18:55 11.10.2018
Թուրքիայի նախագահ Ռեջեփ Թայիփ Էրդողանը Սաուդյան Արաբիային կոչ է արել լուսանկարներ հրապարակել, որոնք կապացուցեն, որ թագավորության հյուպատոսարանից անհետացած լրագրող Ջամալ Խաշըքջին դուրս է եկել հյուպատոսարանի շենքից:
BBC-ի փոխանցմամբ՝ Էրդողանը նաև նշել է, որ Թուրքիան հետաքննում է միջադեպի բոլոր ասպեկտները:
«Այս միջադեպը տեղի է ունեցել մեր երկրում, և մենք չենք կարող լուռ մնալ»,- ասել է Էրդողանը:
Թուրքական լրատվամիջոցները հրապարակել են նաև անվտանգության տեսախցիկների նկարահանած այն պահը, ինչպես է ժամը 13:14 Ջամալ Խաշըքջին մտնում հյուպատոսարան: Դրանից մեկ ժամ առաջ շենքի բակ էին մտել մի քանի դիվանագիտական մեքենաներ: Հաղորդվում է, որ մեքենաներում էին գտնվում սաուդցի պաշտոնյաներ և հետախուզության սպաներ: Ժամը 15:00-ից հետո մեքենաները դուրս են գալիս հյուպատոսարանի բակից և գնում հյուպատոսի՝ 200 մ հեռավորության վրա գտնվող առանձնատուն:
Մի խումբ տղամարդիկ Թուրքիա էին ժամանել Ստամբուլի օդանավակայանով, իսկ ավելի ուշ հեռացել էին երկրից:
Լրագրողի անհետացման միջադեպին ավելի վաղ անդրադարձել էր նաև ԱՄՆ նախագահ Դոնալդ Թրամփը: Նա լրագրողներին ասել էր, որ խոսել է Սաուդյան Արաբիայի իշխանությունների հետ: Թրամփի խոսքերով՝ չի կարելի թույլ տալ, որ նման բան տեղի ունենա լրագրողների կամ որևէ մեկի հետ: Սպիտակ տունը հայտնել է, որ ԱՄՆ պետքարտուղար Մայք Պոմպեոն և երկրի բարձրաստիճան պաշտոնյաները խոսել են սաուդյան թագաժառանք Մուհամմեդ բին Սալմանի հետ և խնդրել մանրամասներ տրամադրել իրավիճակի վերաբերյալ:
Հիշեցնենք, որ հոկտեմբերի 2-ին սաուդցի ընդդիմադիր լրագրողը մտել էր Ստամբուլում Սաուդյան Արաբիայի հյուպատոսարան ամուսնության համար փաստաթղթեր վերցնելու նպատակով: Սաուդյան իշխանությունները պնդում են, որ լրագրողը կարճ ժամանակ անց դուրս է եկել:
59-ամյա լրագրողը Սաուդյան Արաբիայի հետախուզության նախկին ղեկավարի, թագավորությունում ԱՄՆ-ի և Բրիտանիայի դեսպանների խորհրդատուն էր: Նա Սաուդյան Արաբիայում աշխատել է որպես օրաթերթի խմբագիր, հեռուստաընկերություն է ղեկավարել: 2017թ. հունիսին նա հեռացել է Սաուդյան Արաբիայից, քանի որ քննադատում էր երկրի կառավարությանը և վախենում իր կյանքի համար:
Վերջին տարվա ընթացքում Ջամալ Խաշըքջին սյունակներ էր գրում տարբեր թերթերի, այդ թվում՝ Washington Post-ի համար՝ քննադատելով Սաուդյան Արաբիայի արտաքին քաղաքականությունը, Եմենում պատերազմը, ինչպես նաև թագավորության ներսում գահաժառանգ արքայազն Մուհամմեդ բին Սալմանի կողմից բարձրաստիճան պաշտոնյաների ձերբակալությունը:
15:52 08.07.2025
Վարչապետն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներինՎարչապետ Նիկոլ Փաշինյանն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին՝ բանկի նախագահ Սերհաթ Կոկսալի գլխավորությամբ: Անդրադարձ է կատարվել Սևծովյան առևտրի և զարգացման բանկի կողմից Հայաստանում իրականացվող ծրագրերին և ապագա նախաձեռնություններին: Վարչապետը կարևորել է տարբեր ոլորտներում գործունեություն ծավալող մասնավոր հատվածի ֆինանսավորումն ու բիզնես նախագծերին աջակցությունը: Սերհաթ Կոկսալը շնորհակալություն է հայտնել Սևծովյան […] ...
