21 05 2024

$

388.24
4.29
€

421.90

+15.09 ^oC

Վահագն Խաչատուրյանին իր հավատարմագրերն է հանձնել Հայաստանում Արգենտինայի նորանշանակ դեսպանը

ՔԱՂԱՔԱԿԱՆՈՒԹՅՈՒՆ

20:23 30.04.2024

Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Արգենտինայի արտակարգ և լիազոր դեսպան Ռաֆայել Էնրիկե Գոնսալես Ալեմանը:

Հանրապետության նախագահը շնորհավորել է նորանշանակ դեսպանին և հաջողություններ մաղթել դիվանագիտական ծառայության ընթացքում:

«Մեկ անգամ ևս ցանկանում եմ ընդգծել, որ հայ-արգենտինական հարաբերություններն առանձնահատուկ են մեզ համար: Դրանք իսկապես բարեկամական են: Վերջին տարիներին՝ Հայաստանի համար դժվարին ժամանակներում, մենք զգացել ենք Ձեր երկրի աջակցությունը: Մենք, իրոք, կարիք ունեինք անկողմնակալ մոտեցման և Արգենտինայի դիրքորոշումն ու մոտեցումը հենց այդպիսին էր:

Վստահ եմ, որ Ձեր նշանակումը միանշանակ ավելի կխորացնի մեր հարաբերությունները»,- նշել է նախագահ Խաչատուրյանը:

Նորանշանակ դեսպանը շնորհակալություն հայտնելով ընդունելության համար նշել է. «Ինձ համար մեծ պատիվ է այստեղ գտնվել: Կարծում եմ, որ ես կարող եմ լինել կարևոր օղակ, որը կհաստատի Արգենտինայի Հանրապետության և Հայաստանի Հանրապետության միջև կապերի խորացումը: Մեր երկրների ժողովուրդների միջև կան բազմաթիվ պատմական ընդհանրություններ: Արգենտինայի Հանրապետությունում կա բավական մեծ հայկական համայնք, և կարող եմ ասել, որ համայնքն իր ուրույն դերն է կատարել Արգենտինայի Հանրապետության առաջընթաց գրանցելու գործում»:

Հանդիպման ընթացքում քննարկվել են երկու երկրների միջև առկա բարեկամական և սերտ համագործակցության հետագա ընդլայնման հնարավորությունների վերաբերյալ հարցեր: Անդրադարձ է կատարվել կրթության, մշակույթի և այլ ոլորտներում համատեղ ծրագրեր նախաձեռնելու և իրականացնելու կարևորությանը: Մտքեր են փոխանակվել գյուղատնտեսության ոլորտում լավագույն փորձի փոխանակման ուղղությամբ քայլեր ձեռնարկելու վերաբերյալ:

Զրույցի ընթացքում կողմերն անդրադարձել են տարածաշրջանային իրողություններին և Հայաստանի և Ադրբեջանի միջև իրականացվող սահմանազատման աշխատանքներին: Երկուստեք շեշտվել է տարածաշրջանում առկա մարտահրավերները բանակցային ուղիով և բարիդրացիության սկզբունքների հիման վրա հաղթահարելու կարևորությունը:

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 21.05.2024
Ռայիսին վստահելի գործընկեր էր․ Պուտին

Կապակցված լուրեր

23:28 21.05.2024

Տեղի է ունեցել «Քաղաքացիական պայմանագիր» կուսակցության վարչության նիստ

Մայիսի 21-ին տեղի է ունեցել «Քաղաքացիական պայմանագիր» կուսակցության վարչության նիստ, որը վարել է վարչության նախագահ, ՀՀ վարչապետ Նիկոլ Փաշինյանը։ Քննարկվել են կուսակցության 4-րդ Քաղաքական ժողովի կազմակերպման, Շիրակի և Արմավիրի մարզերում կուսակցության Տարածքային կազմակերպությունների աշխատանքի հետ կապված, ինչպես նաև այլ հարցեր։ ...

