15:34 24.10.2018
Վարչապետի թեկնածու Նիկոլ Փաշինյանը խորհրդարանում պատգամավորների հետ հարցուպատասխանի ժամանակ անդրադարձավ տնտեսական վիճակին:
«Հունիսին մենք, վերջին տարիների համեմատ, աննախադեպ տնտեսական ակտիվության ցուցանիշ ունեինք՝ 11%, և, բնականաբար, հետաքրքիր էր՝ այս ինչ է եղել, որ այսպես թռել է մեր տնտեսությունը, չենք կարողանում հետևից հասնել: Ի՞նչ պարզվեց: Պարզվեց, որ եղել է ֆուտբոլի աշխարհի առաջնություն, և մենք գնացել ենք, բուքմեյքերական գրասենյակներում խաղադրույքներ ենք դրել, արձանագրել ենք 11% տնտեսական աճ: Մենք ա՞յս ենք ուզում»,- հարց ուղղեց նա:
Փաշինյանը ևս մեկ օրինակ բերեց` Բնապահպանական տեսչությունը Ալավերդիում ստուգում է պղնձաձուլարանը և պարզում, որ արտանետումները 20 անգամ գերազանցում են նորման, և իրենք ասում են` ժողովո՛ւրդ ջան, չի լինի այսպես, եկեք աշխատենք, որովհետև աշխատատեղը կարևոր է:
«Մենք ուզում ենք, որ աշխատի այդ գործարանը, բայց մարդկանց վիճակագրություն կա՝ քաղցկեղ և այլն: Հո չե՞նք թունավորելու մարդկանց: Ո՞րն է ռեակցիան: Ոչ թե` այո, եկեք աշխատենք, այլ` դուրս գանք, փողոցը փակենք. մենք աշխատատեղ ենք ուզում, կանգնեցնում ենք գործարանը, փակում ենք»,- ասաց նա:
Ամուլսարի հարցին անդրադառնալով` Փաշինյանը հիշեցրեց. իրենք ասում են` պետք է փաստ և փաստարկ, որ այդտեղ Սևանի համար վտանգներ չկան, իրենց ասում են` չկան, հավատացեք մեր խոսքին, մեր փաստաթղթերին:
«Ի միջի այլոց, Քննչական կոմիտեում քրեական գործ է հարուցված շրջակա միջավայրի վրա ազդեցության գնահատականի համատեքստում փաստեր թաքցնելու վերաբերյալ: Հիմա լավ, հավատանք, հիշո՞ւմ եք` Թեղուտում ինչ էր տեղի ունենում: Որ մարդիկ ասում էին` մի՛ արեք դա: Հիմա ի՞նչ է կատարվում. Թեղուտը կանգնած է և պարզ չէ, թե ինչ կլինի: Այդքան անտառները ոչնչացրեցինք, հանքը բացեցինք, սկսեցինք աշխատել, հիմա խնդիր կա, չգիտենք՝ այդ խնդիրը ոնց ենք լուծելու: Նկատի ունեմ, որ ասում ենք տնտեսական անկում, այս տնտեսական համակարգը մեզ ոչ մի տեղ չի տանում»,- ասաց նա:
Փաշինյանն ընդգծեց` տնտեսական աճի վերաբերյալ պնդումները եղել են «ֆեյք», երկրի ընդերքը քանդել են, վաճառել, ասել են` արտահանում ենք:
«Ով ասես կարտահանի, չենք ուզում այդպես, ուզում ենք` կայուն տնտեսական աճի վրա լինի մեր երկիրը»,- նշեց Փաշինյանը:
00:30 15.06.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Այս մասին հայտնել են ՀՀ ՆԳՆ ՓԾ-ից: ...
00:18 15.06.2025
Իրանը հրթիռներ է արձակում Իսրայելի ուղղությամբԻրանի զինված ուժերը բալիստիկ հրթիռների նոր ալիք են արձակել Իսրայելի ուղղությամբ, հաղորդում է Mehr լրատվական գործակալությունը։ Ըստ գործակալության՝ արձակումն իրականացվել է Թեհրանից, Սպահանից, Ղոմից, Շիրազից և Քերմանշահից։ Մանրամասները՝ տեսանյութում: ...
00:13 15.06.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
23:59 14.06.2025
Աղբաորսիչ սարքավորումներում շաբաթական կտրվածքով կուտակվում և դուրս է բերվում 2-3 խ.մ աղբԵրևանով հոսող գետերի հուներում ամեն տարի կուտակվում է մեծ քանակությամբ աղբ: Այս մասին հայտնել են Երևանի քաղաքապետարանից: Կառուցված նոր աղբաորսիչ սարքերը կանխում են աղբի մուտքն ու կուտակումը Հրազդան գետում և Երևանյան լճում: Նոր սարքավորումներում շաբաթական կտրվածքով կուտակվում և դուրս է բերվում 2-3 խ.մ աղբ: Բնության նկատմամբ հոգատար վերաբերմունքը չպետք է լինի ընդամենը արձագանք առաջացած խնդիրներին։ […] ...
23:54 14.06.2025
Հայ հրաձիգների համեստ արդյունքներն աշխարհի գավաթի խաղարկությունումՀայաստանի ներկայացուցիչներ Էլմիրա Կարապետյանը և Բենիկ Խլղաթյանը Գերմանիայի Մյունխեն քաղաքում մասնակցել են հրաձգության աշխարհի գավաթի խաղարկության երկրորդ փուլին։ Կարապետյանը 10 մետր օդամղիչ ատրճանակ մրցաձևում 578 միավորով 9-րդ տեղն է զբաղեցրել։ 25 մետր ատրճանակ մրցաձևում էլ նա 553 միավորով 85-րդն է եղել։ Խլղաթյանը 10 մետր օդամղիչ ատրճանակի տղամարդկանց պայքարում հավաքել է 581 միավոր և զբաղեցրել է […] ...
23:49 14.06.2025
Էրդողանն ու Թրամփը հեռախոսով քննարկել են Իսրայել-Իրան հակամարտությունըԹուրքիայի նախագահ Ռեջեփ Թայիփ Էրդողանը ԱՄՆ նախագահ Դոնալդ Թրամփի հետ հեռախոսազրույցում քննարկել է Իսրայելի և Իրանի միջև հակամարտությունը և հայտարարել Անկարայի պատրաստակամության մասին՝ օգնելու կանխել տարածաշրջանում անվերահսկելի սրացումը։ «Հեռախոսազրույցի ընթացքում քննարկվել են Իսրայելի և Իրանի միջև հակամարտությունը, ինչպես նաև տարածաշրջանային և գլոբալ հարցեր։ Էրդողանը նշել է, որ Թուրքիան ուշադիր հետևում է Իրանի և Իսրայելի միջև […] ...
