18:56 04.11.2024
2025թ. պետական բյուջեի նախագծով Քաղաքաշինության կոմիտեին նախատեսվում է հատկացնել 3.3 մլրդ դրամ։ Քաղաքաշինության կոմիտեի նախագահ Եղիազար Վարդանյանն ԱԺ տնտեսական ու ֆինանսավարկային և բյուջետային հարցերի մշտական հանձնաժողովների նոյեմբերի 4-ի համատեղ նիստում ներկայացրել է կոմիտեի 2025 թվականի ծրագրերն ու դրանց համար նախատեսված ֆինանսական միջոցները:
Հիմնական թիրախները նորմատիվատեխնիկական փաստաթղթերի մշակումը, տեղայնացումը, ինչպես նաև քաղաքաշինության բնագավառում պետական ծրագրերի իրականացման ապահովումն են։
2025թ. նախատեսվում է մշակել և տեղայնացնել նորմատիվատեխնիկական 23 փաստաթուղթ, որին ուղղվելու է 268 մլն դրամ։ Եղիազար Վարդանյանն ընդգծել է, որ 2025 թվականից կոմիտեն նախաձեռնում է ԵՄ նորմերի և ստարդարտների տեխնիկական թարգմանության, տեղայնացման աշխատանքներ.
«Զուգահեռաբար կիրականացվեն օրենսդրական փոփոխություններ, որոնք թույլ կտան կիրառության մեջ դնել քաղաքաշինության ոլորտում ԵՄ նորմերն ու ստանդարտները: Այսինքն՝ կունենանք ՀՀ-ում գործող 2 նորմեր՝ ազգային և ԵՄ նորմերը, որոնք հավասարեցված կլինեն ազգային նորմերին»։
«Քաղաքաշինության բնագավառում պետական ծրագրերի իրականացման ապահովում» միջոցառման համար նախատեսված է 1.9 մլրդ դրամ՝ ՀՀ Լոռու մարզի Ստեփանավան համայնքում Աշոտաբերդ թաղամասի կառուցման աշխատանքների համար: Թաղամասում առկա են բազմաբնակարան փայտյա 24 շենքեր, որոնց շահագործման ժամկետը լրացել է, և գտնվում են վթարային վիճակում։ Որոշում է կայացվել կառուցել 15 բազմաբնակարան շենք՝ 308 բնակարանով՝ մոտ 29 500քմ մակերեսով և հատկացնել թաղամասում բնակվող ընտանիքներին: Թաղամասի կառուցապատման նախահաշվային արժեքը կազմում է 10.7 մլրդ դրամ և ամբողջական կառուցապատումը նախատեսվում է ավարտել մինչև 2028 թվականը: Այս պահին իրականացվում են 10 շենքերի շինարարական աշխատանքները։
Կոմիտեի ղեկավարը տեղեկացրել է, որ ներկայումս կոմիտեի պատվիրատվությամբ համակարգվում է շինարարության ընթացքում գտնվող 63 ենթածրագիր՝ 71.4 մլրդ դրամ պայմանագրային արժեքով: 2025 թվականին նախատեսվում է առնվազն 73 ենթածրագրի համակարգում՝ ավելի քան 95 մլրդ դրամ պայմանագրային արժեքով:
Քաղաքաշինության կոմիտեի կանոնադրական գործառույթները իրականացնելու նպատակով նախատեսվում է հատկացնել 1.1 մլրդ դրամ, որի 93.6%-ն ուղղված է աշխատանքի վարձատրությանը։
Քաղաքաշինության կոմիտեի կարողությունների զարգացում և տեխնիկական հագեցվածության ապահովման համար նախատեսվում է շուրջ 30 մլն դրամ։
Մյուս առաջնահերթությունը «Քաղաքաշինական ծրագրային (տարածական պլանավորման) փաստաթղթեր» միջոցառման շրջանակում նախատեսված Սևանա լճի ջրհավաք ավազանի առափնյա հատվածների քաղաքաշինական գոտևորման նախագծի մշակումն է, որի մեկնարկը նախատեսվում է 2025 թվականին։ Որպես կանխավճար նախատեսվում է 121.4 մլն դրամ, իսկ աշխատանքների նախահաշվային արժեքը կազմում է 404.6 մլն դրամ:
17:24 18.06.2025
Օպերատիվ իրավիճակը հանրապետությունում հունիսի 17-18-ըԲացահայտվել է 169 հանցագործություն, որոնցից 7-ը՝ նախկինում կատարված: Մասնավորապես՝ ☑️19 դեպք՝ թմրանյութի հայտնաբերման, ☑️15-ական դեպք՝ խարդախության և տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, ☑️10 դեպք՝ անձնական ունեցվածքի գողության, ☑️9 դեպք՝ մարմնական վնասվածք պատճառելու, ☑️8 դեպք՝ ֆիզիկական ներգործության, ☑️6 դեպք՝ հոգեկան ներգործության, ☑️4-ական դեպք՝ […] ...
