20:07 22.07.2023
«Կյանքի ուղիներով». նոր հաղորդաշար, որը «Շանթ» հեռուստաընկերությամբ եթեր կհեռարձակվի շատ շուտով: Այն ներկայացնում է ճանապարհ անցած մարդկանց անցյալը, ներկան ու նաև ապագայի մասին խոհերը: Հաղորդաշարի հեղինակը «Հորիզոն» լրատվականի լրագրող-հաղորդավար Վահագն Հակոբյանն է:
«Կյանքի ուղիներով» հաղորդաշարի հերոսները կինոյի, արվեստի, քաղաքականության, սպորտի, գիտության ոլորտի գործիչներ են, բեմերից, ամբիոններից ու էկրաններից հայտնի դեմքեր, իսկ բեմերից ու էկրաններից դուրս` սովորական մարդիկ իրենց սովորական ապրելակերպով, պարզ ու բարդ բնավորություններով, խորը զգացական աշխարհով: «Կյանքի ուղիներով» հաղորդաշարը կպատմի նրանց մասին այն, ինչ իրենք իրենց մասին շատ չեն սիրում պատմել, այն, ինչ չի երևում բեմերից ու հեռուստաէկրաններից, այն, ինչ դուրս է մնում նրանց իրական կերպարից, այն, ինչ իրական կյանքի պատմությունից է:
Ծանոթ դեմքերի անծանոթ ուղիները՝ կամքի ուժ, համառություն, պայքար, լավատեսություն. դժվարին ճանապարհներ, որոնք հաղթահարվել են՝ հաղթելով հուսահատությունը:
«Շանթ»-ի նոր հաղորդաշարի հերոսներն իրենց անցած ճանապարհով օրինակ են շատերին, որոնք իրենց պատմություններով կվերահաստատեն, որ ցանկացած անելանելի իրավիճակում ելք կա, կվերահաստատեն, որ կյանքը միշտ իմաստ ունի, միայն թե այն պետք է գտնել, կվերահաստատեն, որ երազանքները այդպես էլ կմնան երազանք, եթե նրանց ընդառաջ չգնաս…:
Տոմայի՝ Ստեփանակերտում՝ հայրական տանը խնամքով պահվող տիկնիկn անցյալն ու ներկան կապող խորհրդանիշ է դարձել: Դերասանուհին խոստովանում է, որ եթե անընդհատ մտածի անցյալի ու ներկայի դժվարությունների մասին, ապա դժվար կլինի առաջ նայելը, աշխատելը, ուղղակի ապրելը:
Ասում են՝ երբ հայացքդ ուղղում ես անցյալին, դեպի ապագան շրջվում ես թիկունքով: Կյանքը պետք է սիրել ավելին քան կյանքի իմաստը, կյանքը՝ նաև իր բոլոր դժվարություններով, բարդություններով ու նույնիսկ ծանր վշտի պահերով, որոնք մեր զգացմունքներից ամենասարսափելին են, բայց նաև կոփողը, իմաստություն տվողը:
Պարզ, մարդկային հույզեր են, որ կան և լինելու են բոլորի կյանքի ուղիներում: Շատ շուտով հաղորդաշարի առաջին թողարկումն է և արդեն կռահեցիք, թե ով է մեր հերոսուհին: Մեծերից մեկն ասել է, թե երջանկությունը գոնե մեկ անգամ թակում է բոլոր դռները, միայն թե պետք է լսել այդ թակոցը, կյանքի գուցե հենց առաջին ակնթարթից:
16:00 08.07.2025
ԱԳ նախարարի տեղակալն ընդգծել է Հայաստանի հետևողական աջակցությունը միջազգային իրավական մեխանիզմներինՀուլիսի 7-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել Միջազգային քրեական դատարանի Հռոմի կանոնադրության մասնակից պետությունների վեհաժողովի՝ Ագրեսիայի հանցագործության վերանայման հատուկ նստաշրջանին: ԱԳ նախարարի տեղակալ Ռոբերտ Աբիսողոմոնյանն իր խոսքում ընդգծել է Հայաստանի հետևողական աջակցությունը միջազգային իրավական մեխանիզմներին՝ ուղղված միջազգային իրավունքի կոպիտ խախտումների կանխմանը և հաշվետվողականության ապահովմանը։ Այս համատեքստում […] ...
