Խորհրդարանը շարունակել է քննարկել Վճռաբեկ դատարանի քաղաքացիական պալատի դատավորի թեկնածուի ընտրության հարցը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
25 05 2025
  • $
    383.77
  • RUBLE
    4.80
  • 435.58
WEATHER
+15.09 oC

Խորհրդարանը շարունակել է քննարկել Վճռաբեկ դատարանի քաղաքացիական պալատի դատավորի թեկնածուի ընտրության հարցը

14:27 08.02.2024

Փետրվարի 8-ին Ազգային ժողովը շարունակել է քննարկել Վճռաբեկ դատարանի քաղաքացիական պալատի դատավորի թափուր տեղի համար առաջադրված թեկնածուների ընտրության հարցը: Նախորդ օրը քննարկվել էր Արթուր Աթաբեկյանի թեկնածությունը:

Հիշեցնենք, որ Բարձրագույն դատական խորհուրդը (ԲԴԽ) Վճռաբեկ դատարանի քաղաքացիական պալատի դատավորի  թափուր տեղում ընտրելու համար առաջադրել է Արթուր Աթաբեկյանի, Արման Օհանյանի եւ Գուրգեն Մալխասյանի թեկնածությունները:

ԲԴԽ նախագահ Կարեն Անդրեասյանը ներկայացրել է Արման Օհանյանի ու Գուրգեն Մալխասյանի կենսագրական տվյալներն ու աշխատանքային ուղին:

ՀՀ ԱԺ նախագահ Ալեն Սիմոնյանը հետաքրքրվել է քաղաքացիական գործերով դատավարություններով, մասնավորապես՝ զրպարտության եւ վիրավորանքի գործերով վճիռների կայացմամբ: Խորհրդարանի նախագահի խոսքով դատարանը համաձայնում է, որ տեղի է ունեցել վիրավորանք ու զրպարտություն, սակայն դատավորները խուսափում են մեծ չափով փոխհատուցում սահմանելուց, որի պատճառով  չի փոխհատուցվում անգամ հայց ներկայացրած անձի ծախսը:

«Դատավորն ունի հայեցողության շրջանակ, որը նրան տվել է օրենսդիրը»,- նշել է Կարեն Անդրեասյանը՝ հավելելով, որ Մարդու իրավունքների եվրոպական դատարանի նախադեպային իրավունքի վրա է հիմնված, որ դատարանն ամեն անգամ ինքն է որոշում, թե տվյալ դեպքում խոսքի ազատությունը չարաշահող սուբյեկտն իր ֆինանսական վիճակով պայմանավորված ինչ պատասխանատվության պետք է ենթարկվի: «Կարելի է այդ ներքին շեմին որոշակի հստակեցումներ տալ օրենսդրությամբ, որը կօգնի դատավորին ավելի ճիշտ կողմնորոշվել իր հայեցողության շրջանակում: Կարող է դա անել Վճռաբեկ դատարանը: Սա որեւէ ձեւով ուղղորդում չէ, ուղղակի տրամաբանական լուծում է, օրինակ՝ նախադեպային իրավունքով հասկանալ՝ ո՞ր դեպքում, օրինակ, այդ նվազագույն շեմն ինչպիսի՞ն պետք է լինի»,- պարզաբանել է ԲԴԽ նախագահը:

Ի պատասխան Ալեն Սիմոնյանի մեկ այլ դիտարկմանն՝ Կարեն Անդրեասյանը խոսել է դատական համակարգի անկախության մասին եւ նշել. «Այո՛, մի կողմից Ազգային ժողովի ո՛չ մի թեւ, ո՛չ մի կուսակցություն որեւէ կերպ չպետք է ճնշի դատավորին, բայց մյուս կողմից դատավորը չպետք է մտածի, որ ցանկացած ապօրինություն կարող է լինել անպատժելի: Դրա համար կան ԲԴԽ դիմելու հստակ ձեւեր, իսկ ԲԴԽ-ն, հաստատ, ամենաարդար ձեւով կենթարկի պատասխանատվության այն դատավորին, որը խախտել է որեւէ մարդու իրավունք»: Նա հանդիպումներ կազմակերպելու եւ դատական համակարգի խնդիրները մանրամասն քննարկելու պատրաստակամություն է հայտնել:

Վճռաբեկ դատարանի քաղաքացիական պալատի դատավորի թեկնածու Գուրգեն Մալխասյանը, մասնավորապես, խոսել է Վճռաբեկ դատարանի սահմանադրական առաքելության, արդարադատության իրականացման ընթացքի, դատական պրակտիկայում իրավանորմի մեկնաբանության, դատաքննական գործընթացներում Վճռաբեկ դատարանի դերակատարության մասին:

