15:56 08.02.2019
ԲՀԿ պատգամավոր Միքայել Մելքումյանը լրագրողների հետ զրույցում, անդրադառնալով կառավարության ծրագրին, ասաց, որ իրենց խմբակցությունը դեռ քննարկումների փուլում է, և իրենք պետք նայեն, թե ինչքանով է դա համահունչ իրենց ծրագրային մոտեցումներին:
«Անցյալ տարի երկու անգամ օրենքի նախագիծ էի դրել շրջանառության մեջ, որ շրջանառության հարկի շեմը չիջնի 115-ից 58.35 մլն դրամ, հունվարից իջել է, 58.35 մլն դրամ է, իսկ դուք գիտեք, որ փոքր ու միջին բիզնեսի համար շատ կենսական նշանակություն ունի, որովհետև հարկման ռեժիմ է փոխվում, և ես նայում եմ ուրախությամբ, որ այդ 115-ը պահվում է, կառավարության ծրագրում կա: Իմ մոտ մի հետաքրքիր հարց է առաջանում՝ իմ գրածը ինչո՞վ է տարբերվում այս գրածից, այսինքն` 2-3 ամիս առաջ մերժել են, հիմա պահպանում է, լավ է, որ մենք ինչ ասել ենք, անում են»,-ասաց Միքայել Մելքումյանը:
Ասաց` իրենց պաշտոնական տեսակետը չի ուշանա, իսկ դիտարկմանը, թե ձեր կարծիքով` տնտեսական հեղափոխություն հնարավո՞ր է անել այս ծրագրով, նա հայտարարեց, որ դա քաղաքական կամքի հարց է, կան ընդհանուր խնդիրներ, կան մասնագիտական խնդիրներ.
«Բաներ կան, որ համահունչ են, բաներ էլ կան, որ մեր կարծիքները տարբեր են: Երկրում կատարվել են իրադարձություններ՝ կոռուպցիայի հաղթահարման, արհեստական մենաշնորհների հաղթահարման, որոնք իսկապես հաղթահարվել են: Բայց կյանքը ցույց է տալիս` նաև միջոցառումներ կան, որ պետք է կատարվեն: Բիզնեսը, ներդրումներ գալը հաշվիչի նման չեն, որ երեկոյան անջատես, առավոտյան եկան: Մարդիկ պետք է տեսնեն, որ ներդրումների անվտանգությունը և նվազագույն շահութաբերությունը երաշխավորված են: Այստեղ լուրջ խնդիրներ կան` կապված դատաիրավական համակարգի ռեալ անկախացման, ֆինանսական շուկայի զարգացման, վարկային տոկոսադրույքների իջեցման հետ»,- նկատեց նա:
Նախորդ կառավարությունների ծրագրերը քննադատելիս ասում էիք, որ հստակ ուղենիշներ, թվեր չկան, հիմա այս ծրագրում կա՞ն թվեր ու ուղենիշներ: Ի պատասխան` Մելքումյանն ասաց, թե թվեր կան, որ կան, թվեր էլ կան, որ չկան։
Հարցին` նախորդ կառավարության ծրագրերի հետ համեմատած կա՞ տարբերություն, Մելքումյանը մանրամասն չանդրադարձավ, միայն նկատեց, որ դրանք լրիվ տարբեր կառավարություններ են ու էապես տարբերվում են միմյանցից:
12:45 04.07.2025
114 տարվա պատմություն ունեցող «Բրեշիան» զրկվել է պրոֆեսիոնալ ակումբի կարգավիճակիցԻտալիայի երկրորդ՝ Բ Սերիայում հանդես եկող «Բրեշիան» պաշտոնապես զրկվել է պրոֆեսիոնալ ակումբի կարգավիճակից և չի կարող մասնակցել նույնիսկ C Սերիային, հայտնում է ֆեդերացիայի մամուլի ծառայությունը։ «Բրեշիան» 2024/25 մրցաշրջանում 43 միավորով զբաղեցրել է 15-րդ տեղը և մեծ դժվարությամբ պահել տեղը Բ Սերիայում, սակայն չի վճարել 3 միլիոն եվրո պարտքը, ինչի հետևանքով այժմ ակումբին սպառնում է սնանկացում։ […] ...
