00:23 13.12.2018
Վրաստանի 4-րդ նախագահ Գեորգի Մարգվելաշվիլիի պաշտոնավարումը կավարտվի դեկտեմբերի 16-ին՝ նորընտիր նախագահ Սալոմե Զուրաբիշվիլիի երդմնակալության արարողությունից հետո:
Դեռևս առաջին տիկին Մակա Չիչուան մտահոգված է իր ընտանիքի ապագայով, քանի որ Գեորգի Մարգվելաշվիլիի պաշտոնավարման ժամկետի ավարտից հետո նրա ընտանիքը կմնա առանց գումարի: Նա հայտարարել է, որ ամուսնու նախագահության տարիներին իրենց չի հաջողվել գումար տնտեսել: Ամուսնու պաշտոնավարման ժամանակ գումարը բավարարում էր, սակայն այժմ «ոչինչ» չունեն:
«Այդուամենայնիվ, ավելի լավ կլիներ, եթե որոշակի եկամտի աղբյուր ունենայի՝ ինձ ավելի վստահ զգալու համար: Իհարկե, մտածում եմ՝ ինչ կլինի ապագայում: Մենք խնայողություններ չունենք՝ ոչինչ: Նախկինում մեզ բավարարում էր գումարը: Այժմ գումար չունենք»,- «Ռուսթավի 2» ՀԸ-ի եթերից խոստովանել է դեռևս առաջին տիկին Մակա Չիչուան:
Վրաստանի նախագահի պաշտոնում Գեորգի Մարգվելաշվիլին ստանում էր 7․2 հազար լարի (մոտ 2․7 հազար դոլար) աշխատավարձ: Զուգահեռաբար, նախագահական զույգը օգտվում էր մի շարք արտոնություններից, այդ թվում՝ անվտանգության, ազատ ճանապարհորդության, ներկայացուցչական հանդիպումների համար նախատեսված ծախսերից:
Վրաստանի օրենսդրության համաձայն՝ երկրի նախկին նախագահներն ամսական կենսաթոշակ են ստանում իրենց աշխատավարձի չափով: Սակայն կենսաթոշակը տրվում է միայն այն դեպքում, եթե նախկին նախագահը չի կարող աշխատել իր տարիքի կամ առողջական վիճակի պատճառով:
Հայտնի է, որ Գեորգի Մարգվելաշվիլին նախագահի պաշտոնավարման ժամկետի ավարտից հետո կվերադառնա Վրաստանի հանրային հարցերի ինստիտուտ՝ իր նախկին պաշտոնին և կդասավանդի փիլիսոփայություն:
Առաջին տիկին Մակա Չիչուան երբեք չի զբաղվել քաղաքականությամբ: Ավարտել է արվեստի ակադեմիան, նկարահանվել է տեսահոլովակներում և գեղարվեստական ֆիլմերում: Հեռուստատեսությունում աշխատել է որպես դիմահարդար և հաղորդավարուհի:
Գեորգի Մարգվելաշվիլիի հետ ծանոթացել է 2014 թվականին՝ նրա երդմնակալության արարողությունից մեկ տարի անց: Նրանց վկաները նախորդ ամուսնություններից երեխաներն էին` Մաշո Չիչուան և Աննա Մարգվելաշվիլին, որոնք մանկության ընկերներ են: Հենց նրանք էլ ծանոթացրել էին ապագա ամուսիններին: Համատեղ ամուսնությունից զույգն ունի երկու զավակ։
23:59 08.06.2025
Ալկարասը և Սիններն անցկացրել են Ռոլան Գարոսի ամենաերկար եզրափակիչըՖրանսիայի բաց առաջնության եզրափակիչը իսպանացի Կառլոս Ալկարասի և իտալացի Յաննիկ Սինների միջև դարձավ մրցաշարի պատմության մեջ ամենաերկարը։ Եզրափակչում Ալկարասը հաղթեց Սիններին 4:6, 6:7 (4:7), 6:4, 7:6 (7:3), 7:6 (10:2) հաշվով։ Խաղը տևեց 5 ժամ 29 րոպե։ Մրցաշարի նախորդ ռեկորդը սահմանվել էր 1982 թվականին, երբ շվեդ Մաթս Վիլանդերի և արգենտինացի Գիլյերմո Վիլասի միջև եզրափակիչ խաղը տևեց […] ...
