18:22 26.07.2023
ՀՀ ԱԺ տնտեսական հարցերի մշտական հանձնաժողովը հուլիսի 26-ին քննարկել է մի շարք գերատեսչությունների այն ֆինանսական հատկացումները եւ ծրագրերը, որոնք նախատեսված են «Հայաստանի Հանրապետության 2024 թվականի պետական բյուջեի մասին» ՀՀ օրենքի նախագծի նախնական տարբերակում:
Աշխատանքային քննարկումը վարել է Տնտեսական հարցերի մշտական հանձնաժողովի նախագահի տեղակալ Բաբկեն Թունյանը՝ հայտնում է ՀՀ ԱԺ պաշտոնական կայքէջը:
ՀՀ ֆինանսների նախարարի տեղակալ Վահան Սիրունյանի խոսքով ներկայացված փաստաթղթով Էկոնոմիկայի նախարարությանը կհատկացվի 84 մլրդ 531 մլն դրամ, Տարածքային կառավարման եւ ենթակառուցվածքների նախարարությանը` 347 մլրդ 527 մլն դրամ, Բարձր տեխնոլոգիական արդյունաբերության նախարարությանը` 20,3 մլրդ դրամ, Քաղաքաշինության կոմիտեին` 5 մլրդ 102 մլն դրամ, Պետական եկամուտների կոմիտեին` 36 մլրդ 307 մլն դրամ, Կադաստրի կոմիտեին` 4 մլրդ 497 մլն դրամ:
ՀՀ ֆինանսների փոխնախարարը նշել է, որ բյուջեով ոլորտներին լրացուցիչ ֆինանսական միջոցներ տրամադրվում են` ելնելով իրականացվելիք միջոցառման եւ ծրագրի արդյունավետությունից ու առաջնահերթությունից:
Տարածքային կառավարման եւ ենթակառուցվածքների նախարար Գնել Սանոսյանի խոսքով գալիք տարում գերատեսչությունը նախատեսում է իրականացնել 23 ծրագիր, 117 միջոցառում: Նախարարությունը շարունակելու է ճանապարհների ասֆալտապատման, մի շարք կամուրջների հիմնանորոգման աշխատանքները:
Գնել Սանոսյանի տեղեկացմամբ 2024 թվականի բյուջեով նախատեսվում է իրականացնել Դիլիջանի եւ Պուշկինի թունելների հիմնանորոգում: «Մենք այս տարի մրցույթ ենք իրականացրել, ընկերությունը կատարում է նախագծման աշխատանքներ»,- ընդգծել է նախարարը եւ հավելել, որ թունելները կառուցումից ի վեր երբեք չեն հիմնանորոգվել, կան մի շարք խնդիրներ:
Հանձնաժողովի նախագահի տեղակալ Բաբկեն Թունյանը հետաքրքրվել է նախարարից` արդյոք հիմնանորոգման ընթացքում փակվելո՞ւ են թունելները եւ ինչպե՞ս են վարորդները շրջանցելու այդ հատվածը:
«Նկատի ունենալով, որ այդպիսի խնդիր կառաջանա` հիմնանորոգվել են Ծովագյուղից դեպի Սեմյոնովկա եւ Դիլիջան նախկինում գործող շրջանցիկ ճանապարհի որոշ հատվածներ»,- ասել է նախարարը:
Գնել Սանոսյանը պատասխանել է նաեւ պատգամավորների հարցերին, որոնք վերաբերել են գերբեռնվածության հետեւանքով ճանապարհների վնասմանը եւ այս համատեքստում դրանց վերահսկողության իրականացման անհրաժեշտությանը, Մեծամորի ատոմակայանի հզորացմանը, արեւային էներգիայի օգտագործմանը, մարզպետարանների կառուցվածքային փոփոխություններին:
Նախարարի խոսքով 2024 թվականին մեծաթիվ աշխատանքներ են իրականացվելու Մեծամորի ատոմակայանում: 2024-2025 թվականների համար նախարարությունը պլանավորել է կատարել աշխատանքներ, որոնք կնպաստեն երկարաձգել ատոմակայանի աշխատանքի ժամկետը մինչեւ 2036 թվականը:
«Էկոնոմիկայի նախարարությունը, նպատակ ունենալով իրագործել Կառավարության ծրագիրը, 2024 թվականի համար ներկայացրել է 138,7 մլրդ դրամի հայտ, որից հաստատվել է 84,7 մլրդ դրամը»,- ասել է Էկոնոմիկայի նախարար Վահան Քերոբյանը: Նա խոսել է զբոսաշրջության զարգացման ուղղությամբ իրականացվելիք քայլերի մասին:
Բարձր տեխնոլոգիական արդյունաբերության նախարար Ռոբերտ Խաչատրյանն անդրադարձել է ՏՏ ոլորտի ընկերություններին տրամադրված աջակցությանը: Նախարարը նշել է, որ հաշվի առնելով այն հանգամանքը, որ իրականացվում է ռադիոմոնիտորինգի ծրագիրը` աշխատողներին վերապատրաստելու եւ նոր մասնագետներ ներգրավելու անհրաժեշտություն է առաջացել: Այս համատեքստում նախարարությունը խնդրել է ավելացնել պահպանման ծախսերը:
Մրցակցության պաշտպանության հանձնաժողովի` 2024 թվականի բյուջետային ֆինանսավորման հայտը կազմել է 740 մլն դրամ: Հանձնաժողովի նախագահ Գեղամ Գեւորգյանը նշել է, որ հանձնաժողովը տարեկան իրականացնում է 100 ուսումնասիրություն կամ վարույթ:
Քաղաքաշինության կոմիտեի նախագահ Արմեն Ղուլարյանի խոսքով գալիք տարում հանրապետության բոլոր մարզերը եւ բնակավայրերը կունենան գլխավոր հատակագծեր, գոտեւորման նախագծեր, տարածական պլանավորման փաստաթղթեր: Զեկուցողն անդրադարձել է քաղաքաշինության բնագավառում պետական ծրագրերի իրականացմանը:
Ըստ ՊԵԿ նախագահի տեղակալ Արթուր Մանուկյանի` 2024 թվականի ընթացքում կոմիտեն կիրականացնի 12 միջոցառում:
Կադաստրի կոմիտեի ղեկավար Սուրեն Թովմասյանի տեղեկացմամբ էլ օրենսդրական փոփոխության արդյունքում հաջորդ տարի կներդրվի էլեկտրոնային նոր համակարգ:
23:59 13.07.2025
«Կկենտրոնանանք բանակի ամրապնդման վրա»․ Մակրոնը հայտարարել է, որ Փարիզը կավելացնի պաշտպանական ծախսերըՖրանսիայի իշխանությունները մտադիր են արագացնել պաշտպանական ծախսերի աճը առաջիկա տարիներին. 2027 թվականին դրանք կկազմեն 64 միլիարդ եվրո, ինչը կրկնակի ավելի է, քան 2017 թվականին։ Այս մասին հայտարարել է Հանրապետության նախագահ Էմանուել Մակրոնը երկրի զինվորականներին ուղղված իր ուղերձում։ «Չնայած մենք պլանավորել էինք մինչև 2030 թվականը կրկնապատկել ռազմական բյուջեն, մենք դա կանենք մինչև 2027 թվականը», – ասել […] ...
