15:05 13.12.2024
ՆԳ նախարար Արփինե Սարգսյանը հանդիպում է ունեցել ՆԳ նախարարության և ենթակա ծառայությունների ղեկավար կազմի հետ։ Նա անձնակազմին է ներկայացրել նորանշանակ և վերանշանակված տեղակալներին:
Անդրադառնալով կադրային քաղաքականությանը՝ ՆԳ նախարարը կադրերի առաջխաղացման մեթոդաբանության տեսանկյունից կարևորել է կատարողական կարգապահության, ծառայության գրագետ կազմակերպման, պատասխանատվության, կարողությունների շարունակական զարգացման հատկանիշները:
Նախարարը նշել է, որ հատկապես հովանավորչության և կոռուպցիոն դրսևորումների նկատմամբ լինելու է անհանդուրժող. նման երևույթների հանդեպ արձագանքը, առանց բացառության, լինելու է կոշտ, օրենքի ողջ խստությամբ:
Արփինե Սարգսյանը վստահեցրել է, որ կադրային փոփոխությունների նոր մեթոդաբանության շրջանակում յուրաքանչյուր ծառայող գնահատվելու է բացառապես կատարած աշխատանքի արդյունքներով, բարեվարքությամբ, հանրության հետ շփումներում գրագետ ու պատասխանատու գործելաոճով։ Նա հավելել է, որ նոր մոտեցումը նպատակ ունի ստեղծել թափանցիկ միջավայր, որտեղ կարևորվում են մասնագիտական հմտությունները, անաչառությունը և հանրությանը ծառայելու բարձր պատասխանատվությունը:
Խոսելով համակարգի արդյունավետության և հանրային անվտանգության որակի բարձրացման մասին՝ Արփինե Սարգսյանն անդրադարձել է քաղաքացիակենտրոն ծառայությունների մատուցման, աշխատանքի գնահատման նոր մեխանիզմների արդյունավետությանը և ակնկալվող արդյունքներին։
ՆԳ նախարարի տեղակալները, շնորհակալություն հայտնելով վստահության համար, նշել են, որ պատրաստ են իրենց փորձն ու կարողությունները ծառայեցնել ՆԳ նախարարության բարեփոխումների շրջանակում առաջադրված խնդիրների կատարմանը:
Ընդգծելով հենասյունային ուղղություններով գրանցված ձեռքբերումները՝ ՆԳ նախարարը նշել է բացթողումների, կարճաժամկետ և երկարաժամկետ լուծումներ նախանշելու, առկա խնդիրները համատեղ վերհանելու, գույքագրելու և հասցեագրելու մասին։
12:08 17.06.2025
Իրանը հայտարարել է Իսրայելի ռազմավարական դիրքերի ոչնչացման մասինԻրանի բանակը հայտարարել է Իսրայելի ռազմավարական դիրքերի ոչնչացման մասին Թել Ավիվում և Հայֆայում, հայտարարել է Իրանի բանակի ցամաքային զորքերի հրամանատար Կիյումարս Հեյդարին։ «Անցած օրվա ընթացքում տարբեր տեսակի ճշգրիտ և ավերիչ անօդաչու թռչող սարքերը ոչնչացրել են Իսրայելի ռազմավարական դիրքերը Թել Ավիվում և Հայֆայում», – նրա խոսքերն է մեջբերում Իրանի պետական հեռարձակող IRIB-ը։ ...
11:54 17.06.2025
Տարիքը կարևոր չէ. կարևորը խաղային որակն է․ Կիվուն՝ Մխիթարյանի մասինՌումինացի մասնագետ Քրիստիան Կիվուն «Ինտերի» գլխավոր մարզչի պաշտոնում նշանակվելուց հետո՝ իր առաջին ասուլիսին, անդրադարձել է միլանյան թիմի 36-ամյա հայ կիսապաշտպան Հենրիխ Մխիթարյանին, հաղորդում է Inter Xtra-ն: «Տարիքը կարևոր չէ. կարևորը խաղային որակն է։ Տարիքը պարզապես թիվ է, մոտիվացիան կարևոր է։ Հենրիխը ամեն ինչ անում է իր խաղով և վերաբերմունքով։ Նա միշտ ունի էներգիա և մոտիվացիա»,- […] ...
11:47 17.06.2025
ՊԵԿ-ը բացահայտել է առևտրի ոլորտում իրացման շրջանառության 1,5 մլրդ դրամի թերհայտարարագրման դեպքՀՀ ՊԵԿ հետաքննության և օպերատիվ հետախուզության վարչությունը տնտեսական հանցագործությունների դեմ պայքարի շրջանակում օրերս բացահայտել է շուրջ 1.5 միլիարդ դրամի ստվերային շրջանառություն։ Կոմիտեի հետաքննության և օպերատիվ-հետախուզության վարչության տարածքային թիվ 14-րդ բաժին օպերատիվ տվյալներ էին ստացվել այն մասին, որ Երևան քաղաքի Դավթաշեն վարչական շրջանում գործող` պարենային և ոչ պարենային ապրանքների առևտրով զբաղվող ընկերությունը վաճառված ապրանքների դիմաց վերցնում […] ...
11:42 17.06.2025
Քննարկվել է «Հայֆիլմի»-ի վերագործարկման հնարավորությունըՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է «Հայֆիլմ» կինոստուդիա, ծանոթացել պայմաններին, առկա խնդիրներին, զրուցել աշխատակիցների հետ: ԿԳՄՍ նախարարի տեղակալ Դանիել Դանիելյանի և Հայաստանի կինոյի հիմնադրամի տնօրեն Դավիթ Բանուչյանի ուղեկցությամբ նախարար Ժաննա Անդրեասյանը շրջել է «Հայֆիլմ» կինոստուդիայի տարածքում՝ առանձնակի ուշադրություն դարձնելով կինոժառանգության արխիվին: Նախարարի դիտարկմամբ՝ կինոժառանգության պահպանման գործընթացն անհրաժեշտ է իրականացնել պետության […] ...
11:33 17.06.2025
Նոյեմբերյան համայնքի Կողբ բնակավայրում գործարկվելու է էլեկտրական շչակՀունիսի 18-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Կողբ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ։ Փրկարար ծառայությունից խնդրում են չանհանգստանալ։ ...