23:51 08.06.2025
Գրենլանդիայի սառցադաշտային ակոսները և Ատլատյան օվկիանոսի ջրի շրջանառությունը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել Գրենլանդիայի սառցադաշտային ակոսների և Ատլատյան օվկիանոսի ջրի շրջանառության մասին: Ատլանտյան օվկիանոսի ջրի շրջանառության շնորհիվ տաք ջրերը տեղափոխվում են դեպի Հյուսիսային բևեռային շրջաններ, իսկ սառը և խիտ ջրերը՝ դեպի արևադարձային լայնություններ: Գրենլանդիայի ափամերձ տարածքները կարևորագույն վայրեր են, որոնք ազդում են ջրի և սննդանյութերի շրջանառության վրա: Գրենլանդիայի ափի մայրցամաքային […] ...
23:40 08.06.2025
Հեծանվի սիրահարները Հանրապետության հրապարակից իրականացրել են հեծանվաշքերթ դեպի ԷջմիածինՀեծանվի համաշխարհային օրվա շրջանակում հեծանվի սիրահարներն այսօր Հանրապետության հրապարակից իրականացրել են հեծանվաշքերթ դեպի Էջմիածին։ Այս մասին հայտնել են ԿԳՄՍ նախարարությունից: Նպատակն էր խթանել առողջ կենսակերպի տարածումը, ինչպես նաև ընդգծել հեծանվի՝ որպես էկոլոգիապես մաքուր և ժամանակակից փոխադրամիջոցի դերը։ Միջոցառումը կազմակերպվել է ՀՀ կրթության, գիտության, մշակույթի և սպորտի նախարարության, Վաղարշապատի համայնքապետարանի, ինչպես նաև Հեծանվորդների և սիրողական հեծանվասպորտի […] ...
23:27 08.06.2025
Կրակոցներ՝ Կոտայքի մարզում․ հրազենային վնասվածքներով հիվանդանոց է տեղափոխվել մի քաղաքացի․ կա ևս 2 վիրավորՀունիսի 8-ին, վիճաբանություն, ծեծկռտուք և կրակոցներ են տեղի ունեցել Կոտայքի մարզում։ Ժամը 21։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, նույն վարչության Կոտայքի մարզային քրեական վարչությունում օպերատիվ տեղեկություններ են ստացվել, որ «Աբովյան» բժշկական կենտրոն հրազենային վնասվածքներով ծայրահեղ ծանր ախտորոշմամբ քաղաքացի է տեղափոխվել։ Ինչպես հայտնում է shamsyan.com-ը, հիվանդանոց են ժամանել քրեական ոստիկանության ծառայողները, […] ...
23:13 08.06.2025
Կառլոս Ալկարասը՝ Ռոլան Գարոսի կրկնակի չեմպիոնԻսպանացի թենիսիստ Կառլոս Ալկարասը հաղթել է Ֆրանսիայի բաց առաջնությունում («Ռոլան Գարոս»): Մրցաշարն անցկացվել է Փարիզում։ Եզրափակիչ խաղում նա հաղթել աշխարհի առաջին ռակետ Յաննիկ Սիններին, որը ներկայացնում է Իտալիան: Խաղն ավարտվել է 4:6, 6:7 (4:7), 6:4, 7:6 (7:3), 6:7 (10:2) հաշվով: Ալկարասը արդեն հինգ Մեծ սաղավարտի մրցաշարերի հաղթող է: Իսպանացին նախկինում հաղթել է ԱՄՆ բաց առաջնությունում […] ...
22:59 08.06.2025
Բարնաուլի մի շարք ճանապարհներին երթևեկությունը սահմանափակվել է հեղեղների պատճառովԲարնաուլում ուժեղ անձրևների պատճառով մի քանի մայրուղիներ հեղեղվել են, իսկ մի շարք հատվածներում երթևեկությունը ժամանակավորապես սահմանափակվել է։ Այս մասին հաղորդվել է քաղաքապետարանի պաշտոնական Telegram ալիքում։ Նշվում է, որ ուժեղ անձրևը ուղեկցվել է մեծ թվով կայծակներով և որոտներով։ Քաղաքի բնակիչները սոցիալական ցանցերում տեսանյութեր են հրապարակում, որոնցում երևում է, թե ինչպես են մեքենաներն անցնում ջրի միջով: Ջուրը […] ...
