Գաղտնի ձայնագրություն. ինչպե՞ս է iPhone-ը հետևում օգտատիրոջը

iPhone-ի հայտնի մի շարք ծրագրեր ձայնագրում են այն ամենն, ինչ տեղի է ունենում հեռախոսի էկրանին, հայտնում են արտասահմանյան ԶԼՄ-ները: Газета.ru-ի փոխանցմամբ՝ գաղտնի վերահսկողության մասին օգտատերը նույնիսկ չի էլ կարող ենթադրել, քանի որ ինֆորմացիան հավաքագրելու համար նրա թույտվությունը բացարձակապես չի պահանջվում:

Ցանկացած հպում

Հեռախոսի շատ օգտատերեր գիտեն, որ անհայտ ընկերություններին վստահել չի կարելի: Պարզվում է՝ վտանգ կարող են ներկայացնել նաև աշխարհի առաջատար բրենդների կողմից ներկայացված հայտնի ծրագրերը: Ինչպես տեղեկացնում է TechCrunch-ը, iPhone-ի մի շարք մոդելներ գաղտնի ձայնագրում են ամբողջ ինֆորմացիան՝ այդ մասին չտեղեկացնելով օգտագործողին:

Տվյալների կասկածելի հավաքագրման շարքին են դասվում այնպիսի հայտնի բրենդներ, ինչպիսիք են Abercrombie & Fitch-ն ու Hollister-ը, Air Canada և Singapore Airlines ավիաընկերությունները, Hotels.com հյուրանոցների ամրագրման ծառայությունը, Expedia զբոսաշրջային ընկերությունը և ևս մի քանիսը:

Ինֆորմացիան հավաքագրելու համար վերոհիշյալ ընկերություններն օգտագործում են Glassbox ծառայությունը, որը թույլատրում է ձայնագրել այն ամենը, ինչ տեղի է ունենում էկրանին, ներառյալ հպումներն ու ջնջումները, այնուհետև կրկին վերսկսվում է ձայնագրությունը՝ համոզվելու համար, որ հենց մարդն է գործողությունը կատարում ծրագրի հետ: Այսպիսով՝ հնարավոր է լինում հայտնաբերել կոդում եղած սխալները և ծրագրային թերությունները:

Օգտվողի հեռախոսից ստանալով ինֆորմացիան՝ աստիճանաբար հավաքվում է և վերլուծելու համար ուղարկվում երրորդ կողմին: Այս տվյալների արդյունքում էլ ստեղծվում է գովազդ՝ ուղղված կոնկրետ անձանց:

Խնդիրն այն է, որ այս ծրագրերից որոշները չեն ապահովում փոխանցվող տեղեկատվության պաշտպանության անհրաժեշտ մակարդակը: Այսպես, Air Canada-ի մոտ չկա որևէ օգտագործողի տվյալների կոդավորումը, ինչը նշանակում է, որ ավիաընկերության անձնակազմը, փաստացի, ազատ մուտք ունի տվյալների բազա: Իսկ եթե նա դառնա ցանցահենային հարձակման զոհ, ապա հարձակվողը մեխանիկորեն կկարողանա օգտվել հաճախորդների բանկային քարտերի մուտքանուններից, գաղտնաբառերից և այլ տվյալներից՝ առանց դրանց վերծանման անհրաժեշտության:

Բացի դրանից՝ այս հայտնի ծրագրերից օգտվողը կարող է նույնիսկ չկասկածել արտահոսքի մասին, քանի որ ծրագիրը տվյալների բազայի հավաքման համար թույլտվություն չի պահանջում:

TechCrunch-ի տեղեկությունների համաձայն՝ իմանալու համար՝ արդյոք ծրագիրը հավաքում է ինֆորմացիան, անհրաժեշտ է վերծանել կոդը. Գաղտնիության քաղաքականությունում ոչ մի խոսք չկա այն մասին, որ էկրանը կարող է ձայնագրվել:

Գրառումների հրապարակման պահին այս բոլոր ծրագրերը հասանելի են AppStore-ում ներբեռնելու համար: Հնարավոր է, որ հանրային ճնշման արդյունքում Apple-ը շահագրգռված լինի օգտագործողների իրավունքների խախտման հարցով և պահանջի ընկերություններից իրենց ծրագրերը համապատասխանեցնել օրենքներին: Բացի դրանից՝ տվյալների պաշտպանության Ընդհանուր կանոնակարգերի (GDPR) համաձայն՝ խախտողները կարող են ենթարկվել բազմամիլիոնանոց տուգանքների:

Apple-ը պետք է պատասխանատվություն կրի

Հունվարի վերջին հայտնի դարձավ FaceTime ծրագրի խոցելիությունը: Հենց այս ծրագրով են iPhone օգտագործողները շփվում միմյանց հետ: Ինչպես պարզվեց, օգտատերը կարող է լսել զրուցակցին մինչ այն պահը, երբ վերջինս դեռ չի որոշել պատասխանել զանգին:

Զրուցակիցը չի էլ կարող ենթադրել այդ մասին, քանի որ էկրանին այդ մասին որևէ ցուցում չի հայտնվում: Նշվում է, որ չթույլատրված հեռախոսազանգի հետ կապված խնդիրը տեղի է ունենում FaceTime-ի խմբային զանգերի ֆունկցիայի մեջ, որը թողարկվել է 2018 թ. նոյեմբերին: 

Apple-ը խոստովանել է, որ FaceTime-ն իսկապես նման ռիսկեր է պարունակում:

Այս ամենով արդեն հետաքրքրված են ԱՄՆ Կոնգրեսում: Ընկերության ղեկավար Թիմ Կուկի հասցեին նամակ է ուղարկվել, որում հայտնել են, որ խորհրդարանականները խիստ անհանգստացած են FaceTime-ի հետ տեղի ունեցածով:

Apple-ը պարտավոր է պատասխան ուղարկել ընթացիկ տարվա փետրվարի 19-ին: Եթե Կոնգրեսը չգոհանա խնձորային՚ բրենդի արձագանքով, չի բացառվում, որ Թիմ Կուկը ստիպված կլինի մեկնել Վաշինգտոն՝ ցուցմունք տալու: