Եվրոպայի կլիմայի վիճակի 2024 թվականի զեկույցը մտահոգիչ է․ ռեկորդային տաքություն, ջրհեղեղներ ու հալվող սառցադաշտեր – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
30 04 2025
  • $
    389.45
  • RUBLE
    4.78
  • 443.12
WEATHER
+10.09 oC

Եվրոպայի կլիմայի վիճակի 2024 թվականի զեկույցը մտահոգիչ է․ ռեկորդային տաքություն, ջրհեղեղներ ու հալվող սառցադաշտեր

11:56 23.04.2025

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում
2024 թվականը դարձավ բեկումնային կլիմայական տարի Եվրոպայի համար։ Կոպեռնիկոս Կլիմայի Փոփոխության Ծառայության և Համաշխարհային Օդերևութաբանական Կազմակերպության համատեղ հրապարակած «Եվրոպայի Կլիմայի Վիճակ 2024» զեկույցի համաձայն՝ անցած տարին ճանաչվել է ամենատաքը դիտարկումների ողջ պատմության մեջ՝ ընդգծելով կլիմայի փոփոխության ահագնացող հետևանքները։ Այս մասին  հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։
Վերջին տասնամյակներում Եվրոպան տաքանում է գրեթե երկու անգամ ավելի արագ Երկրագնդի համեմատ։ Եթե աշխարհում օդի միջին ջերմաստիճանի աճը կազմում է +1.3 °C նախարդյունաբերական մակարդակի համեմատ, ապա Եվրոպայում այն արդեն հասել է +2.4 °C-ի, իսկ Արկտիկայում՝ +3.3 °C-ի։
2024 թվականին գրանցվել է ռեկորդային թվով ջերմային ալիքներ, երբ ջերմաստիճանը չի իջել 20 °C-ից։ Հարավարևելյան Եվրոպայում արձանագրվել է պատմության մեջ ամենաերկար ջերմային ալիքը, որը տևել է մինչև 43 օր։ Ըստ կանխատեսումների՝ 1.5 °C գլոբալ տաքացման դեպքում Եվրոպայում տարեկան կարող է գրանցվել մինչև 30 000 մահ՝ ջերմային ալիքների հետևանքով։
2024 թվականը նաև աղետալի էր ջրհեղեղների առումով։ Արևմտյան Եվրոպան ունեցավ վերջին տասնամյակների ամենախոնավ տարիներից մեկը։ Սեպտեմբերին «Բորիս» փոթորիկի հետևանքով՝ 8 երկրում արձանագրվեց ջրհեղեղ, իսկ գետերի շուրջ 8500 կմ հատվածում հոսքերը կրկնեցին տարեկան առավելագույն ցուցանիշները։ Հոկտեմբերին Վալենսիայում մեկ օրվա ընթացքում տեղաց 771.8 մմ անձրև։ Ընդհանուր առմամբ՝ ջրհեղեղների հետևանքով մահացել է 335 մարդ, տուժել է ավելի քան 413 000 մարդ, իսկ ընդհանուր տնտեսական կորուստները գնահատվում են 18.2 միլիարդ եվրո։
2024 թվականը ռեկորդային էր նաև սառցադաշտերի հալման առումով։ Սկանդինավիայի և Սվալբարդի սառցադաշտերն ունեցան իրենց պատմության մեջ ամենամեծ տարեկան հալքը՝ դառնալով աշխարհի ամենախոցելի սառցադաշտային շրջանները։ Միջերկրական ծովի և Եվրոպական լճերի ջերմաստիճանները հասել են ռեկորդային բարձր ցուցանիշների։
Կլիմայի փոփոխության պայմաններում եվրոպական քաղաքները սկսել են ակտիվ հարմարվողականության ծրագրեր իրականացնել։ Օրինակ՝ Փարիզում տնկվում են ծառեր և ընդլայնվում են կանաչ տարածքները՝ հովացման համար, Գլազգոյում ներդրվում են վաղ նախազգուշացման համակարգեր և համայնքային ջրհեղեղներին դիմակայելու համակարգեր, Միլանում իրականացվում է կանաչ ենթակառուցվածքների ընդլայնում և կլիմայական ապաստարանների ստեղծում։
«Եվրոպայի Կլիմայի Վիճակ 2024» զեկույցը հստակ ազդակ է՝ կլիմայական ճգնաժամը արդեն իրականություն է։ Եվրոպան, որպես աշխարհի ամենաարագ տաքացող աշխարհամաս, կանգնած է ոչ միայն կլիմայի փոփոխության հարմարվողականության առջև, այլև համապարփակ կլիմայական քաղաքականության մշակման հրամայականի առաջ։
Բոլոր լուրերը

Կապակցված լուրեր

PFAS պոլիմերների ազդեցությունը առողջության և շրջակա միջավայրի վրա

00:00 30.04.2025

PFAS պոլիմերների ազդեցությունը առողջության և շրջակա միջավայրի վրա

Եվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...

Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունում

23:58 29.04.2025

Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունում

Կաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...

Հաջողության պատմություն՝ Նոր Կյանքից

23:57 29.04.2025

Հաջողության պատմություն՝ Նոր Կյանքից

Աշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...

Ամենայն Հայոց Կաթողիկոսը հյուրընկալեց Վրաստանի նախագահին

23:56 29.04.2025

Ամենայն Հայոց Կաթողիկոսը հյուրընկալեց Վրաստանի նախագահին

Ապրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...

Երևանում անցկացվել է պարին նվիրված ֆլեշմոբ

23:53 29.04.2025

Երևանում անցկացվել է պարին նվիրված ֆլեշմոբ

Պարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...

Հայտնաբերվել է որպես անհետ կորած որոնվող 50-ամյա տղամարդու դին

23:49 29.04.2025

Հայտնաբերվել է որպես անհետ կորած որոնվող 50-ամյա տղամարդու դին

Ապրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...

BACK_TO_TOP