30 04 2024

$

388.00
4.16
€

416.21

+30.09 ^oC

Քաղաքաշինության կոմիտեի նախագահը աշխատանքային այցով եղել է Շիրակի մարզում

ՀԱՅԱՍՏԱՆ

18:12 17.04.2024

Շիրակի մարզպետ Մուշեղ Մուրադյանն այսօր ընդունել է աշխատանքային այցով Շիրակի մարզում գտնվող ՀՀ քաղաքաշինության կոմիտեի նախագահ Եղիազար Վարդանյանին և կոմիտեի պատասխանատուներին։ Այս մասին տեղեկացնում են Շիրակի մարզպետի աշխատակազմից:

Հանդիպման ժամանակ քննարկվել են Շիրակի մարզում քաղաքաշինության կոմիտեի պատվիրատվությամբ իրականացվող կապիտալ շինարարական ծրագրերի ընթացքին ու արձանագրված թերացումների վերացմանն առնչվող հարցեր։

«Մեզ համար կարևոր է, որ համագործակցված աշխատանքով կարողանանք հասնել իրականացվող պետական ծրագրերի թերացումների ու խախտումների վերացմանը, նոր իրականացվող աշխատանքներում թերացումները բացառվեն, շատ ուրախ եմ, որ Շիրակի մարզում եք և կկարողանանք նորից լինել շինօբյեկտներում ու խոսել, լսել շինարարներին, դիտարկել բոլոր աշխատանքները, անել հնարավորը խնդիրների լուծման համար»,- նշել է Շիրակի մարզպետը։

Քաղաքաշինության կոմիտեի նախագահը վստահեցրել է, որ չեն խնայելու ջանք ու եռանդ, որպեսզի ամենասեղմ ժամկետներում խնդիրները լուծվեն, որակի ապահովման նկատմամբ կլինեն հետևողական՝ կոմիտեին վստահված ծրագրերը անհրաժեշտ ծավալով, նորմալ որակով ավարտին հասցնելու համար։
Քննարկումից հետո պատասխանատուները եղել են մի շարք շինօբյեկտներում։

Շիրակի մարզի 3 բնակավայրում՝ Բերդաշենում, Արեգնադեմում և Կապսում՝ «Փոքրաքանակ երեխաներով համալրված հանրակրթական դպրոցների մոդուլային շենքերի կառուցում» ծրագրի շրջանակներում։

Շիրակի մարզպետն ու քաղաքաշինության կոմիտեի նախագահն աշխատակազմերի ներկայացուցիչների ուղեկցությամբ սկզբում եղել են Բերդաշենում, որտեղ ընթանում են դպրոցի կառուցման աշխատանքները։ Ծրագրի ընդհանուր արժեքը 723 մլն 213 հազար դրամ է, 2024-ի համար նախատեսվել է 276 մլն 712 հազար դրամ։

Կոմիտեի նախագահն ու մարզպետը մասնագետների հետ շրջել են տարածքում, դիտարկվել են աշխատանքներում արձանագրված թերություններն ու խնդիրները, հանձնարարվել է շինարարին անել անհրաժեշտ բոլոր փոփոխություններն ու հնարավոր սեղմ ժամկետներում վերացնել թերացումները։

Պատասխանատուները եղել են նաև Արեգնադեմ բնակավայրում, որտեղ ընթացքի մեջ են դպրոցի մոդուլային շենքի կառուցման աշխատանքները։ Դպրոցի կառուցման արժեքը 747 մլն 566 հազար դրամ է, 2024 թվականի համար հատկացվելու է 390 մլն 485 հազար դրամ։

Շենքում շրջելուց, շինարարի հետ զրուցելուց հետո, քննարկվել են խնդիրները, ընդգծվել է, որ բոլոր թերությունները պետք է վերացվեն ժամանակին։

Դիտարկվել են նաև Կապսի դպրոցի շինաշխատանքները, որոնք գտնվում են ավարտական փուլում, սակայն նախանշվել են թերություններ ու բացթողումներ։ Մոդուլային ուսումնական հաստատությունն ունենալու է բոլոր հարմարությունները՝ փակ մարզադահլիճ, ֆուտբոլային խաղադաշտ, արևային ֆոտովոլտային կայան, ապահովված է լինելու ապաստարանով:

Աշխատանքային այցի շրջանակներում, քաղաքաշինության կոմիտեի նախագահ ու Շիրակի մարզպետն այցելել են «Արթուր Ալեքսանյանի անվան հունահռոմեական ըմբշամարտի մանկապատանեկան դպրոց» նոր սպորտային համալիրի շինաշխատանքների ընթացքին։ 6 մլրդ 796 մլն դրամ ընդհանուր արժողությամբ համալիրի կառուցման համար 2024 թվականին նախատեսվել է 1 մլրդ 534 մլն դրամ։ Համալիրն ունենալու է մանկապատանեկան սպորտի զարգացման բոլոր պայմանները։

Բաժանորդագրվեք SHANTNEWS.am-ին Telegram-ում

Բոլոր լուրերը

17:30 30.04.2024
Անկեղծ` նրանք լավագույն թիմը չեն դաշտում․ Կիմիխը` «Ռեալի» մասին

Կապակցված լուրեր

17:26 30.04.2024

Մեկնարկել է նոր՝ 12,3 մլն. եվրո արժողությամբ ծրագիր՝ ուղղված Հայաստանի գյուղական համայնքներում էներգետիկ մարտահրավերների դիմակայմանը

Եվրոպական միությունը (ԵՄ) և ԳԴՀ Տնտեսական համագործակցության և զարգացման նախարարությունը (ԳԴՀ ՏՀԶՆ) մեկնարկեցին նոր՝ 12,3 մլն. եվրո արժողությամբ ծրագիր՝ ուղղված Հայաստանի գյուղական համայնքներում էներգետիկ մարտահրավերների դիմակայմանը: ՀՀ տարածքային կառավարման և ենթակառուցվածքների նախարարությունը (ՏԿԵՆ), Եվրոպական միությունը և ԳԴՀ Տնտեսական համագործակցության և զարգացման նախարարությունն այսօր (ԳԴՀ ՏՀԶՆ) հայտարարեցին «Կայուն էներգիա հանուն Հայաստանում կլիմայակայուն համայնքային զարգացման» (SE4Resilience) ծրագրի […] ...

