20:47 26.08.2023
«Standard and Poor’s» վարկանիշային գործակալությունը օգոստոսի 25-ին բարելավել է Հայաստանի Հանրապետության՝ արտարժույթով և ազգային արժույթով երկարաժամկետ սուվերեն վարկավորման վարկանիշը՝ «B+»-ից փոխելով «BB-»՝ «կայուն» հեռանկարով: Այս մասին հայտնում են Ֆինանսների նախարարությունից։
«Կայուն» հեռանկարը, ըստ գործակալության գնահատման, հավասարակշռում է Հայաստանի տնտեսական աճի կայուն հեռանկարները և բարելավված հարկաբյուջետային հաշվեկշիռը չափավոր թույլ արտաքին դիրքի և աշխարհաքաղաքական ռիսկերի նկատմամբ:
Վարկանիշի բարելավումն արտացոլում է Հայաստանի մեկ շնչին ընկնող ՀՆԱ-ի և հարկաբյուջետային ցուցանիշների բարելավումները: Ռուսաստանի հետ սերտ աշխարհագրական, տնտեսական և մշակութային կապերի շնորհիվ Հայաստանը ռուս անհատների և ձեռնարկությունների համար Ռուսաստանի արդի տնտեսական և քաղաքական պայմաններում համարվում է նախընտրելի ուղղություններից մեկը:
Արդյունքում, միգրանտների և կապիտալի ներհոսքը խթանել է Հայաստանի տնտեսական աճը (իրական ՀՆԱ-ն Հայաստանում 2022թ. աճել է 12.6%-ով) և կրճատել հարկաբյուջետային և ընթացիկ հաշվի դեֆիցիտը։ Ֆինանսական ներհոսքերը նաև հանգեցրել են 2022թ. ԱՄՆ դոլարի նկատմամբ դրամի 22% արժևորմանը, ինչը նպաստել է դոլարային արտահայտությամբ կառավարության պարտքի կրճատմանը։
Նշենք, որ գործակալությունն առաջիկա մի քանի տարիներին Ռուսաստանից Հայաստան ֆինանսական և աշխատուժի ներհոսքի կտրուկ շրջադարձը համարում է քիչ հավանական և ծայրահեղ սցենարներ բացառելու պարագայում առաջիկա տարիների համար ակնկալում է Հայաստանի տնտեսական աճի կայուն հեռանկարներ՝ կանխատեսելով 7.5% աճ 2023թ. և 4-5% աճ՝ 2024-2026թթ. համար:
Վարկանիշի բարելավմանը նպաստել են նաև Հայաստանի՝ արտաքին պաշտոնական ֆինանսավորման շարունակական հասանելիությունը և մակրոտնտեսական քաղաքականության խելամիտ շրջանակը, որի շնորհիվ վերջին տարիներին պահպանվել է տնտեսական և ֆինանսական կայունությունը՝ չնայած բազմաթիվ արտաքին ցնցումներին:
Գործակալությունն ակնկալում է մինչև 2026 թվականը զուտ կառավարության պարտքի մակարդակի կայունացում՝ ՀՆԱ-ի 42%-ի սահմաններում, իսկ Հայաստանի ընթացիկ հաշվի պակասուրդը, ըստ գործակալության, 2023թ. կավելանա մինչև ՀՆԱ-ի 2.0%, սակայն կկրճատվի 2024-2026թթ.:
23:59 15.08.2025
Օգոստոսին փոթորիկների սեզոնը հասնում է իր գագաթնակետին ԱտլանտիկայումՓոթորիկների սեզոնը Ատլանտիկայում սովորաբար տևում է վեց ամիս՝ հունիսից մինչև նոյեմբեր, սակայն գոյություն ունի փոթորիկների ակտիվության շրջան, որը սկսվում է օգոստոսին և շարունակվում մինչև հոկտեմբեր։ Միջին հաշվով, յուրաքանչյուր տարի 11-12 փոթորիկ է գրանցվում է օգոստոս-հոկտեմբեր ամիսներին։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Մեքսիկական ծոցի կամ ԱՄՆ արևելյան ափերին հարվածած փոթորիկների 93%-ը տեղի […] ...
23:54 15.08.2025
Արագածոտնի մարզի Հարթավան բնակավայրի 1.2կմ ճանապարհահատվածում իրականացվում են հիմնանորոգման աշխատանքներ«Ճանապարհային դեպարտամենտ» հիմնադրամը տեսանյութ է հրապարակել Արագածոտնի մարզի Հարթավան բնակավայրի 1.2կմ ճանապարհի հիմնանորոգման աշխատանքների ընթացքից: Մանրամասները՝ տեսանյութում: ...
23:48 15.08.2025
Թրամփ-Պուտին բանակցությունները մեկնարկել ենՌուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը սկսել են եռակողմ ձևաչափով բանակցություններ։ Զրույցը տեղի է ունենում Էլմենդորֆ-Ռիչարդսոն ռազմաբազայի սենյակներից մեկում։ Նախագահները հանդիպման սկզբում լրատվամիջոցների համար որևէ հայտարարություն չեն արել։ Ֆոտոլրագրողներին թույլ տալով մի քանի լուսանկար անել, առաջնորդները, նստած միմյանց դեմ, անցել են բանակցություններին, որոնք ընթանում են փակ դռների ետևում։ Պետությունների ղեկավարներից բացի, զրույցին […] ...
23:42 15.08.2025
Երևանում մեկնարկել են միջին նորոգման աշխատանքներըՄայրաքաղաքում մեկնարկել են միջին նորոգման աշխատանքները, որոնք ընդգրկում են նաև անձրևընդունիչների, դիտահորերի նիշերի ուղղում: Այս մասին հայտնել են Երևանի քաղաքապետարանից: Երևանում մինչև տարեվերջ նախատեսված է կատարել շուրջ 280.000 քմ մակերեսով ասֆալբետոնե ծածկույթի փոխարինում: Մանրամասները՝ տեսանյութում: ...
23:36 15.08.2025
Նախագահ Վահագն Խաչատուրյանը Անի Միքայելյանին դատավոր է նշանակելՀՀ նախագահ Վահագն Խաչատուրյանը հրամանագիր է ստորագրել դատավոր նշանակելու մասին: ՀՀ նախագահի հրամանագրով Անի Միքայելյանը նշանակվել է Երևան քաղաքի առաջին ատյանի ընդհանուր իրավասության քաղաքացիական դատարանի դատավոր։ «Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2025 թվականի օգոստոսի 11-ի ԲԴԽ-53-Ո-101 որոշմամբ ներկայացված առաջարկությունը. Անի ՄԻՔԱՅԵԼՅԱՆԻՆ նշանակել Երևան քաղաքի […] ...
23:32 15.08.2025
Պուտին-Թրամփ գագաթնաժողովը մեկնարկել է ԱՄՆ նախագահի լիմուզինում անձնական զրույցովԷլմենդորֆ-Ռիչարդսոն ռազմական բազայի օդանավակայանում լուսանկարվելու արարողությունից հետո ԱՄՆ նախագահ Դոնալդ Թրամփը հրավիրել է Ռուսաստանի նախագահ Վլադիմիր Պուտինին գնալ բանակցությունների վայր իր զրահապատ Cadillac One լիմուզինով, որը հայտնի է «Գազան»(The Beast) անունով: Այսպիսով, առաջնորդները սկսել են իրենց դեմ առ դեմ զրույցը բանակցությունների գլխավոր վայր գնալու ճանապարհին։ ...
