17:11 07.02.2024
Ազգային ժողովի «Քաղաքացիական պայմանագիր» խմբակցությունը Բարձրագույն դատական խորհրդի անդամի պաշտոնում առաջադրել է Կարեն Թումանյանի թեկնածությունը: Հարցը քննարկվել է փետրվարի 7-ի ԱԺ նիստում:
«Քաղաքացիական պայմանագիր» խմբակցության անունից թեկնածուի կենսագրությունն ու աշխատանքային գործունեությունը ներկայացրել է պատգամավոր Արփինե Դավոյանը:
Կարեն Թումանյանը շնորհակալություն է հայտնել «Քաղաքացիական պայմանագիր» խմբակցությանն իր թեկնածությունն առաջադրելու համար:
Թեկնածուն ներկայացրել է իրավական պետության չափանիշներին համապատասխան դատարանի անկախության, դատական համակարգի գործունեության արդյունավետության, դատարանի նկատմամբ հարգանքի դրսեւորման եւ դատավորների բարեվարքությունը մշտապես ուշադրության կենտրոնում պահելու վերաբերյալ իր պատկերացումները:
«Չնայած իրականացված եւ իրականացվող մեծածավալ աշխատանքներին եւ այն ներդրված ջանքերին, որոնք գործադրվել եւ ներկայումս գործադրվում են դատական իշխանության եւ դատավորների անկախությունն ապահովելու համար՝ մեր երկրի դատական համակարգը դեռեւս ամբողջությամբ չի համապատասխանում իրավական եւ ժողովրդավարական չափանիշներին»,- ընդգծել է զեկուցողը:
Նա բարձրաձայնել է, որ ընտրվելու դեպքում ԲԴԽ անդամի լիազորությունների սահմանում իր գործունեության հիմնական նպատակն է լինելու նպաստել դատական իշխանության նկատմամբ հանրային վստահության մեծացմանը:
Կարեն Թումանյանի խոսքով դատական իշխանության բարի համբավը, դատարանի անկախությունը եւ արդյունավետ աշխատանքը մեծապես կախված է դատավորի բարեվարքությունից.
«Դատավորը պարտավոր է բարձր պահել իր պատիվն ու արժանապատվությունը եւ խուսափել այն ամենից, ինչը կարող է արատավորել դատավորի եւ դատական իշխանության հեղինակությունը, նվազեցնել հանրային վստահությունը դատական իշխանության նկատմամբ, վնաս հասցնել դատավորի համբավին եւ կասկածի տակ դնել նրա անաչառությունը»: Թեկնածուի խոսքով բարեվարք դատավորի շահն արդարադատությունն է, իսկ բարեվարք դատավորի շահի պաշտպանությունը՝ ԲԴԽ-ի պարտականությունը: «Բարեվարք դատավորը պետք է լինի պաշտպանված, նրա գործունեությանը միջամտությունը՝ անհանդուրժելի եւ դատապարտելի»,- նման կարծիք է հայտնել Կարեն Թումանյանը եւ հավելել, որ ընտրվելու պարագայում իր ուշադրության կենտրոնում է լինելու դատավորի բարեվարքության հարցը:
Հարցուպատասխանի եւ ելույթների ընթացքում պատգամավորներն անդրադարձել են անկախ դատական համակարգ ունենալուն, դատական գործերի ավելի կարճ քննություն ապահովելու հարցում ԲԴԽ դերակատարությանը, դատավորների թվակազմի ավելացմանը, դատաիրավական բարեփոխումներին եւ այլն: Թեկնածուն անընդունելի է համարել դատական գործերի վերաբերյալ հրապարակային քննարկումները:
Արտահերթ ելույթում ԱԺ նախագահ Ալեն Սիմոնյանը, հակադարձելով ընդդիմադիր «Հայաստան» խմբակցության պատգամավոր Գառնիկ Դանիելյանի՝ ելույթում հնչեցրած դիտարկումներին, նշել է.
«Որեւիցե մեկը չի ասում, որ Ադրբեջանը եւ Թուրքիան թշնամաբար չեն տրամադրված մեր նկատմամբ: Նաեւ պետք է արձանագրենք, որ մենք ինչպես ենք վերջին հարյուրամյակի ընթացքում, հասկանալի պատճառով, տրամադրված եղել մեր հարեւան երկրներին: Նույնկերպ թշնամաբար ենք տրամադրված եղել»:
23:59 08.06.2025
Ալկարասը և Սիններն անցկացրել են Ռոլան Գարոսի ամենաերկար եզրափակիչըՖրանսիայի բաց առաջնության եզրափակիչը իսպանացի Կառլոս Ալկարասի և իտալացի Յաննիկ Սինների միջև դարձավ մրցաշարի պատմության մեջ ամենաերկարը։ Եզրափակչում Ալկարասը հաղթեց Սիններին 4:6, 6:7 (4:7), 6:4, 7:6 (7:3), 7:6 (10:2) հաշվով։ Խաղը տևեց 5 ժամ 29 րոպե։ Մրցաշարի նախորդ ռեկորդը սահմանվել էր 1982 թվականին, երբ շվեդ Մաթս Վիլանդերի և արգենտինացի Գիլյերմո Վիլասի միջև եզրափակիչ խաղը տևեց […] ...
