14:56 21.05.2024
Երեխաների իրավունքների պաշտպանության ոլորտում գործունեություն իրականացնող գերատեսչությունների և հասարակական կազմակերպությունների ներկայացուցիչների մասնակցությամբ՝ տեղի է ունեցել Երեխաների իրավունքների պաշտպանության համալիր ծրագրի պլանավորման վերաբերյալ երկօրյա աշխատաժողով։ Հանդիպման ընթացքում քննարկվել են ոլորտում առկա խնդիրները, սահմանվել են դրանցից բխող նպատակները, հստակեցվել այս ուղղությամբ անհրաժեշտ աշխատանքների շրջանակը։
Միջոցառմանը ելույթով հանդես են եկել Աշխատանքի և սոցիալական հարցերի նախարարի տեղակալ Տաթևիկ Ստեփանյանը, Հայաստանում ՅՈՒՆԻՍԵՖ-ի ներկայացուցչի տեղակալ Սիլվիա Մեստրոնին։ Բանախոսներն անդրադարձել են ոլորտում սահմանված գերակայություններին և ընդգծել այս ուղղությամբ համատեղ աշխատանքների դերը։
Անդրադառնալով համալիր ծրագրով նախատեսված գերակայություններին՝ Տաթևիկ Ստեփանյանը նշել է, որ փաստաթղթի մշակման առանցքային նպատակը երեխայի լիարժեք զարգացմանն ուղղված կարճաժամկետ ծրագրերն առավել ընդգրկուն ու շարունակական միջոցառումներով փոխարինելն է:
Նախարարի տեղակալի խոսքով՝ համալիր ծրագրով սահմանվում են երեխաների իրավունքների պաշտպանության ոլորտի առաջնահերթությունները, անհրաժեշտ ֆինանսական միջոցները, առաջընթացի ցուցանիշները, ելակետային թիրախային արդյունքները, մշտադիտարկման ընթացակարգերը, որոնք հնարավորություն կստեղծեն նպաստել երեխայի բոլոր իրավունքների իրացմանը, իսկ պատասխանատու գերատեսչությունների համար կլինեն ուղեցույց առաջիկա տարիների համար՝ ուրվագծելով ոլորտային քաղաքականությունը:
Աշխատաժողովի ընթացքում երեխաների իրավունքների պաշտպանության համալիր ծրագրի փոփոխությունների տեսլականը, նախնական նպատակն ու խնդիրները ներկայացրել են ԱՍՀ նախարարության երեխաների հիմնահարցերի բաժնի պետ Անահիտ Հովհաննիսյանն ու ՅՈՒՆԻՍԵՖ-ի երեխաների երեխայի իրավունքների մշտադիտարկման և գնահատման բաժնի ղեկավար Աստղիկ Մարտիրոսյանը։ Ձևավորվել են աշխատանքային խմբեր, որոնց շրջանակում քննարկվել են համակարգային բարեփոխումներին ու ոլորտային խնդիրների կարգավորմանն առնչվող մի շարք հարցեր․ խմբերում ներգրավված մասնակիցները նաև առաջարկել են գործուն քայլեր՝ ծրագրով սահմանված նպատակների իրականացման վերաբերյալ։ Միջոցառման շրջանակում կազմակերպվել է ոլորտային առաջնահերթությունների և հավանական չափորոշիչների վերաբերյալ մտագրոհ։
Աշխատաժողովն իրականացվել է Աշխատանքի և սոցիալական հարցերի նախարարության և «ՄԱԿ-ի մանկական հիմնադրամ»-ի (UNICEF) համագործակցությամբ։
15:09 09.06.2025
Տարադրամի փոխարժեքները հունիսի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382.50 դրամ, վաճառքի նվազագույն արժեքը՝ 385 դրամ: Եվրոյի առքի առավելագույն արժեքն է 435 դրամ, վաճառքի նվազագույն արժեքը՝ 440 դրամ: Ռուսական ռուբլու առքի առավելագույն արժեքն է 4․8 դրամ, վաճառքի նվազագույն արժեքը՝ 4․91 դրամ: ...
14:51 09.06.2025
Լավրով. Ռուսաստանի ու ԱՄՆ-ի հարաբերություններն արդեն ավելի նորմալ վիճակում են, քան Բայդենի օրոքՄոսկվայի և Վաշինգտոնի հարաբերություններն արդեն ավելի լավ վիճակում են, քան ԱՄՆ նախկին առաջնորդ Ջո Բայդենի վարչակազմի օրոք էին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։ «Կարծում եմ, որ մենք արդեն ավելի լավ վիճակում ենք, ավելի նորմալ վիճակում, քան Բայդենի վարչակազմի հետ հարաբերություններում, որը, անկեղծ ասած, (ՌԴ նախագահ Վլադիմիր) Պուտինի և Բայդենի «հուսադրող» […] ...
14:42 09.06.2025
Գրոսսի. ԱՄՆ-ի և Իրանի միջև միջուկային համաձայնագիրը կնպաստի Մերձավոր Արևելքում խաղաղությանըԱՄՆ-ի և Իրանի միջև Թեհրանի միջուկային ծրագրի վերաբերյալ համաձայնագրի կնքումը անմիջական դրական ազդեցություն կունենա Մերձավոր Արևելքի տարածաշրջանում խաղաղության գործընթացի վրա։ Այս մասին հայտարարել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին՝ ՄԱԳԱՏԷ-ի կառավարիչների խորհրդի անդամների առջև ունեցած ելույթում։ «Ես համոզված եմ, որ առաջ շարժվելու միակ ճանապարհը դիվանագիտական լուծումն է, որը կաջակցվի ՄԱԳԱՏԷ -ի […] ...
14:33 09.06.2025
21-ամյա երիտասարդի բանկային քարտից հափշտակության փորձ արած տղամարդիկ ձերբակալվել ենՆԳՆ ոստիկանության օպերատիվ կառավարման կենտրոն զանգած քաղաքացին հայտնել է, որ հունիսի 2-ին դրամապանակը, որի մեջ բանկային քարտեր էին, Երևանի Մաշտոցի պողոտայում թողել է նստարանին և րոպեներ անց վերադառնալով՝ այն չի հայտնաբերել, իսկ հունիսի 3-ին հաղորդագրություն է ստացել, որ իր բանկային քարտով փորձել են գնումներ կատարել: Նախաձեռնվել է քրեական վարույթ: Համայնքային ոստիկանության Կենտրոնական բաժնի ծառայողները օպերատիվ-հետախուզական […] ...
14:27 09.06.2025
Էկոնոմիկայի նախարարության բյուջեի կատարողականը հաշվետու տարում կազմել է 96,4 տոկոս, իրականացվել են 10 ծրագիր, 63 միջոցառումԱԺ տնտեսական հարցերի ու Ֆինանսավարկային եւ բյուջետային հարցերի մշտական հանձնաժողովների համատեղ նիստում հունիսի 9-ին ելույթ է ունեցել ՀՀ էկոնոմիկայի նախարար Գեւորգ Պապոյանը: Քննարկվել է «ՀՀ 2024 թվականի պետական բյուջեի կատարման մասին» տարեկան հաշվետվությունը: Նախարարը ներկայացրել է գերատեսչության ծրագրերը՝ ըստ ուղղությունների եւ կատարողականների: Մասնավորապես, «Էկոնոմիկայի ոլորտում պետական քաղաքականության մշակում, ծրագրերի համակարգում, մոնիտորինգ» ծրագրի իրականացման նպատակով ճշտված […] ...