17:21 30.04.2024

Ռուբեն Ռուբինյանն ու Խերտ Յան Կուպմանին քննարկել են Հայաստան-ԵՄ հարաբերությունների ամրապնդմանն ուղղված քայլերը

ՀՀ ԱԺ նախագահի տեղակալ Ռուբեն Ռուբինյանն ապրիլի 30-ին ընդունել է Եվրոպական հանձնաժողովի հարեւանության քաղաքականության եւ ընդլայնման բանակցությունների հարցերով գլխավոր տնօրեն Խերտ Յան Կուպմանի գլխավորած պատվիրակությանը: Ողջունելով պատվիրակությանը՝ Ռուբեն Ռուբինյանը կարեւորել է Հայաստան-ԵՄ հարաբերությունների զարգացումն ու խորացումը: Քննարկվել են Հայաստան-ԵՄ հարաբերությունների ամրապնդմանն ուղղված քայլերը, անդրադարձ է կատարվել Հայաստան-Թուրքիա կարգավորման գործընթացին եւ տարածաշրջանային զարգացումներին: ...

17:14 30.04.2024

Հայաստանը շահագրգռված է դառնալ միջազգային տարանցիկ երթուղիների մաս. Արարատ Միրզոյանի հարցազրույցը «Al-Jazeera»-ին

Ապրիլի 28-29-ը Կատարի Պետություն պաշտոնական այցի շրջանակներում ՀՀ ԱԳ նախարար Արարատ Միրզոյանը հարցազրույց է տվել համաարաբական առաջատար՝ շուրջ կես միլիոն լսարան ունեցող լրատվամիջոց «Al-Jazeera»-ին։ Հարցազրույցը հրապարակվել է արաբերեն ու անգլերեն տարբերակներով։ Հարցազրույցում անդրադարձ է կատարվել տարածաշրջանում երկարատև խաղաղության հասնելու ՀՀ տեսլականին, Ադրբեջանի հետ հարաբերությունների կարգավորման գործընթացին, ՀՀ կառավարության կողմից մշակված «Խաղաղության խաչմերուկին», Գազայի շուրջ իրավիճակի […] ...

16:28 30.04.2024

Ազդարարման համակարգը ներկայացվել է Գեղարքունիքի մարզպետարանի և ՏԻՄ-երի աշխատակիցներին. մեկնարկել են մարզային դասընթացները

Ազդարարման համակարգի համապետական իրազեկման արշավի շրջանակում Սևան քաղաքում մեկնարկել է առաջին մարզային դասընթացը՝ տեղական ինքնակառավարման մարմինների և մարզպետարանների ներկայացուցիչների համար: Դասընթացի մասնակիցները ծանոթացել են Ազդարարման համակարգին, դրան վերաբերող օրենսդրական կարգավորումներին, հայտնում է ՀՀ արդարադատության նախարարությունը: Համապետական արշավի շրջանակում կրթական միջոցառումներ կանցկացվեն Հայաստանի բոլոր մարզերում՝ ներգրավելով համայնքային ծառայողներին և այլ ներկայացուցիչներին: Դասընթացները իրականացվում են Գերմանիայի […] ...

15:44 30.04.2024

Ադրբեջանը երկկողմ և խաղաղ բանակցությունների կողմնակից է․ Բայրամով

Ադրբեջանը երկկողմ և խաղաղ բանակցությունների կողմնակից է։ Բանակցությունները կոչված են Հարավային Կովկասում խաղաղության և կայունության ապահովմանը: Այս մասին հայտարարել է Ադրբեջանի ԱԳ նախարար Ջեյհուն Բայրամովը: Նա Արաբական պետությունների Լիգա-Կենտրոնական Ասիա-Ադրբեջան տնտեսական համաժողովի և համագործակցության նիստի մասնակիցներին ներկայացրել է Ադրբեջանի և Հայաստանի միջև հարաբերությունների կարգավորման գործընթացը: Նա արդյունավետ է գնահատել սահմանազատման հանձնաժողովների միջև ձեռք բերված վերջին […] ...

15:37 30.04.2024

ՆԳ նախարարությունը և Ասիական զարգացման բանկը կհամագործակցեն քաղաքաշինության ոլորտում սեյսմիկ նորմերի վերանայման ուղղությամբ

Ապրիլի 26-ին Ներքին գործերի նախարարի տեղակալ Արփինե Սարգսյանն ընդունել է Ասիական զարգացման բանկի պատվիրակությանը՝ Բանկի հայաստանյան մշտական առաքելության փոխտնօրեն Լյուկ Ֆոչմանի գլխավորությամբ։ Ողջունելով հյուրերին՝ Արփինե Սարգսյանը կարևորել է աղետների ռիսկի կառավարման ոլորտում Ասիական զարգացման բանկի հետ համագործակցությունը և ներկայացրել դեռևս 2023 թ. հոկտեմբերի 5-ին Կառավարության որոշմամբ հաստատված՝ Աղետների ռիսկի կառավարման 2023-2030 թթ. ռազմավարությունը և 2023-2026 […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.