21:40 09.12.2024
Սաուդյան Արաբիայում ընթացող ՄԱԿ-ի «Անապատացման դեմ պայքարի» կոնվենցիայի Կողմերի 16-րդ համաժողովի շրջանակում Շրջակա միջավայրի նախարարության Հողերի և ընդերքի քաղաքականության վարչության պետի տեղակալ, ՄԱԿ-ի «Անապատացման դեմ պայքարի» կոնվենցիայի ազգային համակարգող Նարինե Հակոբյանը մասնակցել է «Բնահեն լուծումները հողերի դեգրադացման կանխման համար» թեմայով սիմպոզիումի։
Նարինե Հակոբյանը հանդես է եկել զեկույցով՝ անդրադառնալով բնահեն լուծումների միջոցով բնապահպանական կայունությանն ուղղված Հայաստանի ջանքերին և դրանց դերին ազգային բնապահպանական նպատակներին հասնելու գործում:
«Բնապահպանական կայունության հասնելը Հայաստանի Հանրապետության կառավարության առաջնահերթությունն է, և բնահեն լուծումներն առանցքային են այս նպատակին հասնելու համար»,-նշել է Նարինե Հակոբյանը և անդրադարձել քայլերին, թե ինչպես է Հայաստանն աշխատում հողերի դեգրադացիայի դեմ պայքարի, անտառների կառավարման բարելավման և բնական ռեսուրսների պահպանության ուղղությամբ:
Իր խոսքում Նարինե Հակոբյանն անդրադարձել է ջրային ռեսուրսների արդյունավետ կառավարմանը, անտառային և խոնավ տարածքների ավելացմանն ուղղված միջոցառումներին։
Անդրադարձ է եղել նաև վաղ նախազգուշացման համակարգերի մշակման և գործարկման անհրաժեշտությանը։
Նարինե Հակոբյանն իր խոսքում նշել է, որ բնահեն լուծումների հաջող իրականացումը պահանջում է համապատասխան ֆինանսական ռեսուրսներ: Ահա թե ինչու է Հայաստանը մոբիլիզացնում ֆինանսավորումը բոլոր հնարավոր աղբյուրներից՝ ապահովելով, որ ծրագրերը կստանան աջակցություն և կայուն կլինեն երկարաժամկետ հեռանկարում:
Իր ելույթը Նարինե Հակոբյանը եզրափակել է անդրադարձով 2026 թվականին Հայաստանի Հանրապետությունում անցկացվելիք COP 17-ին․
«Մենք անհամբեր սպասում ենք մեր փորձի, մարտահրավերների և հաջողությունների մասին միջազգային հանրությանը պատմելու հնարավորությանը»։
21:57 17.06.2025
Թուրքերն ադրբեջանցիներին դավաճանության մեջ են մեղադրում. Իրան-Իսրայել պատերազմը մերկացրել է Բաքվի ու Անկարայի միջև եղած հակասություններըԻրանի դեմ պատերազմական գործողություններում Իսրայելին ցուցաբերվող Ադրբեջանի անուղղակի աջակցությունը Բաքվի ու Անկարայի միջև հարաբերություններում լարվածության պատճառ է դարձել: Թուրքիայում Իլհամ Ալիևին մեղադրում են սիոնիստ ագրեսորներին պաշտպանելու մեջ: Ինչո՞ւմ է դրսևորվում Անկարայի ու Բաքվի միջև լարվածությունը: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Առայժմ այդ լարվածությունը դրսևորվում է թուրքական մամուլում հակաադրբեջանական հոդվածների շարքով: Եվ տպավորություն կա, […] ...
21:51 17.06.2025
«Նոայի» մրցակիցը հայտնի է․ ՉԼ որակավորման փուլՇվեյցարիայի Նիոն քաղաքում տեղի է ունեցել ՈւԵՖԱ-ի Չեմպիոնների լիգայի 2025/26 մրցաշրջանի առաջին որակավորման փուլի վիճակահանությունը։ Հայաստանի չեմպիոն «Նոան» մրցելու է Մոնտենեգրոյի «Բուդուչնոստ Պոդգորիցայի» հետ։ Մրցող թիմերի միջև առաջին հանդիպումը կկայանա Երևանում։ Հանդիպումները նախատեսված են 2025 թվականի հուլիսի 8-9-ին և 15-16-ին։ Խաղերի ճշգրիտ օրերն ու ժամերը կհաստատվեն առաջիկա օրերին։ ...
21:45 17.06.2025
Իրանի ԶՈՒ ԳՇ պետ. Իրանը դեռևս լուրջ գործողություններ չի իրականացրել Իսրայելի դեմԻրանը դեռևս որևէ լուրջ գործողություն չի իրականացրել Իսրայելի դեմ, այլ սահմանափակվել է նախազգուշական հարվածներով։ Այս մասին հայտարարել է Իսլամական Հանրապետության զինված ուժերի գլխավոր շտաբի պետ Աբդուլռահիմ Մուսավին։ «Մինչ այժմ իրականացված գործողությունները միայն որոշակի նախազգուշացում են եղել (թշնամուն) զսպելու համար», – ընդգծել է Մուսավին: Նա նշել է, որ շուտով կիրականացվեն պատժիչ գործողություններ։ ...
21:37 17.06.2025
Ի՞նչ է անապատացումը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել անապատացման վերաբերյալ: Ի՞նչ է անապատացումը Անապատացումը հողի դեգրադացման գործընթաց է, որը տեղի է ունենում հիմնականում կլիմայի փոփոխության և մարդու ոչ կայուն գործունեության հետևանքով։ Այն արտահայտվում է հողի բերրիության կորստով, բուսածածկի նոսրացմամբ և կենսաբազմազանության նվազմամբ։ Անապատացումը վտանգում է մարդկանց սննդային անվտանգությունը, գյուղատնտեսական արտադրողականությունը, ջրային ռեսուրսների հասանելիությունը: Անապատացումը նպաստում […] ...
21:32 17.06.2025
Reuters. ԱՄՆ-ն ավելի շատ կործանիչներ է տեղակայում Մերձավոր ԱրևելքումՊենտագոնը լրացուցիչ կործանիչներ է տեղակայում Մերձավոր Արևելքում՝ Իսրայելի և Իրանի միջև փոխադարձ հարվածների պատճառով։ Այս մասին հայտնել է Reuters-ը։ Լրատվամիջոցը, ամերիկացի պաշտոնյաների շրջանում իր աղբյուրների համաձայն, նշվում է, որ սա վերաբերում է, մասնավորապես, F-16, F-22 և F-35 ինքնաթիռներին։ Հաղորդվում է, որ տեղակայումն իրականացվում է պաշտպանական նպատակներով։ Իսրայելի վարչապետ Բենիամին Նեթանյահուն հունիսի 15-ին Fox News-ին տված […] ...
