14:33 20.02.2019
Քաղաքապետարանում այսօր՝ փետրվարի 20-ին, անցկացվեց Երևանի 2018 թվականի բյուջեի կատարման և զարգացման ծրագրով իրականացված աշխատանքների հաշվետվությունների բաց հանրային քննարկումներ: Քննարկումներին մասնակցում էին նաև երեք քաղաքացիներ: Նրանցից մեկը հարց բարձրացրեց թեքահարթակների անհարմարության և շինարարական աշխատանքների անփութության մասին:
«Աշխատանքները, որոնք կատարվում են քաղաքապետարանի կողմից, նկատելի են, հաճելի է, բայց ես կփորձեի մի փոքր ճշգրտում մտցնել աշխատանքների մեջ: Խոսքս վերաբերում է թեքահարթակների խնդրին: Օրինակ` Բարեկամության մետրոյի հատվածում կա թեքահարթակ, բայց անհնար է օգտագործել, խնդրում եմ անպայման մեր աշխատանքների մեջ անփույթ չլինել, դա պարտադիր է, քանի որ դա ձևավորում է մշակույթ: Ես ներկայացրել էի ծրագիր՝ «Երևանի կենցաղային անվտանգության ապահովում: Վե´րջ փնթիությանը և իմիջիայլոցությանը»: Մեր գործողություններում չպետք է լինի մի բան, որ ուղղակի անում ենք: Անում ենք, որ նորից չվերադառնանք արվածին»,- ասաց քաղաքացի Վահե Գարոյանը:
Երևանի փոխքաղաքապետ Հայկ Սարգսյանը արձագանքեց` նշելով, որ թեքահարթակների խնդրին քաջածանոթ են:
«Նաև գիտենք, որ շատ դեպքերում թեքահարթակների ստորին մասը ավելի բարձր է, քան սահմանված եզրաքարի բարձրությունը, որ դրանցով երթևեկելը շատ դժվար է, որ դրանց թեքությունը սահմանված նորմերից ավելի բարձր է: Մենք այս տարվա թեքահարթակների կառուցման բնութագրերում մանրամասն բնութագրել ենք, թե ինչպիսի անկյան տակ պետք է կառուցված լինեն և փողոցի ասֆալտբետոնե ծածկից ինչ բարձրություն պետք է ունենա դրանց ստորին մասը: Մի խոսքով, այս ամենը ճշգրտված է, կարող եք շինարարական վարչությունից կամ հայտարարված գնման մրցույթներից ու բնութագրերից դրանց ծանոթանալ: Եթե կան ավելի նեղ մասնագիտական չափորոշիչներ, որ կարող եք տրամադրել, և եթե պարզենք, որ մենք դրանք հաշվի չենք առել, սիրով հաշվի կառնենք մյուս բնութագրերում»,- ասաց Հայկ Սարգսյանը:
Անդրադառնալով կենցաղային անվտանգությանը` Հայկ Սարգսյանը նշեց, որ այս հարցի շուրջ օրերս հանդիպում են ունեցել շինարարական կազմակերպությունների հետ:
«Մենք հանդիպում ունեցանք բոլոր շինարարական ընկերությունների ղեկավարների հետ, համենայն դեպս, բոլորը հրավիրված էին: Գրեթե 20-25 մասնակից կար այդ հանդիպմանը և նրանց առաջ դրվեց այդ հարցը` շինարարական աշխատանքների փնթիությունը, անավարտությունը, անկատարությունը: Այս բոլոր խնդիրներն ունեն օբյեկտիվ պատճառներ և ամեն ինչ հնարավոր է կարգավորել, եթե գնումների և մյուս օրենսդրությունները մեզ ավելի լայն հնարավորություն տան դրանց նկատմամբ պահանջներն ու ընդունման ակտերը խստացնել»,- պատասխանեց Հայկ Սարգսյանը:
18:06 02.07.2025
