12:14 10.04.2025
ՀՀ կրթության, գիտության, մշակույթի և սպորտի նախարարությունում մարզական ֆեդերացիաների և շահագրգիռ կազմակերպությունների ներկայացուցիչների մասնակցությամբ տեղի է ունեցել սպորտի ոլորտի 2026-2028 թթ. միջնաժամկետ ծախսային ծրագրերի հայտի նախագծի քննարկումը, որը վարել է ԿԳՄՍ նախարարի տեղակալ Հասմիկ Ավագյանը:
Ողջունելով ներկաներին՝ ԿԳՄՍ նախարարի տեղակալը շնորհակալություն է հայտնել ներկայության համար և պատրաստակամություն հայտնել ներդնելու ջանքեր՝ համատեղ աշխատանքով նպաստելու ոլորտի զարգացմանը:
Ներկայացնելով սպորտի ոլորտի 2026-2028 թթ. ՄԺԾԾ հայտի հիմնական ուղղությունները՝ ԿԳՄՍՆ սպորտի քաղաքականության վարչության պետ Նարինե Շահբազյանը նշել է, որ պլանավորված բոլոր աշխատանքները պայմանավորված են ՀՀ ֆիզիկական կուլտուրայի և սպորտի ոլորտների 2024-2030 թվականների ռազմավարությամբ և բխում են ՀՀ կառավարության 2021-2026 թթ. ծրագրից ու Հայաստանի վերափոխման մինչև 2050 թվականի ռազմավարությունից:
Սպորտի ոլորտում պետական քաղաքականությունն ուղղված է առողջ ապրելակերպի խթանմանը՝ զանգվածային սպորտային միջոցառումներ կազմակերպելու և դրանցում բնակչության տարիքային և սոցիալական տարբեր խմբեր ներգրավելու միջոցով: Ըստ այդմ՝ կշարունակվի մանկապատանեկան սպորտի զարգացմանը միտված քաղաքականությունը՝ տարբեր ծրագրերի իրականացմամբ և սպորտային ենթակառուցվածքների ստեղծմամբ: Մյուս կարևոր ուղղությունը սպորտի ոլորտում պետության միջազգային հեղինակության բարձրացումն է՝ միջազգային և տեղական մրցումներին հայ մարզիկների մասնակցության, բարձր նվաճումների խրախուսման, ֆեդերացիաների գործունեությանն աջակցելու և ՀՀ-ում միջազգային մարզական մրցաշարեր կազմակերպելու միջոցով:
ԿԳՄՍՆ սպորտի քաղաքականության վարչության պետի խոսքով՝ 2026 թվականից սկսած՝ ֆինանսավորման ծավալները կվերանայվեն. միջնաժամկետ ծախսային ծրագրերի հայտի նախագծով արդեն իսկ որոշակի ավելացումներ նախատեսվել են՝ ի լրումն վերջին տարիներին սպորտի ոլորտում արդեն իսկ կատարված բյուջետային հատկացումների բարելավման:
Ըստ Նարինե Շահբազյանի՝ ՀՀ տարածքում անցկացվող ուսումնամարզական հավաքների ժամանակ Հայաստանի հավաքականի անդամի համար նախատեսվող մեկ օրվա կեցության գումարն ավելացվել է. այն կկազմի 16300 դրամ՝ նախկին 9800 դրամի փոխարեն: Այս նպատակով ավելացվել է նաև մարզական ֆեդերացիաների ֆինանսավորումը: Միջոցներն ուղղվելու են նաև միջազգային մրցաշարերի անցկացմանը, ենթակառուցվածքների զարգացմանը, վիտամինիզացիայի և չարգելված սպորտային հավելյալ սննդով, դեղորայքներով ապահովմանը, հոգեբանական, բժշկական աջակցությանը, հակադոպինգային ծրագրերի իրականացմանը: Ավելացել են նաև նոր ծրագրեր, որոնք իրականացվելու են ֆեդերացիաների հետ համատեղ և ուղղվելու են մարզաձևերի զարգացմանը: Առանձին ֆինանսավորում է նախատեսված հաշմանդամային սպորտի, ինչպես նաև ուսանողական սպորտի զարգացման համար:
Հանդիպման ընթացքում ներկաներն ուղղել են իրենց հուզող հարցերը, որոնք վերաբերել են հիմնականում ֆեդերացիաների ֆինանսավորմանը, մարզիկների՝ սպորտային նպաստի տրամադրմանը, ուսումնամարզական հավաքների անցկացմանն ու միջազգային մրցաշարերի մասնակցության ապահովմանը, ոլորտային այլ խնդիրների:
ԿԳՄՍ նախարարի տեղակալ Հասմիկ Ավագյանը հավաստիացրել է՝ ֆեդերացիաների ներկայացուցիչների կողմից բարձրացված հարցերն ու առաջարկները հաշվի կառնվեն:
16:52 03.05.2025
ՆԳՆ ստորաբաժանումները մասնակցել են համապետական շաբաթօրյակինՄայիսի 3-ին ՀՀ ներքին գործերի նախարարության ու ենթակա ծառայությունների՝ Ոստիկանության, Փրկարար ծառայության ու Միգրացիայի և քաղաքացիության ծառայության աշխատակիցները միացել են համապետական շաբաթօրյակին։ Նրանք Երևանում ու մարզերում իրականացրել են մաքրման, արձանների և հուշարձանների լվացման աշխատանքներ: Խնամվել և բարեկարգվել են կանաչապատ տարածքները։ ՆԳ նախարարությունը կարևորում է նման նախաձեռնությունները, որոնք նպաստում են մաքուր և առողջ միջավայրի ապահովմանը։ ...
