13:28 28.11.2018
Երեկ՝ նոյեմբերի 27-ին, Շիրակի մարզի Արևիկ համայնքի միջնակարգ դպրոցի երկրորդ հարկի պատուհանից երկու աշակերտուհի է ընկել։ Նրանք նույն դպրոցի երկրորդ դասարանի աշակերտուհիներ են՝ 7-ամյա Մանե Նռանյանն ու Սյուզի Ավետիսյանը։ Այս մասին հայտնում է SHANTNEWS.am-ի թղթակիցը։
Աշակերտուհիները մարմնական տարբեր վնասվածքներով տեղափոխվել են Գյումրիի մոր և մանկան ավստրիական մանկական հիվանդանոց։ Նրանցից Սյուզի Ավետիսյանը առաջին բուժօգնություն ստանալուց հետո դուրս է գրվել, իսկ Մանե Նռանյանը ուսահոդի կոտրվածք է ստացել՝ վիրահատվել է ու դեռ բժիշկների հսկողության տակ է։
Դպրոցի տնօրեն Հակոբ Թորոյանը մեր թղթակցի հետ զրույցում պատմել է, թե ինչպես է տեղի ունեցել դեպքը: Աշակերտուհիները, ըստ տնօրենի, դասերի ավարտից հետո մնացել են դասասենյակում, կողպել են դուռը, որ ծաղիկները ջրեն, հետո, երբ չեն կարողացել բացել դուռը, պատուհանից են ցատկել։
«Երեխաներն իրենք են իրենց վրա փակել դուռը, մնացել են, որ ծաղիկները ջրեն, և որ կողմնակի անձինք իրենց չխանգարեն։ Հետո չեն կարողացել դուռը բացել»,- SHANTNEWS.am-ի թղթակցի հետ զրույցում ասել է դպրոցի տնօրենը:
Թե ինչպես է պատահել, որ երեխաները հայտնվել են փակ դասասենյակում, առանց ուսուցիչների իմացության, տնօրենը պարզաբանել է՝ ուսուցիչները չեն իմացել, որ դպրոցի երկրորդ հարկում աշակերտներ կան:
«Դասերից հետո է եղել դեպքը, ուսուցիչները կարծել են, որ երեխաները տուն են գնացել»,- ասել է Հակոբ Թորոյանը:
Ոստիկանությունից SHANTNEWS.am-ին տեղեկացրին, որ նոյեմբերի 27-ին՝ ժամը 19։15–ին, Գյումրիի մոր և մանկան ավստրիական մանկական հիվանդանոցից ոստիկանություն ահազանգ է ստացվել, որ կոտրվածքով հիվանդանոց բուժօգնության է դիմել Արևիկ գյուղի մի երեխա (2011թ.):
Գործով նախապատրաստվում են նյութեր:
15:37 16.05.2025
Reuters. Ռուբիոն Ստամբուլում հանդիպել է բրիտանացի և ֆրանսիացի պաշտոնյաների հետԱՄՆ պետքարտուղար Մարկո Ռուբիոն ուկրաինական պատվիրակության հետ հանդիպումից հետո հանդիպում է անցկացրել Մեծ Բրիտանիայի, Ֆրանսիայի և Գերմանիայի ազգային անվտանգության խորհրդականների հետ՝ քննարկելու Ուկրաինայի և Իրանի հարցերը, հաղորդում է Reuters-ը՝ հղում անելով ականատեսին։ ԱՄՆ-ի, Ուկրաինայի և Թուրքիայի միջև առաջին հանդիպումը տեղի է ունեցել ուրբաթ օրը Ստամբուլում։ Այժմ ընթանում է Ռուսաստանի, Ուկրաինայի եւ Թուրքիայի ներկայացուցիչների հանդիպումը: «ԱՄՆ […] ...
