15:29 01.05.2018
ԱԺ ՀՀԿ խմբակցության պատգամավոր Կորյուն Նահապետյանը վարչապետի թեկնածու Նիկոլ Փաշինյանին այսպիսի հարց ուղղեc.
«Հակառակորդի ճամբարում աշխուժություն է նկատվում: Վարչապետի թեկնածու ընտրվելու դեպքում դուք պատերազմի ժամանակ կլինեք նաև գերագույն հրամանատար: Ձեր կարողությամբ, պատրաստակամությամբ դուք պետք է որոշում կայացնեք պատերազմի ժամանակ: Առաջարկում եմ երկու իրավիճակ և ակնկալում եմ կոնկրետ պատասխաններ՝
1. Հայաստանին սպառնացող անմիջական վտանգ է առկա, և կառավարությունը հրահանգ ունի որոշում կայացնել զինված ուժերի կիրառման մասին:
2. Ինչպիսի՞ իրավական հիմնավորումներ եք տեսնում զինված ուժերի կողմից ռազմական դիմակայության պայմաններում առանձին զինված միավորումներ ստեղծելու հնարավորւթյան մասին։
Փաշինյանը պատասխանեց, թե հարցը զարմացնում է, որովհետև արդեն 2 ժամից ավելի է քննարկում են, որ պետության մեջ որոշումների կայացումը պետք է ինստւտուցիոնալ բնույթ կրի:
«Հիմա, ի գիտություն ձեզ, ես 9-րդ դասարանի ռազմագիտության քննություն չեմ հանձնում, և դուք էլ ռազմագիտության պաշտոնաթող ենթսպա չեք: Հայաստանում կան ինստիտուտներ, կա գլխավոր շտաբ, կա Պաշտպանության նախարարոյթուն: Վարչապետը, գերագույն գլխավոր հրամանատարը պատերազմի դեպքում որոշում կայացնում է համապատասխան ինստիտուտների կարծիքը լսելով: Ես կարող եմ ձեզնից ակնկալել տասնյակ հարակից հարցերի պատասխան, որպեսզի պատասխանեմ ձեր հարցին՝ սկսած նրանից, թե ինչպիսի եղանակ է ակնկալվում: Ասելով,որ պատրաստ եմ կատարել ՀՀ վարչապետի պաշտոնը, ես նկատի չունեմ, որ ես Հանրապետության ամենուժեղ էներգետիկն եմ, կամ տրասնպորտնիկը, հրետանավորը, հետախույզը, բժիշկը, օդաչուն, վարչապետի կարգավիճակը քաղաքական է առաջին հերթին: Ես ինձ մոտ կհրավիրեմ պաշտպանության նախարարության գլխավոր շտաբի, ազգային անվտանգության համապաստախան պաշտոնյաներին, լսելով նրանց զեկույցը՝ կկայացնեմ որոշում»,- ասաց Փաշինյանը:
Կորյուն Նահապետյանը արձագանքեց, թե Փաշինյանը չի տիրապետում ոչ Սահմանադրությանը, ոչ պաշտպանության մասին օրենքին:
«Քննություն եք հանձնում որպես վարչապետի թեկնածու, ոչ թե որպես ռազմագիտության քննություն հանձնող աշակերտ,»- ասաց Կորյուն Նահապետյանը:
«Ես գայթակղությանը չեմ տրվի և հարցեր չեմ տա Ձեզ երթևեկության կանոնների մասին: Դուք, իսկապես ցավում եմ, շարունակում եք աչքի ընկնել գերազանցիկի եռանդով և, եթե թվում է, որ դուք տպավորություն եք թողնում, չափազանց սխալվում եք»,- ասաց Փաշինյանը:
14:26 21.05.2025
Լավրովը պնդում է, թե ՌԴ-ն ու ՀԱՊԿ-ը անմիջապես արձագանքել են Հայաստանի դեմ Ադրբեջանի ռազմական ագրեսիային, Միրզոյանը հակադարձում էՌուսաստանի արտաքին գործերի նախարար Սերգեյ Լավրովը պնդում է, որ Ռուսաստանը և Հավաքական անվտանգության պայմանագրի կազմակերպությունը անմիջապես արձագանքել են 2022 թվականի սեպտեմբերին Ադրբեջանի կողմից Հայաստանի ինքնիշխան և միջազգայնորեն ճանաչված տարածքի վրա հարձակմանը, իսկ Հայաստանի արտաքին գործերի նախարար Արարատ Միրզոյանը հակադարձում է և շեշտում՝ սա այն հարցերից մեկն է, որի վերաբերյալ Հայաստանի և Ռուսաստանի մեկնաբանությունները տարբերվում են […] ...