17:11 18.06.2025
Կայացել է «Hope for dreams» ներառական երաժշտական փառատոնըՀՀ կրթության, գիտության, մշակույթի և սպորտի նախարարության աջակցությամբ «Կողք կողքի» կրթամշակութային հասարակական կազմակերպության նախաձեռնությամբ իրականացվել է «Hope for dreams» ներառական երաժշտական փառատոնը: Նախագիծը միտված է զարգացման առանձնահատկություններով երեխաների և պատանիների ստեղծագործական ներուժի բացահայտմանը։ Նախագծի շրջանակում մասնագետները շարունակական աշխատանքի միջոցով զարգացնում ու կատարելագործում են երեխաների և պատանիների ստեղծագործական կարողությունները։ Այնուհետև մեկ հարթակում և մեկ գաղափարի շուրջ […] ...
17:00 18.06.2025
Նախագահ Վահագն Խաչատուրյանն այցելել է Հայաստանում Միացյալ Թագավորության դեսպանի կեցավայրՀանրապետության նախագահ Վահագն Խաչատուրյանը Մեծ Բրիտանիայի և Հյուսիսային Իռլանդիայի Միացյալ Թագավորության ազգային տոնի՝ թագավոր Չարլզ Երրորդի ծննդյան օրվա կապակցությամբ այցելել է Հայաստանի Հանրապետությունում Միացյալ Թագավորության դեսպանի կեցավայր: Ողջունելով դեսպան Ջոն Գալագերին և դեսպանատան անձնակազմին՝ նախագահը շնորհավորել է նրանց, մաղթել հաջողություններ, նոր ձեռքբերումներ և առողջություն: ...
16:50 18.06.2025
Հիմնանորոգվում է Վանաձորի Բաղրամյան էստակադան«Ճանապարհային դեպարտամենտ» հիմնադրամից տեղեկացնում են, որ հիմնանորոգվում է Վանաձորի Բաղրամյան էստակադան։ Էստակադայի միջոցով Վանաձորի Դեմիրճյան փողոցը միանում է Մ-6 միջպետական ճանապարհին։ Նախագծով նախատեսված է ապամոնտաժել էստակադայի ծածկը և հիմնանորոգել-վերականգնել այն։ Շինաշխատանքների տեխնիկական հսկողությունն իրականացնող կազմակերպության ներկայացուցիչ Կարեն Դավթյանը նշում է, որ քանդվել է ուղեանցի երթևեկելի մի գոտու ծածկը, կատարվում են ծածկի բետոնացման աշխատանքներ, բետոնացվում են […] ...
16:39 18.06.2025
«Բոկա Խունիորսն» ու «Բենֆիկան» չեն պարզել հաղթողին․ ԱԱԱԱՄՆ-ում ընթացող աշխարհի ակումբային առաջնության առաջին տուրում արգենտինական «Բոկա Խունիորսը» մրցել է պորտուգալական «Բենֆիկայի» հետ: Հանդիպումն ավարտվել է 2-2 հաշվով: Արգենտինական թիմը 2-0 հաշվով առջևում էր, բայց Արգենտինայի հավաքականի կազմում աշխարհի չեմպիոններ դարձած Անխել Դի Մարիան ու Նիկոլաս Օտամենդին իրենց գոլերով փրկել են լիսաբոնցիներին: Խաղի ընթացքում 3 կարմիր քարտ է գրանցվել: Արգենտինական թիմից հեռացվել են […] ...
16:30 18.06.2025
Արուսյակ Ավետիսյանը որոնվում է որպես անհետ կորածՆԳՆ Համայնքային ոստիկանության Ամասիայի բաժնի կողմից որպես անհետ կորած որոնվում է 1964 թվականին ծնված Արուսյակ Ավետիսյանը։ Նա ապրիլի 30-ին դուրս է եկել տնից և այլևս չի վերադարձել։ Նրա գտնվելու վայրի վերաբերյալ տեղեկություն ունեցողներին Ոստիկանությունից խնդրում են դիմել Համայնքային ոստիկանության Ամասիայի կամ մոտակա բաժին կամ զանգահարել 1-02։ ...