15:52 08.07.2025
Վարչապետն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներինՎարչապետ Նիկոլ Փաշինյանն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին՝ բանկի նախագահ Սերհաթ Կոկսալի գլխավորությամբ: Անդրադարձ է կատարվել Սևծովյան առևտրի և զարգացման բանկի կողմից Հայաստանում իրականացվող ծրագրերին և ապագա նախաձեռնություններին: Վարչապետը կարևորել է տարբեր ոլորտներում գործունեություն ծավալող մասնավոր հատվածի ֆինանսավորումն ու բիզնես նախագծերին աջակցությունը: Սերհաթ Կոկսալը շնորհակալություն է հայտնել Սևծովյան […] ...
15:44 08.07.2025
2 օրում բացահայտվել է ավազակության դեպքը. քրեական վարույթի նախաքննությունն ավարտվել էՀՀ քննչական կոմիտեի Լոռու մարզային քննչական վարչությունում 2025 թվականի հունիսի 30-ին ավարտվել է հունիսի 12-ին նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ հունիսի 12-ին Վանաձոր ուղևորվող 2 անձինք դանակի միջոցով բռնություն են գործադրել ճանապարհից իրենց միացած օտարազգի քաղաքացու նկատմամբ՝ վերջինիս պատճառելով մարմնական վնասվածքներ: Արդյունքում, քաղաքացիներին […] ...
15:36 08.07.2025
Պաղպաղակի կասեցված արտադրամասը կվերսկսի գործունեությունըՍննդամթերքի անվտանգության տեսչական մարմնի ղեկավարի որոշմամբ՝ վերացվել է անհատ ձեռնարկատեր Էդուարդ Կարապետյանին պատկանող պաղպաղակի արտադրամասի արտադրական գործունեության կասեցումը (Արագածոտնի մարզ, ք. Ապարան): Որոշման հիմքը լաբորատոր կրկնակի փորձաքննության արդյունքներն են, համաձայն որոնց՝ այս տնտեսավարողի կողմից արտադրվող պաղպաղակի երկու արտադրատեսակներում՝ «Փափուկ պաղպաղակի հումք վանիլային» և «Փափուկ պաղպաղակի հումք շոկոլադային», նախկինում հայտնաբերված անհամապատասխանությունները վերացվել են: ...
15:28 08.07.2025
Իրանը հերքում է Թրամփի պնդումը, որ Թեհրանը հանդիպում է խնդրել Վաշինգտոնի հետԻրանի արտաքին գործերի նախարարության խոսնակ Էսմայիլ Բաղային հերքել է ԱՄՆ նախագահ Դոնալդ Թրամփի պնդումները, թե Թեհրանը հանդիպում է խնդրել ամերիկացի բանակցողների հետ: «Մենք ամերիկյան կողմի հետ հանդիպման որևէ խնդրանք չենք ստացել», – նրա խոսքերն է մեջբերում Իրանի պետական հեռուստառադիոընկերությունը։ Թրամփն ավելի վաղ հայտարարել էր, որ Իրանը «հանդիպում է խնդրել»: ԱՄՆ նախագահի դեսպան Սթիվեն Ուիթքոֆի խոսքով՝ […] ...
15:20 08.07.2025
Տրվել է Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկըՎարչապետ Նիկոլ Փաշինյանն այցելել է Կոտայքի մարզի Հրազդան համայնք, որտեղ տրվել է Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկը: 14,8 մլն եվրո արժողությամբ ծրագիրն իրականացվել է ՀՀ Կառավարության և Վերակառուցման և զարգացման եվրոպական բանկի համագործակցությամբ: Ծրագրի շրջանակում իրականացվել են Հրազդան համայնքում նոր սանիտարական աղբավայրի և Մարտունի ու Ակունք բնակավայրերում աղբի փոխաբեռնման կայանների […] ...