12:36 04.07.2025
Անահիտ Ավանեսյանը մասնակցում է Մադրիդում ընթացող Հայկական Բժշկական Համաշխարհային ԿոնգրեսինԱռողջապահության նախարար Անահիտ Ավանեսյանի գլխավորած պատվիրակությունը մասնակցում է Մադրիդում ընթացող Հայկական Բժշկական Համաշխարհային Կոնգրեսին (AMWC2025): Այս համաժողովը համախմբում է առողջապահության ոլորտի մասնագետներին, ներդրողներին և կազմակերպություններին՝ Հայաստանի առողջապահական զարգացմանն ու համագործակցությանը նպաստելու նպատակով: «Բժշկությունը շարժման մեջ. Գիտական պատկերացումները՝ գործողության վերածելով» խորագրով համաժողովին նախարարը նախ պանելային քննարկմանն է մասնակցել` ներկայացնելով ոլորտում ընթացող բարեփոխումները: Նախարարն իր ելույթում` ողջունելով […] ...
12:28 04.07.2025
Բայդենը հայտարարել է, որ եվրոպացի առաջնորդները խնդրում են իրեն ներգրավվել քաղաքականության մեջԱՄՆ նախկին նախագահ Ջո Բայդենը հայտարարել է, որ եվրոպացի առաջնորդները զանգահարում են իրեն և խնդրում ներգրավվել քաղաքականության մեջ։ «Ես զանգեր եմ ստանում մի շարք եվրոպացի առաջնորդներից, որոնք խնդրում են ինձ ներգրավվել։ Ես դա չեմ անելու, բայց խորհուրդներ եմ տալիս։ Ես նաև զանգեր եմ ստանում բազմաթիվ գործընկերներից՝ դեմոկրատներից և հանրապետականներից», – ասել է Բայդենը։ Նրա խոսքերը […] ...
12:20 04.07.2025
Իդեալական տարբերակը կլինի Եվրոպայի թոփ առաջնություններից մեկը․ Բուզնիկինը՝ Սպերցյանի հեռանկարների մասին«Կրասնոդարի» սկաուտական բաժնի ղեկավար Մաքսիմ Բուզնիկինը «РБ Спорт»-ի հետ զրույցում խոսել է ակումբի կիսապաշտպան Էդուարդ Սպերցյանի հեռանկարների մասինան։ «Որտե՞ղ կցանկանայի տեսնել Սպերցյանին հաջորդ մրցաշրջանում։ Եթե Էդուարդը մնա Ռուսաստանում, ապա միայն «Կրասնոդարում»։ Եվրոպա տեղափոխվելու դեպքում նա պետք է ընտրի այնպիսի ակումբ, որտեղ կարող է զգալիորեն բարձրացնել իր խաղային մակարդակը։ Չէի ցանկանա, որ նա հայտնվեր Հունաստանում կամ […] ...
12:13 04.07.2025
Լավրովը շնորհավորել է Ռուբիոյին ԱՄՆ Անկախության օրվա կապակցությամբՌուսաստանի արտաքին գործերի նախարար Սերգեյ Լավրովը շնորհավորել է ԱՄՆ պետքարտուղար Մարկո Ռուբիոյին ԱՄՆ Անկախության օրվա կապակցությամբ՝ հույս հայտնելով, որ Մոսկվայի և Վաշինգտոնի միջև հարաբերություններն ապագայում կդառնան կայուն և կանխատեսելի։ «Հարգելի պարոն պետքարտուղար, խնդրում եմ Ձեզ փոխանցել իմ անկեղծ շնորհավորանքները ամերիկյան ժողովրդին ԱՄՆ ազգային տոնի ՝ Անկախության օրվա կապակցությամբ՝ արտահայտելու Ռուսաստանի Դաշնության աջակցությունը նրանց միասնության և […] ...
12:05 04.07.2025
ԱՄՆ Ներկայացուցիչների պալատը վերջնականապես հաստատեց Թրամփի «մեծ և հիանալի օրենքը»ԱՄՆ Ներկայացուցիչների պալատը վերջապես ընդունեց Դոնալդ Թրամփի «Մեծ և հիանալի օրենքը»։ Կոնգրեսականները նախկինում երկար քննարկումներ էին անցկացրել այս օրենքի շուրջ, իսկ մեկ օր առաջ այն ընդունել էր նաև Սենատը։ Օրինագիծը ստացավ կոնգրեսականների նվազագույն քանակի աջակցությունը՝ 218, ընդ որում՝ Ներկայացուցիչների պալատի երկու հանրապետական անդամ դեմ էին դրան, ինչպես նաև բոլոր դեմոկրատները։ Դոնալդ Թրամփը հույս ուներ օրենքն […] ...