16:42 03.05.2025
Վարչապետ Նիկոլ Փաշինյանն այցելել է Ախթալա, Քարկոփ և Բերդավան բնակավայրերՎարչապետ Նիկոլ Փաշինյանը Լոռու մարզ այցի երկրորդ օրը եղել է Ախթալայում՝ ծանոթացել կամրջի վերականգնման ուղղությամբ իրականացված աշխատանքներին: Նախորդ տարի տեղի ունեցած հեղեղումների հետևանքով ավտոմոբիլային նշանակության կամրջի առանձին էլեմենտները մասնակի կամ ամբողջական քայքայված են եղել և պիտանի չի եղել շահագործման: Փոխարենը կառուցվել է Մ-6-ն Ախթալայի հետ կապող պողպատե ֆերմաներով ժամանակավոր նոր 2-րդ կամուրը։ Ժամանակավոր կամրջի կառուցման […] ...
16:34 03.05.2025
Մարսելն աջակցում է հայ ժողովրդին և խաղաղությանը. քաղաքապետ Բենուա Պայանն այցելել է ՀայաստանՄարսելի քաղաքապետ Բենուա Պայանը պաշտոնական այցով ժամանել է Հայաստան: «Արմենպրես»-ի փոխանցմամբ՝ Պայանը «Ֆեյսբուք»-ի իր էջում այցից տեսանյութ է հրապարակել: «Մեծ հուզմունք էր տիրում Հայաստանի և Ադրբեջանի սահմանին, Խաչիկի առողջապահական կենտրոնում և Պարույր Սևակի՝ արցախցի փախստականների ընդունման կենտրոնում։ Մարսելը աջակցում է հայ ժողովրդին և խաղաղությանը»,-նշել է Պայանը: ...
16:30 03.05.2025
Նորաշեն արգելոցում և հարակից տարածքներում իրականացվել են մաքրման լայնածավալ աշխատանքներ. ՇՄՆՀամապետական շաբաթօրյակի շրջանակում «Սևան» ազգային պարկ» ՊՈԱԿ-ի և Շրջակա միջավայրի նախարարության էկոպարեկային ծառայության Գեղարքունիքի և Կոտայքի մարզային վարչության Սևանի տեղամասի աշխատակիցները համատեղ կերպով իրականացրել են մաքրման լայնածավալ աշխատանքներ Նորաշեն արգելոցում և հարակից տարածքներում։ Ինչպես տեղեկացնում են Շրջակա միջավայրի նախարարությունից, մաքրվել է շուրջ 36 հեկտար տարածք, որտեղից հավաքվել են կենցաղային թափոններ, ինչպես նաև իրականացվել է բնության […] ...
16:25 03.05.2025
Հայոց ցեղասպանության 110-րդ տարելիցի կապակցությամբ Ֆրանսիայում ոգեկոչման արարողություններ են տեղի ունեցելՀայոց ցեղասպանության 110-րդ տարելիցի կապակցությամբ Ֆրանսիայում շարունակվող միջոցառումների շրջանակներում ոգեկոչման արարողություններ են տեղի ունեցել Փարիզի 16-րդ շրջանում, Անիեր-սյուռ-Սեն, Բանյո և Կուրբվուա քաղաքներում։ Այս մասին տեղեկացնում են Ֆրանսիայում ՀՀ դեսպանությունից: Ապրիլի 28-ին Փարիզի 16-րդ շրջանի քաղաքապետարանում տեղի է ունեցել Հայոց ցեղասպանության 110-րդ տարելիցին նվիրված միջոցառում՝ քաղաքապետարանի և ֆրանս-հայկական G2IA ասոցիացիայի նախաձեռնությամբ։ Միջոցառման ընթացքում ելույթներով են հանդես […] ...
16:17 03.05.2025
Այցելեցի Բերդավան բնակավայրի Ղալինջաքար ամրոց. վարչապետՎարչապետ Նիկոլ Փաշինյանը եղել է Բերդավան բնակավայրի Ղալինջաքար ամրոցում: «Այցելեցի Բերդավան բնակավայրի Ղալինջաքար ամրոց»,-ֆեյսբուքյան իր էջում գրել է վարչապետը և տեսանյութ հրապարակել: ...