Հարցուպատասխանի ձեւաչափում թեկնածուն անդրադարձել է կոռուպցիայի դեմ պայքարի արդյունավետությանը, դատական գործերի լուծման մեխանիզմներին:

Թեկնածու Արման Օհանյանը շնորհակալություն է հայտնել ԲԴԽ-ին Վճռաբեկ դատարանում պաշտոնավարելու համար Ազգային ժողովին իր թեկնածությունը ներկայացնելու համար:

Զեկուցողի խոսքով Վճռաբեկ դատարանի որոշումներով է նաեւ պայմանավորված դատական իշխանության հեղինակության բարձրացումը, արդարության նկատմամբ հանրության հավատի վերականգնումը:  Թեկնածուն ընդգծել է, որ քաղաքացիական արդարադատության ոլորտում, մասնավորապես, վերջին 10-15 տարիների ընթացքում մեր երկրի դատական իշխանության առջեւ ծառացած գերխնդիրներից է դարձել ՀՀ դատարանների, այդ թվում՝ Վճռաբեկ դատարանի գերծանրաբեռնվածությունը, դատական գործընթացների ձգձգվածությունը: «Ի թիվս այլ գործոնների, նաեւ այդ հանգամանքն է նպաստել, որ դատարանների եւ դատական իշխանության ներկայացուցիչների հանդեպ նվազել է հանրության վստահությունը: Սակայն ես լավատես եմ եւ կարծում եմ, որ իշխանության երեք թեւերի ակտիվ փոխգործակցության արդյունքում տեսանելի ապագայում կունենանք էականորեն նվազ ծանրաբեռնված դատարաններ, ինչը կհանգեցնի ինչպես դատական ակտերի որակի բարձրացմանը, այնպես էլ գործերի ողջամիտ ժամկետներում քննության իրականացմանը»,- նման կարծիք է հայտնել թեկնածուն:

Մտքերի փոխանակության ընթացքում պատգամավորները խոսել են դատական համակարգի վարկանիշի բարձրացման անհրաժեշտության մասին, կարեւորել հանրային վստահության աճը դատական իշխանության նկատմամբ: Ելույթներում խորհրդարանականներն անդրադարձել են նաեւ Սահմանադրության որոշ դրույթների փոփոխության հնարավորությանը, Հայաստան-Ադրբեջան խաղաղության օրակարգին եւ այլն:

Բոլոր լուրերը

Կապակցված լուրեր

Հերմինե Կարապետյանն Աշտարակ քաղաքում երեխաներին ավազանկարչություն է սովորեցնում

23:59 24.05.2025

Հերմինե Կարապետյանն Աշտարակ քաղաքում երեխաներին ավազանկարչություն է սովորեցնում

Հերմինե Կարապետյանն Աշտարակ քաղաքում հիմնել է «Մոտիվ» ստեղծագործական ստուդիան, որտեղ երեխաներն ավազանկարչություն են սովորում: Մանրամասները՝ կառավարության տեսանյութում: ...

Փլուզման վտանգի պատճառով Վանաձոր-Ալավերդի-Նոյեմբերյան ճանապարհը փակ է ծանրաքաշ և կցորդով տրանսպորտային միջոցների համար

23:57 24.05.2025

Փլուզման վտանգի պատճառով Վանաձոր-Ալավերդի-Նոյեմբերյան ճանապարհը փակ է ծանրաքաշ և կցորդով տրանսպորտային միջոցների համար

Վանաձոր-Ալավերդի-Նոյեմբերյան ավտոճանապարհի 42-րդ կմ-ում առաջացած փլուզման վտանգի պատճառով նշված ճանապարհը երկկողմանի փակ է ծանրաքաշ և կցորդով տրանսպորտային միջոցների համար։ Այս մասին հայտնել են «Ճանապարհային դեպարտամենտ» հիմնադրամից: Վերոնշյալ տրանսպորտային միջոցները կարող են երթևեկել Երևան -Սևան-Դիլիջան-Նոյեմբերյան կամ Վանաձոր-Դիլիջան-Նոյեմբերյան ավտոճանապարհներով։ Մարդատար տրանսպորտային միջոցների համար Վանաձոր-Ալավերդի-Նոյեմբերյան ճանապարհի 42-րդ կմ տեղամասում երկկողմանի երթեւեկությունը կկազմակերպվի մեկ գոտով։ ...