23:51 08.06.2025
Գրենլանդիայի սառցադաշտային ակոսները և Ատլատյան օվկիանոսի ջրի շրջանառությունը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել Գրենլանդիայի սառցադաշտային ակոսների և Ատլատյան օվկիանոսի ջրի շրջանառության մասին: Ատլանտյան օվկիանոսի ջրի շրջանառության շնորհիվ տաք ջրերը տեղափոխվում են դեպի Հյուսիսային բևեռային շրջաններ, իսկ սառը և խիտ ջրերը՝ դեպի արևադարձային լայնություններ: Գրենլանդիայի ափամերձ տարածքները կարևորագույն վայրեր են, որոնք ազդում են ջրի և սննդանյութերի շրջանառության վրա: Գրենլանդիայի ափի մայրցամաքային […] ...
23:40 08.06.2025
Հեծանվի սիրահարները Հանրապետության հրապարակից իրականացրել են հեծանվաշքերթ դեպի ԷջմիածինՀեծանվի համաշխարհային օրվա շրջանակում հեծանվի սիրահարներն այսօր Հանրապետության հրապարակից իրականացրել են հեծանվաշքերթ դեպի Էջմիածին։ Այս մասին հայտնել են ԿԳՄՍ նախարարությունից: Նպատակն էր խթանել առողջ կենսակերպի տարածումը, ինչպես նաև ընդգծել հեծանվի՝ որպես էկոլոգիապես մաքուր և ժամանակակից փոխադրամիջոցի դերը։ Միջոցառումը կազմակերպվել է ՀՀ կրթության, գիտության, մշակույթի և սպորտի նախարարության, Վաղարշապատի համայնքապետարանի, ինչպես նաև Հեծանվորդների և սիրողական հեծանվասպորտի […] ...
23:27 08.06.2025
Կրակոցներ՝ Կոտայքի մարզում․ հրազենային վնասվածքներով հիվանդանոց է տեղափոխվել մի քաղաքացի․ կա ևս 2 վիրավորՀունիսի 8-ին, վիճաբանություն, ծեծկռտուք և կրակոցներ են տեղի ունեցել Կոտայքի մարզում։ Ժամը 21։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, նույն վարչության Կոտայքի մարզային քրեական վարչությունում օպերատիվ տեղեկություններ են ստացվել, որ «Աբովյան» բժշկական կենտրոն հրազենային վնասվածքներով ծայրահեղ ծանր ախտորոշմամբ քաղաքացի է տեղափոխվել։ Ինչպես հայտնում է shamsyan.com-ը, հիվանդանոց են ժամանել քրեական ոստիկանության ծառայողները, […] ...
23:13 08.06.2025
Կառլոս Ալկարասը՝ Ռոլան Գարոսի կրկնակի չեմպիոնԻսպանացի թենիսիստ Կառլոս Ալկարասը հաղթել է Ֆրանսիայի բաց առաջնությունում («Ռոլան Գարոս»): Մրցաշարն անցկացվել է Փարիզում։ Եզրափակիչ խաղում նա հաղթել աշխարհի առաջին ռակետ Յաննիկ Սիններին, որը ներկայացնում է Իտալիան: Խաղն ավարտվել է 4:6, 6:7 (4:7), 6:4, 7:6 (7:3), 6:7 (10:2) հաշվով: Ալկարասը արդեն հինգ Մեծ սաղավարտի մրցաշարերի հաղթող է: Իսպանացին նախկինում հաղթել է ԱՄՆ բաց առաջնությունում […] ...
22:59 08.06.2025
Բարնաուլի մի շարք ճանապարհներին երթևեկությունը սահմանափակվել է հեղեղների պատճառովԲարնաուլում ուժեղ անձրևների պատճառով մի քանի մայրուղիներ հեղեղվել են, իսկ մի շարք հատվածներում երթևեկությունը ժամանակավորապես սահմանափակվել է։ Այս մասին հաղորդվել է քաղաքապետարանի պաշտոնական Telegram ալիքում։ Նշվում է, որ ուժեղ անձրևը ուղեկցվել է մեծ թվով կայծակներով և որոտներով։ Քաղաքի բնակիչները սոցիալական ցանցերում տեսանյութեր են հրապարակում, որոնցում երևում է, թե ինչպես են մեքենաներն անցնում ջրի միջով: Ջուրը […] ...
