17:54 04.11.2024
Երեւան քաղաքի բյուջեի եկամուտների եւ ծախսերի ձեւավորման մասով վերջին տարիների ընթացքում տեղի ունեցած փոփոխություններին է անդրադարձել քաղաքապետ Տիգրան Ավինյանը:
«Երեւան քաղաքը 2024 թվականին 2023 թվականի համեմատ ավելացրել է սեփական եկամուտները: 2023 թվականի` 39 մլրդ դրամի համեմատ 2024 թվականին մենք 61 մլրդ դրամից ավելի եկամուտներ ենք հավաքագրել»,- ընդգծել է զեկուցողը եւ հավելել, որ վերջին երկու տարիներին քաղաքապետարանը սկսել է իրականացնել ենթակառուցվածքային ծրագրեր, որոնց շարքում են կոյուղիների փոխարինումը:
Տիգրան Ավինյանն աննախադեպ է համարել Կառավարության աջակցությամբ եւ քաղաքապետարանի կողմից ներդրված գումարներով 52 կմ ճանապարհի միջին նորոգմանն ուղղված աշխատանքների իրականացումը: Նրա տեղեկացմամբ քաղաքապետարանն այս տարի գնել է 171 նոր ավտոբուս` ծախսելով 7,6 մլրդ դրամ, 15 տրոլեյբուս` ծախսելով 1,8 մլրդ դրամ: Նշվել է, որ կատարվել են նաեւ բակային տարածքների մաքրման մեծածավալ աշխատանքներ, կազմակերպվել են մշակութային բազմաթիվ միջոցառումներ:
Քաղաքապետը խոսել է նաեւ հանրային տրանսպորտի ոլորտում իրականացվող բարեփոխումների մասին:
Հանրային ծառայությունները կարգավորող հանձնաժողովին գալիք տարվա բյուջեով նախատեսված հատկացումների 81,4 տոկոսը կուղղվի աշխատանքի վարձատրության գծով ծախսերին, իսկ 18,6 տոկոսը` հանձնաժողովի բնականոն գործունեության ապահովման համար անհրաժեշտ ապրանքների, ծառայությունների, աշխատանքների ձեռքբերմանը: Այս մասին ասել է Հանրային ծառայությունները կարգավորող հանձնաժողովի անդամ Սերգեյ Աղինյանը: Նրա խոսքով 2025 թվականին կառույցը կշարունակի կարգավորման մեխանիզմների կատարելագործմանն ուղղված իրավական ակտերի, այդ թվում` էլեկտրաէներգետիկական մեծածախ եւ մանրածախ շուկայի առեւտրային կանոնների լրամշակման, ինչպես նաեւ սակագնային քաղաքականության կատարելագործման աշխատանքները:
Մրցակցության պաշտպանության հանձնաժողովի նախագահ Գեղամ Գեւորգյանի խոսքով հանձնաժողովը դառնալու է սպառողների պաշտպանության կենտրոնական մարմին` իրականացնելով սպառողների շահերի պաշտպանությանն ուղղված լայնածավալ գործառույթներ:
2025 թվականից սկսած Քաղաքաշինության կոմիտեն նախաձեռնում է ԵՄ նորմերի եւ ստանդարտների տեխնիկական թարգմանություն, տեղայնացման աշխատանքներ: Կիրականացվեն նաեւ օրենսդրական փոփոխություններ, որոնք թույլ կտան քաղաքաշինության ոլորտում կիրառել ԵՄ նորմերն ու ստանդարտները: Այս մասին բարձրաձայնել է Քաղաքաշինության կոմիտեի նախագահ Եղիազար Վարդանյանը:
Կադաստրի կոմիտեի ղեկավար Սուրեն Թովմասյանի տեղեկացմամբ էլ 2025 թվականին կոմիտեն կիրականացնի «Անշարժ գույքի կադաստրի վարման բնագավառում պետական քաղաքականության իրականացում» ծրագիրը:
ԱԺ տնտեսական ու ֆինանսավարկային եւ բյուջետային հարցերի մշտական հանձնաժողովների` նոյեմբերի 4-ի համատեղ նիստում պատգամավորները ծանոթացել են «Հայաստանի Հանրապետության 2025 թվականի պետական բյուջեի մասին» ՀՀ օրենքի նախագծով մի շարք ոլորտներում իրականացվելիք ծրագրերին:
19:50 02.05.2025
Մայրաքաղաքում կկատարվի երթևեկության կազմակերպման փոփոխությունԵրևանի քաղաքապետարանից տեղեկացնում են, որ մայիսի 6-ից կկատարվի երթևեկության կազմակերպման փոփոխություն: «Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով»,- ասվում է հաղորդագրությունում: ...
19:44 02.05.2025
Կլիմայի փոփոխության գործընթացում «շրջադարձային կետերը» անխուսափելի ենԿլիմայի փոփոխության գործընթացում «շրջադարձային կետերը» անխուսափելի են: Ինչպես տեղեկացնում է Հիդրոօդերևութաբանության և մոնիթորինգի կենտրոնը, Էքսետերի և Համբուրգի համալսարանների գիտնականների նոր ուսումնասիրությունը ցույց է տալիս, որ եթե գլոբալ քաղաքականությունը շարունակվի այնպես, ինչպես կա, կլիմայական բազմաթիվ «շրջադարձային կետեր» կարող են առաջանալ: «Շրջադարձային կետ» է համարվում այն, երբ փոքր փոփոխությունը համակարգը տեղափոխում է նոր վիճակի՝ առաջացնելով զգալի և […] ...
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
