցկացրած 13 տարիները․ «Սա իմ տունն է: Ինձ ժամանակ է հարկավոր հասկանալու համար, թե ինչի եմ հասել այստեղ: «Ռեալն» ինձ ամեն ինչ տվել է, և ես ամբողջ կյանքում շնորհակալ կլինեմ: Ես միշտ լինելու եմ մադրիդիստա: Ֆուտբոլի պատմության մեջ լավագույն ակումբում ամենատիտղոսակիր ֆուտբոլիստ լինելն անհավանական է: […] ...
21:27 11.07.2025
Դանիան 8 միլիոն դոլար կհատկացնի Մոլդովայի ռազմականացմանըԴանիան մոտ 8 միլիոն դոլար է հատկացնում Մոլդովայի ռազմականացմանը՝ երկու երկրների միջև նոր պաշտպանական համաձայնագրի շրջանակներում, ուրբաթ օրը հայտարարել է Դանիայի պաշտպանության նախարարությունը։ «Դանիան և Մոլդովան սկսում են համագործակցություն պաշտպանության ոլորտում՝ Մոլդովայի ռազմական կարողությունները և ինքնապաշտպանության կարողությունները ամրապնդելու համար։ Համաձայնագրի շրջանակներում Պաշտպանության նախարարությունը չորս տարվա ընթացքում 50 միլիոն կրոն (մոտ 7,8 միլիոն դոլար) է ներդնում […] ...
