17:03 24.08.2018
ՌԴ Կեմերովո քաղաքի «Զիմնյայա վիշնյա» առևտրի և զվարճանքի կենտրոնում այս տարվա մարտի 25-ին բռնկված հրդեհը սկսվել է լուսադիոդային լամպի բռնկումից, ինչը տեղի է ունեցել լամպի վրա տանիքից հալոցքաջրերի կաթոցների հետևանքով: Պաշտպանիչ սարքը, որը պետք է ավտոմատ անջատեր լամպը, չի գործել, քանի որ եղել է անսարք վիճակում: Այսպիսին են փորձագիտական հետազոտությունների արդյունքները:
Հետաքննությունը բավական բարդ է եղել, երկար ժամանակ մասնագետները չեն կարողացել հստակ որոշել հրդեհի պատճառը և միայն վեց ամիս անց այրված նյութերի հսկայական քանակի ուսումնասիրությունից հետո պարզել են իրականությունը: Ընթացքում պարզվել են նաև մի շարք շինարարական և էլեկտրամոնտաժի թերացումներ, որոնք թեև կապ չունեն հրդեհի հետ, բայց վկայում են անփույթ կառուցապատման և շինարարության ընթացքում յուրացումների հավանականության մասին:
Հիշեցնեք, որ «Զիմնյայա վիշնյա» առևտրի և զվարճանքի կենտրոնում այս տարվա մարտի 25-ին բռնկված հրդեհին զոհ գնաց 60 մարդ՝ մեծ մասը երեխաներ: Զոհերի թվով այս հրդեհը ՌԴ-ում խոշորագույններից էր վերջին 100 տարում: Հրդեհից հետո կատարված հենց առաջին ուսումնասիրությունները պարզեցին, որ կենտրոնում չի աշխատել հրդեհային ազդարարման ավտոմատ համակարգը, իսկ անվտանգության աշխատակիցը չի միացրել նաև ազդարարման համակարգը, որը պետք է մարդկանց տեղեկացներ վտանգի մասին:
Այս գործով ձերբակալվել է 11 մարդ, այդ թվում՝ կառույցի սեփականատերերն ու կառավարիչը: «Զիմնյայա վիշնյա» առևտրի և զվարճանքի կենտրոնը ապամոնտաժվել է ամբողջությամբ: Այստեղ կկառուցվի հրդեհի զոհերի հուշահամալիր:
21:40 20.07.2025
Իրանում հուլիսի 23-ը հանգստյան օր է հայտարարվել՝ ջուրն ու էլեկտրաէներգիան խնայելու համարԻրանի կառավարությունը հուլիսի 23-ը Թեհրանի նահանգում հանգստյան օր է հայտարարել՝ ջուրն ու էլեկտրաէներգիան խնայելու նպատակով, հայտարարել է կաբինետի խոսնակը: «Կառավարության կաբինետի որոշմամբ, շարունակվող ծայրահեղ շոգի և ջուրն ու էլեկտրաէներգիան խնայելու անհրաժեշտության նպատակով չորեքշաբթի՝ հուլիսի 23-ը, Թեհրանի նահանգում հայտարարվել է հանգստյան օր», – գրել է նա սոցիալական ցանցերի իր էջում։ Կիրակի օրը ավելի վաղ Իրանի իշխանությունները […] ...
21:16 20.07.2025
Այրվել է մոտ 400 հակ անասնակերՀուլիսի 20-ին` ժամը 11։46-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լեռնամերձ գյուղի վերջնամասում այրվում է խոտի դեզ։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։ Հրդեհը մեկուսացվել է ժամը 12:59-ին, մարվել՝ 14:07-ին: Այրվել է մոտ 400 հակ անասնակեր։ Հրշեջ-փրկարարները կանխել են հրդեհի տարածումը դեպի […] ...
20:49 20.07.2025
Տավուշի մարզի մի շարք բնակավայրերում փորձարկվելու են էլեկտրական շչակներՀուլիսի 21-ին՝ ժամը 11:30-ից մինչև 16:30-ն ընկած ժամանակահատվածում, Տավուշի մարզի Բերդ համայնքի Վերին Կարմիրաղբյուր, Նորաշեն, Մովսես, Չորաթան, Արծվաբերդ, Այգեձոր, Չինարի բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
20:18 20.07.2025
Փրկարարներն ավտոմեքենան դուրս են բերել գետիցՀուլիսի 20-ին` ժամը 13։25-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արևածագի ձորում ավտոմեքենան ընկել է գետը. ներսում կան քաղաքացիներ: Ավտոմեքենան դուրս բերելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ գետանցում իրականացնելու ժամանակ «JEEP» մակնիշի ավտոմեքենան […] ...
19:38 20.07.2025
Սպերցյանի գոլն ու գոլային փոխանցումն օգնել է «Կրասնոդարին» հաղթել մեկնարկային տուրում. ՌՊԼՌուսաստանի Պրեմիեր լիգայի 2025/2026 մրցաշրջանի մեկնարկային տուրում «Կրասնոդարը» արտագնա խաղում 3:0 հաշվով հաղթանակ է տարել «Պարի Նիժնի Նովգորոդի» նկատմամբ: Կազանի «Ակ Բարս Արենայում» կայացած խաղում գոլեր են խփել Դիեգո Կոստան և Հայաստանի ազգային հավաքականի կիսապաշտպան Էդուարդ Սպերցյանը, ով նաև գոլային փոխանցում է կատարել: Սպերցյանը խաղը սկսել է մեկնարկային կազմում և փոխարինվել 77-րդ րոպեին: «Պարի Նիժնի […] ...
19:10 20.07.2025
Ջրափրկարարներն ափ են դուրս բերել դեռահասինՀուլիսի 20-ին` ժամը 14։30-ին, Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 3-րդ հանրային լողափում հերթապահություն իրականացնող ջրափրկարարները նկատել են դեռահասի, ով ջրային ներքնակով ափից հեռացել է մոտ 2 կմ։ Ջրափրկարարներն օպերատիվ արձագանքելով իրավիճակին՝ դեռահասին անվնաս դուրս են բերել ափ։ ...