14:17 21.05.2025
Չեմպիոնների լիգայի 2027թ. եզրափակիչը կկայանա ԻսպանիայումՉեմպիոնների լիգայի 2026-27 մրցաշրջանի եզրափակիչը կկայանա Իսպանիայում, տեղեկացնում Reuters-ը: Իսպանիայի սպորտի նախարար Պիլար Ագիլերան հայտարարել է, որ եզրափակիչը կկայանա Մադրիդի «Մետրոպոլիտանո» ստադիոնում: Ակումբի ներկայացրած հայտի համար պարտադիր են եղել երկրի կառավարության երաշխիքները նման խոշոր հանդիպում անցկացնելու վերաբերյալ, և Իսպանիան այդ երաշխիքներն արդեն ներկայացրել է: ՈՒԵՖԱ-ն պաշտոնական որոշումը կհայտնի սեպտեմբերին, սակայն գործնականում ամեն ինչ որոշված է: […] ...
14:06 21.05.2025
Մայիսի 22-ին կդադարեցվի Երևանի որոշ հասցեների գազամատակարարումըՊլանային աշխատանքներ իրականացնելու նպատակով՝ մայիսի 22-ին ժամը 09:00-ից մինչև ժամը 19:00-ն, կդադարեցվի Երևան քաղաքի Կենտրոն վարչական շրջանի Մ.Աբեղյան, Սայաթ-Նովայի, Չարենցի փողոցներով պարփակված թաղամասի գազասպառողների և հարակից տարբեր նշանակության հանրային կազմակերպությունների գազամատակարարումը։ ...
13:58 21.05.2025
Ժաննա Անդրեասյանն այցելել է Էստոնիայի հայկական կիրակնօրյա դպրոցՊաշտոնական այցով Տալլինում գտնվող ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Էստոնիայի հայկական կիրակնօրյա դպրոց, ծանոթացել դպրոցի գործունեությանը, հանդիպել ուսուցիչների և սովորողների հետ: Հանդիպման ընթացքում Ժաննա Անդրեասյանը ներկայացրել է սփյուռքի հայկական կրթօջախների համար ԿԳՄՍ նախարարության կողմից իրականացվող պետական ծրագրերը: Նա դպրոցի անձնակազմին հորդորել է մասնակցել սփյուռքի կրթամշակութային կառույցների համար ՀՀ կրթության, […] ...
13:50 21.05.2025
Ինձ դուր են գալիս այդպիսի ֆուտբոլիստները․ Սյոմինը՝ Թիկնիզյանի մասինՄոսկվայի «Լոկոմոտիվի» լեգենդար նախկին մարզիչ Յուրի Սյոմինը մեկնաբանել է թիմի պաշտպան Նաիր Թիկնիզյանի խոսքերը: Հայ ֆուտբոլիստը դժգոհություն էր հայտնել քիչ խաղաժամանակ ստանալու համար և թիմը փոխելու ցանկություն էր արտահայտել: «Ինձ դուր են գալիս այդպիսի ֆուտբոլիստները, որոնք դժգոհ են իրենց քիչ խաղաժամանակ տրամադրելու համար: Դա նշանակում է, որ նրանք անտարբեր չեն իրենց մասնագիտության ու ակումբի նկատմամբ: […] ...
13:42 21.05.2025
Հայաստանը չի պատրաստվում վերաֆորմատավորել Ռուսաստանի հետ դաշնակցային հարաբերությունները. Արարատ ՄիրզոյանՀայաստանը չի պատրաստվում վերաֆորմատավորել Ռուսաստանի հետ դաշնակցային հարաբերությունները։ «Արմենպրես»-ի փոխանցմամբ՝ Երևանում ՌԴ ԱԳ նախարար Սերգեյ Լավրովի հետ համատեղ ասուլիսի ժամանակ այս մասին հայտարարեց Հայաստանի արտաքին գործերի նախարար Արարատ Միրզոյանը։ Россия 24-ի լրագրողը ՀՀ ԱԳ նախարարին հիշեցրեց ԵՄ դեսպանների հետ հանդիպման ժամանակ նրա արած այն հայտարարությունը, որ անվտանգության՝ գոյություն ունեցող ճարտարապետությունն արդյունավետ չէ և հարցրեց՝ արդյոք […] ...