23:41 13.07.2025
Հրդեհ Գրիբոյեդով գյուղումՀուլիսի 13-ին, ժամը 19։27-ին Արմավիրի մարզային փրկարարական վարչության ճգնաժամային կառավարման կենտրոն, ահազանգ է ստացել, որ Գրիբոյեդով գյուղի սկզբնամասում այրվում է խոտածածկ տարածք։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։ Պարզվել է, որ հրդեհը բռնկվել է գյուղի սկզբնամասում գտնվող անասնագոմում ( մոտ 400 քմ)։ Հրդեհը մեկուսացվել է ժամը 20:14-ին, […] ...
23:30 13.07.2025
Կանադայի վարչապետը զգուշացրել է երկրի արևելքում անտառային հրդեհների ահագնանալու մասինԿանադայի վարչապետ Մարկ Քարնին զգուշացրել է վերջին օրերին երկրի արևելքում բռնկվող լայնածավալ անտառային հրդեհների ակտիվացման մասին։ «Անտառային հրդեհները սաստկանում են, մասնավորապես Մանիտոբայում, Սասկաչևանում և Օնտարիոյում: Բոլոր կանադացիների անունից ես խորին շնորհակալություն եմ հայտնում այս ճգնաժամի առաջնագծում գտնվող մեր բոլոր առաջին արձագանքողներին: Կառավարությունը համագործակցում է բնակիչների և պետական գործակալությունների հետ՝ այս ավերիչ հրդեհների դեմ պայքարելու և […] ...
23:07 13.07.2025
Գրոսմայստեր Արամ Հակոբյանը զբաղեցրեց 2-րդ հորիզոնականը «Biel Chess Festival 2025» միջազգային մրցաշարի շրջանակներում անցկացված երկու մրցաշարերումԳրոսմայստեր Արամ Հակոբյանը զբաղեցրեց 2-րդ հորիզոնականը «Biel Chess Festival 2025» միջազգային մրցաշարի շրջանակներում անցկացված երկու մրցաշարերում՝ ֆիշերի շախմատում և արագ շախմատում։ Այս մասին հայտնում է Հայաստանի շախմատի ֆեդերացիան։ Լավագույն եռյակը ֆիշերի շախմատի մրցաշարում ունեցավ հետևյալ տեսքը՝ 1-ին տեղ՝ Ռինատ Ջումաբաև 2-րդ տեղ՝ Արամ Հակոբյան 3-րդ տեղ՝ Դանիել Դարդհա Լավագույն եռյակը արագ շախմատի մրցաշարում ունեցավ հետևյալ […] ...
22:46 13.07.2025
Իսպանիան ՆԱՏՕ-ի ծրագրի շրջանակներում ավելացնում է զինվորականների թիվըԻսպանիայի կառավարությունը մինչև 2035 թվականը երկրի զինված ուժերում զինվորականների թվաքանակը կավելացնի 14,000-ով՝ ՆԱՏՕ-ի առջև երկրի ստանձնած պարտավորությունների շրջանակներում, ուրբաթ օրը հաղորդել է «Pais» թերթը։ «Իսպանիան մինչև 2035 թվականը իր զինվորական անձնակազմի ընդհանուր թիվը կավելացնի 14,000-ով՝ համապատասխան ՆԱՏՕ-ի առջև կառավարության ստանձնած պարտավորությունների։ Համալրման մի մասը տեղի կունենա 2025-2029 թվականներին, մյուս մասը՝ 2030-2034 թվականներին», – գրում է […] ...
22:22 13.07.2025
Զախարովան ներկայացրել է Լավրովի և Ռուբիոյի բանակցությունների մանրամասներըՈւկրաինայի հակամարտության հետ կապված հարցերն առաջնահերթություն էին Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի հանդիպման ժամանակ։ Այս մասին հայտարարել է Արտաքին գործերի նախարարության մամուլի խոսնակ Մարիա Զախարովան։ «Ուկրաինայի շուրջ ստեղծված իրավիճակի թեման առաջնահերթ էր», – ասել է նա։ Զախարովան հավելել է, որ քննարկվել են նաև այլ հարցեր և նշել, որ հանդիպումը […] ...