32-ամյա երիտասարդը հետախուզվում էր թմրամիջոցներ իրացնելու մեղադրանքով․ խափանման միջոցը՝ կալանքՔրեական ոստիկանության Երևան քաղաքի վարչության ծառայողները ձեռնարկած օպերատիվ-հետախուզական միջոցառումների շնորհիվ հունիսի 30-ին Նոր Խարբերդի 20-րդ փողոցում հայտնաբերել, ձերբակալել և վարչություն են ներկայացրել 32-ամյա մի երիտասարդի, որը հունիսի 12-ից հետախուզվում էր թմրամիջոցների իրացման մեղադրանքով. խափանման միջոցը՝ կալանք: Երևանի բնակիչ 32-ամյա երիտասարդը տեղափոխվել է քրեակատարողական հիմնարկ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
17:54 02.07.2025
Սրբուհի Գալյանը Շվեյցարիայից ժամանած ուսանողներին է ներկայացրել Արդարադատության նախարարության գործունեությունըԱրդարադատության նախարար Սրբուհի Գալյանը հանդիպել է Ժնևի միջազգային մարդասիրական իրավունքի և մարդու իրավունքների ակադեմիայի ուսանողների հետ: Ողջունելով ուսանողներին՝ Արդարադատության նախարարը շնորհակալություն է հայտնել նրանց այցի ու արդարադատության ոլորտի նկատմամբ ցուցաբերած հետաքրքրության համար: Սրբուհի Գալյանը ուսանողներին ծանոթացրել է նախարարության, որպես արդարադատության ոլորտի քաղաքականությունը մշակող մարմնի գործունեությանը՝ անդրադառնալով քրեակատարողական և պրոբացիայի, հակակոռուպցիոն, դատական և իրավական, մարդու իրավունքների […] ...
17:47 02.07.2025
Սարգիս Խանդանյանն ընտրվել է ԵԱՀԿ ԽՎ Ժողովրդավարության, մարդու իրավունքների եւ հումանիտար հարցերով հանձնաժողովի նախագահԵԱՀԿ խորհրդարանական վեհաժողովի ամառային նստաշրջանի ընթացքում ՀՀ ԱԺ արտաքին հարաբերությունների մշտական հանձնաժողովի նախագահ, ԵԱՀԿ ԽՎ-ում Հայաստանի պատվիրակության ղեկավար Սարգիս Խանդանյանն ընտրվել է ԵԱՀԿ ԽՎ ժողովրդավարության, մարդու իրավունքների եւ հումանիտար հարցերով հանձնաժողովի նախագահ: Ստանձնելով հանձնաժողովի նախագահի պաշտոնը՝ Սարգիս Խանդանյանը նշել է. «Այս բարդ ժամանակներում մեր հանձնաժողովի առաքելությունն ավելի հրատապ է, քան երբեւէ: ԵԱՀԿ տարածաշրջանը բախվում է […] ...
17:41 02.07.2025
Բոլորդ պատրաստվե՛ք. ես անկառավարելի եմ լինելու․ Յամալ«Բարսելոնայի» ֆուտբոլիստները, որոնք մասնակցել են թիմի նոր մարզաշապիկի ներկայացմանը, պատասխանել են լրագրողների հարցերին: Թիմի երիտասարդ աստղ Լամին Յամալն էլ հանդես է եկել հետաքրքիր հայտարարություններով: «5 տարի հետո ես ընդամենը 22 տարեկան եմ լինելու: Բոլորդ պատրաստվե՛ք. ես անկառավարելի եմ լինելու», – Յամալի խոսքերն է մեջբերում «Բարսելոնայի» կայքը: Ըստ իսպանական մամուլի՝ Յամալը հաջորդ մրցաշրջանում հանդես է գալու […] ...
17:36 02.07.2025
Հանձնաժողովը դրական եզրակացություն է տվել «Փողերի լվացման և ահաբեկչության ֆինանսավորման դեմ պայքարի մասին» օրենքի նախագծինԱԺ ֆինանսավարկային եւ բյուջետային հարցերի մշտական հանձնաժողովը հուլիսի 2-ին երկրորդ ընթերցմամբ քննարկել է ««Փողերի լվացման եւ ահաբեկչության ֆինանսավորման դեմ պայքարի մասին» օրենքում փոփոխություններ եւ լրացումներ կատարելու մասին» օրենքի նախագիծը՝ կից օրենսդրական փաթեթով: ՀՀ կենտրոնական բանկի նախագահի տեղակալ Հովհաննես Խաչատրյանը տեղեկացրել է, որ առաջին ընթերցմամբ ընդունվելուց հետո նախագծում որեւէ բովանդակային փոփոխություն չի կատարվել: Օրենսդրական նախաձեռնությամբ կհստակեցվեն […] ...