15:32 16.05.2025
Անհրաժեշտ է հանդիպել Պուտինի հետ՝ Ուկրաինայում հակամարտությունը լուծելու համար․ ԹրամփԱՄՆ նախագահ Դոնալդ Թրամփը հայտարարել է, որ Ուկրաինայի հակամարտության կարգավորման համար անհրաժեշտ է հանդիպում Ռուսաստանի նախագահ Վլադիմիր Պուտինի հետ։ «Մենք պետք է հանդիպենք։ Նա և ես կհանդիպենք։ Կարծում եմ՝ մենք կկարողանանք լուծել հակամարտությունը։ Գուցե և՝ ոչ։ Ամեն դեպքում, մենք կիմանանք դա», – ասել է պետության ղեկավարը լրագրողներին՝ նախագահական ինքնաթիռում՝ Արաբական Միացյալ Էմիրություններից դեպի Միացյալ Նահանգներ […] ...
15:27 16.05.2025
Մրցույթ՝ գիտական կենտրոնները ժամանակակից սարքավորումներով վերազինելու նպատակովԿԳՄՍՆ բարձրագույն կրթության և գիտության կոմիտեն հայտարարում է գիտական կենտրոնները ժամանակակից սարքավորումներով վերազինելու նպատակով գիտական սարքերի/սարքավորումների գնման հայտերի ընտրության մրցույթ։ Մրցույթին հայտ կարող են ներկայացնել ՀՀ պետական բյուջեից գիտական և գիտատեխնիկական գործունեության բազային ֆինանսավորման ծրագիր իրականացնող գիտական պետական կազմակերպությունները և բարձրագույն ուսումնական հաստատությունները՝ կոմիտեի orgs.hesc.am համակարգով։ Հայտը պետք է ներկայացնի այն կազմակերպությունը, որտեղ գիտական սարքը/սարքավորումը տեղակայվելու է։ Մրցույթի շրջանակում գնման գործընթացը կազմակերպելու է Բարձրագույն կրթության և գիտության կոմիտեն՝ «Գնումների […] ...
15:22 16.05.2025
«Ռեալը» շնորհավորել է «Բարսելոնային»Մադրիդի «Ռեալը» շնորհավորել է կատալոնական «Բարսելոնային» Իսպանիայի առաջնության չեմպիոնական տիտղոսը նվաճելու կապակցությամբ: Լա լիգայի 36-րդ տուրի արտագնա խաղում «Էսպանյոլին» հաղթելով՝ «Բարսելոնան» ապահովել է 2024/25 մրցաշրջանում երկրի չեմպիոնի տիտղոսը: «Բարսելոնան» Լա լիգայի 2024/25 մրցաշրջանի ավարտից երկու տուր առաջ անհասանելի է դարձել մոտակա հետապնդող «Ռեալի» համար: Կատալոնական ակումբը երկրի չեմպիոն է հռչակվել պատմության մեջ 28-րդ անգամ: ...
15:19 16.05.2025
Ընթանում են Ռուսաստանի և Ուկրաինայի միջև բանակցություններըՌուսաստանի և Ուկրաինայի միջև Ստամբուլում բանակցությունները տեղի են ունենում փակ դռների հետևում, հայտնում է ՌԻԱ Նովոստիի թղթակիցը։ Բանակցությունների մեկնարկից առաջ պատվիրակություններին ողջունել է Թուրքիայի արտաքին գործերի նախարար Հաքան Ֆիդանը։ Ռուսաստանի և Ուկրաինայի միջև երեք տարվա ընթացքում առաջին ուղիղ բանակցությունները տեղի են ունենում Ստամբուլում ՝ Ռուսաստանի նախագահ Վլադիմիր Պուտինի առաջարկով։ ...
15:15 16.05.2025
Էրեբունու և Տավուշի համայնքային ոստիկանները հայտնաբերել են խարդախության մեղադրանքով հետախուզվողիՄայիսի 14-ին՝ ժամը 11.40-ին, Համայնքային ոստիկանության Էրեբունու բաժնի ծառայողները ստացած օպերատիվ տվյալներն իրացրին Տավուշի համայնքային ոստիկանների հետ: Մայրաքաղաքի Խանջյան փողոցում հայտնաբերվեց և բաժին տեղափոխվեց Տավուշի մարզի Այգեձոր գյուղի բնակիչ 35-ամյա մի տղամարդ, որն այս տարվա փետրվարի 20-ից հետախուզվում էր մի քանի դրվագ խարդախությունների մեղադրանքով, խափանման միջոցը՝ կալանք։ ...