15:44 08.07.2025
2 օրում բացահայտվել է ավազակության դեպքը. քրեական վարույթի նախաքննությունն ավարտվել էՀՀ քննչական կոմիտեի Լոռու մարզային քննչական վարչությունում 2025 թվականի հունիսի 30-ին ավարտվել է հունիսի 12-ին նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ հունիսի 12-ին Վանաձոր ուղևորվող 2 անձինք դանակի միջոցով բռնություն են գործադրել ճանապարհից իրենց միացած օտարազգի քաղաքացու նկատմամբ՝ վերջինիս պատճառելով մարմնական վնասվածքներ: Արդյունքում, քաղաքացիներին […] ...
15:36 08.07.2025
Պաղպաղակի կասեցված արտադրամասը կվերսկսի գործունեությունըՍննդամթերքի անվտանգության տեսչական մարմնի ղեկավարի որոշմամբ՝ վերացվել է անհատ ձեռնարկատեր Էդուարդ Կարապետյանին պատկանող պաղպաղակի արտադրամասի արտադրական գործունեության կասեցումը (Արագածոտնի մարզ, ք. Ապարան): Որոշման հիմքը լաբորատոր կրկնակի փորձաքննության արդյունքներն են, համաձայն որոնց՝ այս տնտեսավարողի կողմից արտադրվող պաղպաղակի երկու արտադրատեսակներում՝ «Փափուկ պաղպաղակի հումք վանիլային» և «Փափուկ պաղպաղակի հումք շոկոլադային», նախկինում հայտնաբերված անհամապատասխանությունները վերացվել են: ...
15:28 08.07.2025
Իրանը հերքում է Թրամփի պնդումը, որ Թեհրանը հանդիպում է խնդրել Վաշինգտոնի հետԻրանի արտաքին գործերի նախարարության խոսնակ Էսմայիլ Բաղային հերքել է ԱՄՆ նախագահ Դոնալդ Թրամփի պնդումները, թե Թեհրանը հանդիպում է խնդրել ամերիկացի բանակցողների հետ: «Մենք ամերիկյան կողմի հետ հանդիպման որևէ խնդրանք չենք ստացել», – նրա խոսքերն է մեջբերում Իրանի պետական հեռուստառադիոընկերությունը։ Թրամփն ավելի վաղ հայտարարել էր, որ Իրանը «հանդիպում է խնդրել»: ԱՄՆ նախագահի դեսպան Սթիվեն Ուիթքոֆի խոսքով՝ […] ...
15:20 08.07.2025
Տրվել է Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկըՎարչապետ Նիկոլ Փաշինյանն այցելել է Կոտայքի մարզի Հրազդան համայնք, որտեղ տրվել է Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկը: 14,8 մլն եվրո արժողությամբ ծրագիրն իրականացվել է ՀՀ Կառավարության և Վերակառուցման և զարգացման եվրոպական բանկի համագործակցությամբ: Ծրագրի շրջանակում իրականացվել են Հրազդան համայնքում նոր սանիտարական աղբավայրի և Մարտունի ու Ակունք բնակավայրերում աղբի փոխաբեռնման կայանների […] ...
15:13 08.07.2025
Ռուսաստանի դեմ ԱՄՆ պատժամիջոցները անօրինական են և վնասում են երկու երկրներին․ ՊեսկովՌուսաստանի դեմ ամերիկյան պատժամիջոցները անօրինական են և վնասում են երկու երկրների բիզնեսը, ճեպազրույցի ժամանակ ընդգծել է Ռուսաստանի նախագահի մամուլի քարտուղար Դմիտրի Պեսկովը։ «ԱՄՆ-ն ներկայումս մի շարք սահմանափակումներ է կիրառում։ Մենք կարծում ենք, որ այդ պատժամիջոցները անօրինական են և վնասում են ոչ միայն մեր ձեռնարկատերերին, այլև Միացյալ Նահանգների ձեռնարկատերերին», – ասաց նա։ ...