Հայաստանին նվիրված միջոցառում Միսաք և Մելինե Մանուշյանների անունը կրող ավագ դպրոցում

23:37 24.05.2025

Հայաստանին նվիրված միջոցառում Միսաք և Մելինե Մանուշյանների անունը կրող ավագ դպրոցում

Մայիսի 22-ին Ֆրանսիայում ՀՀ դեսպան Արման Խաչատրյանը ներկա գտնվեց փարիզամերձ Շատնե-Մալաբրի քաղաքի՝ Միսաք և Մելինե Մանուշյանների անունը կրող կենտրոնական ավագ դպրոցում անցկացված միջոցառմանը՝ նվիրված Հայաստանին։ Այս մասին հայտնել են Ֆրանսիայում ՀՀ դեսպանությունից: Միջոցառման բացման արարողության ժամանակ ողջույնի խոսքով հանդես եկան դպրոցի տնօրենը և միջոցառման կազմակերպիչներ պատմության և փիլիսոփայության ուսուցիչները: Նրանք մասնավորապես ընդգծեցին, որ 2024թ․ սեպտեմբերին […] ...

Տեղի ունեցավ արագ շախմատի անհատական-թիմային սիրողական մրցաշարի առաջին փուլը

23:29 24.05.2025

Տեղի ունեցավ արագ շախմատի անհատական-թիմային սիրողական մրցաշարի առաջին փուլը

Այսօր Հայաստանի շախմատի ակադեմիայում տեղի ունեցավ արագ շախմատի անհատական-թիմային սիրողական մրցաշարի առաջին փուլը: Այս մասին հայտնել են Հայաստանի շախմատի ֆեդերացիայից։ Ա խմբում անհատական մրցանակների արժանացան հետևյալ շախմատիստները. 1-ին տեղ՝ Մհեր Սարգսյան 2-րդ տեղ՝ Ալբերտ Մկրտչյան 3-րդ տեղ՝ Մարկ Մանուչարյան Թիմային մրցանակներ շնորվեցին հետևյալ թիմերին. 1-ին տեղ՝ «Dasa2» 2-րդ տեղ՝ «Գյումրի» 3-րդ տեղ՝ «Էվերեստ» Լավագույն կին […] ...

Շրջանավարտների մասնակցությամբ միջադեպեր և ՃՏՊ-ներ չեն արձանագրվել․ ՆԳՆ ոստիկանության ուժեղացված ծառայության արդյունքները

23:17 24.05.2025

Շրջանավարտների մասնակցությամբ միջադեպեր և ՃՏՊ-ներ չեն արձանագրվել․ ՆԳՆ ոստիկանության ուժեղացված ծառայության արդյունքները

Մայիսի 23-ին՝ Վերջին զանգի օրը, ՆԳՆ ոստիկանության ուժեղացված ծառայության ընթացքում, Պարեկային ծառայողները մայրաքաղաքում և մարզերում պահպանվող հատուկ տարածքներ են տեղափոխվել «Վերջին զանգի» միջոցառումների մասնակից անձանց 280 տրանսպորտային միջոց, որոնցից 152-ի ղեկին եղել են անչափահասներ: Նույն օրը Վերջին զանգի միջոցառումների շրջանակում դեպքերի և պատահարների վերաբերյալ ՆԳՆ ոստիկանությունում ահազանգեր չեն ստացվել։ Ուժեղացված հսկողության արդյունքում շրջանավարտների մասնակցությամբ միջադեպեր […] ...

ՊԵԿ-ը հերքում է իր պաշտոնյայի առնչությունը ՔԿ շենքից գողության դեպքին

23:02 24.05.2025

ՊԵԿ-ը հերքում է իր պաշտոնյայի առնչությունը ՔԿ շենքից գողության դեպքին

Պետական եկամուտների կոմիտեն հայտնում է՝ համացանցում տարածված տեղեկատվությունն այն մասին, որ ՔԿ շենքից իրեղեն ապացույց ճանաչված 590 000 ԱՄՆ դոլար գողանալու գործով ձերբակալված անձանցից մեկը ՊԵԿ պաշտոնյա է՝ չի համապատասխանում իրականությանը։ Կոմիտեն հորդորում է՝ զերծ մնալ Պետական եկամուտների կոմիտեի անունը շահարկելու, ինչպես նաև չճշտված տեղեկություններ տարածելու գործելաոճից։ ...

BACK_TO_TOP