23:08 21.05.2024

Ուղղաթիռի կործանման հետևանքով զոհված Իրանի արտգործնախարարին կհուղարկավորեն մայիսի 23-ին Թեհրանում

Իրանի արտաքին գործերի նախարար Հոսեյն Ամիր Աբդոլլահիանին, ով զոհվել է նախագահ Էբրահիմ Ռայիսիին տեղափոխող ուղղաթիռի վթարի հետևանքով, կհուղարկավորեն հինգշաբթի օրը Թեհրանում՝ Շահ Աբդուլ Ազիմ մզկիթում։ Այս մասին հայտնում է իրանական IRNA գործակալությունը։ Լրատվամիջոցի տեղեկություններով՝ զոհված արտգործնախարարի հրաժեշտի արարողությունը տեղի կունենա մայիսի 23-ին Թեհրանի ԱԳՆ-ի դիմացի հրապարակում՝ տեղական ժամանակով ժամը 09:00-ին, իսկ հուղարկավորությունը տեղի կունենա նույն […] ...

22:55 21.05.2024

Իրանը և տարածաշրջանը պատրաստվում են նոր գործընթացների․ քննարկում Գոհար Իսկանդարյանի հետ

Իրանի նախագահի և արտաքին գործերի նախարարի մահվան կապակցությամբ սգո արարողություններ են տեղի ունենում հարևան երկրում: Դրան զուգահեռ Իրանը և տարածաշրջանը պատրաստվում են նոր գործընթացների: Թեման «Հեռանկարի» տաղավարում քննարկվել է ԳԱԱ Արևելագիտության ինստիտուտի Իրանի բաժնի վարիչ Գոհար Իսկանդարյանի հետ: ...

22:45 21.05.2024

Ադրբեջանի և Ուկրաինայի ղեկավարները հեռախոսով քննարկել են տարածաշրջանային անվտանգության հարցեր

Ադրբեջանի և Ուկրաինայի նախագահներ Իլհամ Ալիևը և Վլադիմիր Զելենսկին հեռախոսով քննարկել են տարածաշրջանային անվտանգության հարցերը և ապագա համատեղ նախագծերը։ Այս մասին հայտնել է Ադրբեջանի ղեկավարի մամուլի ծառայությունը։ «Հեռախոսազրույցի ընթացքում պետությունների ղեկավարները քննարկել են տարածաշրջանային անվտանգության և էներգետիկայի, առևտրի և այլ ոլորտներում երկկողմ համագործակցության հարցեր»,- ասվում է հաղորդագրության մեջ։ Ըստ մամուլի ծառայության՝ նախագահները նշել են, որ […] ...

22:16 21.05.2024

ՄԱԳԱՏԵ-ի տնօրենը պաշտպանել է Հայաստանի միջուկային ծրագիրը

ՀՀ ԱԳ նախարար Արարատ Միրզոյանը Վիեննայում միջուկային անվտանգությանը նվիրված կոնֆերանսի շրջանակներում հանդիպել է Ատոմային էներգիայի միջազգային գործակալության գլխավոր տնօրեն Ռաֆայել Գրոսսիի հետ: ՄԱԳԱՏԷ-ի ղեկավարը հանդիպումից հետո Մեծամորի ատոմակայանի շահագործման ժամկետի երկարացման վերաբերյալ կարևոր հայտարարությամբ է հանդես եկել: Այդ հարցում ՄԱԳԱՏԷ-ի ղեկավարի մոտեցման մեջ ինչ-որ բա՞ն է փոխվել: Թեմային «Հորիզոնի» տաղավարում անդրադարձել է Արտյոմ Երկանյանը։ «Արտգործնախարարության […] ...

21:25 21.05.2024

Իրանի ԱԳՆ-ն խոստացել է շարունակել Ռայիսիի քաղաքական կուրսը

Ավիավթարում զոհված Իրանի նախագահ Էբրահիմ Ռայիսիի և արտգործնախարար Հոսեյն Ամիր Աբդոլլահիանի քաղաքական գիծը շարունակվելու է։ Այս մասին ասված է Իսլամական Հանրապետության արտաքին գործերի նախարարի պաշտոնակատար Ալի Բաղերի Քանիի հայտարարության մեջ։ «Նրանց (Ռաիսի և Աբդոլլահիան) գիծը կշարունակվի, և կիրականացվեն նաև արտաքին քաղաքական ասպարեզում մեր երկրի առաջխաղացման նրանց կարևոր ծրագրերը, այդ թվում՝ օգտագործելով արտաքին գործերի նախարարության ողջ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.