16:17 25.02.2019
Կառավարության շենքի մոտ բողոքի ցույց են անցկացրել Արարատի մարզի Ուրցաձոր համայնքի բնակիչները, որոնք շարունակում են պահանջել գյուղապետ Ռաֆիկ Անդրեասյանի հրաժարականը, որը փետրվարի 17-ին տեղի ունեցած ընտրություններում վերընտրվել է իր պաշտոնում: Ուրցաձորցիները պնդում են, որ նա համայնքապետ եղած տարիներին բազմաթիվ ապօրինություններ է թույլ տվել:
«19 տարի համայնքը ղեկավարած Ռաֆիկ Անդրեասյանը զբաղվել է միայն թալանով, ասում է՝ ամբողջ Ուրցաձոր գյուղի ժողովուրդը աշխատում է միայն իմ որդու համար»,- ասում է բողոքի ակցիայի մասնակիցներից մեկը:
Ուրցաձորի մյուս բնակիչները ևս հավաստիացնում են, որ նա իր ղեկավարման 20 տարում բազմաթիվ ապօրինություններ է թույլ տվել: Նրանցից մեկը պնդել է.
«Թալանել է ամբողջ բյուջեն, պահեստային հողերը սեփականաշնորհել է»:
Իսկ գյուղապետի նախկին ժամանակավոր պաշտոնակատար Գևորգ Ավետիսյանը վստահեցրել է, որ իր պաշտոնավարման կարճ ժամանակահատվածում մի շարք խախտումներ են ի հայտ եկել: Թվարկում է.
«Ներկայացրել ենք աշխատացուցակը, ուռճացված հաստիքացուցակ ունենք, 50-անց կինը գրանցված է եղել որպես օժանդակ բանվոր: Ունեցել է ընտանեկան սեփական բիզնես, ինքը և իր կինն ու երկու դուստրերը գրանցված են եղել համայնքապետարանում: 3 միավոր տեխնիկայի ընթացքում 1 տարում գնվել է մոտ 6 տոննա 300 լիտր դիզվառելիք, ծախսերն ու աշխատանքները չի համապատասխանում թղթի վրա գրվածին: Ուսումնասիրությունները կատարել ենք, և մարդիկ, ովքեր կապ չունեն գյուղի հետ, եկել են, ընտրությանը մասնակցել են ու գնացել»,- ասաց նա:
Վերջին հանգամանքը շատերն էին նշում, ովքեր վստահ են, որ ընտրություններին Ռաֆիկ Անդրեասյանի հաղթանակը պայմանավորված էր այն հանգամանքով, որ բազմաթիվ քաղաքացիներ, ովքեր երբևէ չեն բնակվել այս գյուղում, եկել ու քվեարկել են նրա օգտին:
«Գրանցված են գյուղում, բայց չենք տեսել, ճանաչել»,- վերահաստատեց նրանցից մեկը:
Գյուղում կատարված ապօրինությունները բացահայտելու նպատակով կառավարությունը ուսումնասիրություններ էր սկսել, սակայն ռեսուրսների պակասի պատճառով դադարեցրել էր: Այսօր գյուղացիները պահանջել են, որ Պետական վերահսկողական ծառայությունը վերսկսի դրանք, այլապես կմեղադրեն վերջինիս կողմնակալ վերաբերմունք դրսևորելու մեջ: Նրանք հանդիպում էին ակնկալում ծառայության պետ Դավիթ Սանասարյանի հետ:
«Դավիթ Սանասարյանը թող իջնի, որովհետև Դավիթ Սանասարյանն է պատասխանում Ռաֆիկ Անդրեասյանին, որովհետև իր մանկության ընկերն է»,- հայտարարել է ուրցաձորցիներից մեկը:
Ավելի ուշ գյուղացիներին ընդունել է կառավարության ներկայացուցիչը, բայց որոշել է նրանց հետ զրուցել առանց լրատվամիջոցների ներկայության:
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
