13:42 08.03.2019
«Ինձ համար տունը, խոհանոցը, քաղաքականությունը, ակտիվ հասարակական կյանքը կոչվում են պետություն, և կինը անփոխարինելի է պետության կայացման գործում, որովհետև անփոխարինելի է տանը, խոհանոցում, հասարակական ու քաղաքական կյանքում»,- սա ԱԺ «Լուսավոր Հայաստան» խմբակցության անդամ Մանե Թանդիլյանի տեսակետն է:
Պատգամավորը կարծում է, որ հայ կնոջ դերակատարումը Հայաստանի Հանրապետության կայացման գործում թերագնահատված է, պոտենցիալը, սակայն, շատ մեծ է: Ուզում է, որ կանայք ներգրավվեն այս գործընթացների մեջ:
Հետաքրքրվում ենք՝ ո՞ւմ կողմից է թերագնահատված կնոջ դերակատարումը Հայաստանի կայացման գործում՝ պետությա՞ն, թե՞ հասարակության:
«Կարծում եմ՝ հասարակության: Այն առումով, որ հասարակությունը նաև թելադրում է որոշ չգրված կանոններ, իսկ պետական մակարդակով, բնական է, օրենքների և տարբեր իրավակարգավորումների շրջանակներում փորձ է արվել տալ կանանց հավասար հնարավորություններ, բայց այդ իրավունքները, որ կան, դեռևս չեն կիրառվում, որովհետև կիրառման մեխանիզմները և վերաբերմունքը, կարծրատիպերը և հենց այն ձևաչափը, որը մատուցվում է, դեռևս ընկալելի և հասանելի չէ: Հետևաբար, ես կարծում եմ, որ թե՛ պետությունը, թե՛ մենք՝ որպես քաղաքացիներ, թե՛ տղամարդիկ, նաև դերակատարում ունեն կանանց ներգրավվածության ապահովման և իրենց դերի ու նշանակության վերագնահատման և վերաիմաստավորման գործում»:
Պնդում կա, թե եթե արտաքին քաղաքականության ոլորտում կանանց ներգրավումը քաղաքականության բնույթի փոփոխություն չի բերում, ապա ներքին քաղաքական և հասարակական կյանքում նրանց ներգրավվածությունը մեծ փոփոխությունների պատճառ է դառնում: Պատգամավորը, սակայն, այդ պնդման հետ համաձայն չէ: Խորապես համոզված է, որ բանակցային այն մթնոլորտում, որոնցում որ կայանում է նաև արտաքին քաղաքականությունը, կանանց նշանակությունն ու ներգրավվածությունը թերագնահատել նշանակում է չհասկանալ, թե ինչ արժեք կարող են կանայք ավելացնել այդ միջավայրում և այդ պրոցեսներին:
Մանե Թանդիլյանն ամուսնացած է և ունի երկու զավակ: Հետաքրքրվում ենք՝ մեկը մյուսին չի՞ խանգարում, արդյո՞ք հասցնում է լիարժեք լինել թե՛ տանը, թե´ քաղաքականության մեջ:
«Գիտեք, լիարժեքության զգացումը մարդու ներքին զգացողությունն է և պետք չէ լինել ամեն ինչում կատարյալ: Իհարկե, դրան պետք է ձգտել, բայց չպետք է հուսահատվել, երբ ամենը ամեն պահի չես հասցնում կամ տեղում չես: Ես ուզում եմ ասել, որ կանայք, այո՛, պետք է երբեմն հետ կանգնեն և իրենց մասին էլ մտածեն ու ասեն՝ ու թող ամբողջ աշխարհը սպասի»,- եզրափակեց խոսքը ԱԺ պատգամավորը:
08:50 01.08.2025
ՄԱԿ-ի Անվտանգության խորհուրդը օգոստոսի 1-ին կանցկացնի Ուկրաինայի հարցով նիստՄԱԿ-ի Անվտանգության խորհուրդը օգոստոսի 1-ին կքննարկի Ուկրաինայի հարցը՝ համաձայն կազմակերպության նախնական ծրագրի։ Հանդիպումը, որի թեման է «խաղաղության և անվտանգության պահպանումը Ուկրաինայում», նախատեսված է սկսել տեղական ժամանակով 15:00-ին (Մոսկվայի ժամանակով 22:00-ին): Հանդիպումը կազմակերպվել է Կիևի խնդրանքով: ...
08:38 01.08.2025
Ստեփանծմինդա-Լարս ավտոճանապարհը փակ էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
08:30 01.08.2025
Թրամփը հայտարարել է Ուիթքոֆի Ռուսաստան այցի մասինԱՄՆ առաջնորդի հատուկ դեսպանորդ Սթիվ Ուիթքոֆը կայցելի Ռուսաստան։ Այս մասին հայտարարել է ԱՄՆ նախագահ Դոնալդ Թրամփը։ «Նա մեկնում է Իսրայել, ապա, Ռուսաստան», -Սպիտակ տանը լրագրողներին ասել է ամերիկյան վարչակազմի ղեկավարը՝ պատասխանելով Ուիթկոֆի՝ արտասահմանյան այցելությունների մասին հարցին։ Ավելի վաղ ԱՄՆ կառավարությունը հայտարարել էր, որ Ուիթքոֆը օգոստոսի 1-ին կայցելի Իսրայել և Գազայի հատված։ Թրամփը չի նշել իր […] ...
08:20 01.08.2025
ԱՄՆ-ի նոր մաքսատուրքերը ուժի մեջ կմտնեն օգոստոսի 7-ինԱՄՆ նախագահ Դոնալդ Թրամփի կողմից ստորագրված նոր սակագնային պլանը ուժի մեջ կմտնի ոչ թե ուրբաթ, այլ մեկ շաբաթ անց, հաղորդում է CNN-ը։ Թրամփը հինգշաբթի երեկոյան ստորագրեց հրամանագիր, որով ավելի քան 60 երկրներից Միացյալ Նահանգներ ներմուծվող ապրանքների վրա սահմանվում են 15%-41% մաքսատուրքեր: Ակնկալվում էր, որ միջոցառումները ուժի մեջ կմտնեն ուրբաթ՝ օգոստոսի 1-ին: «Փոխարենը, տուրքերը կներդրվեն օգոստոսի […] ...
08:12 01.08.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:06 01.08.2025
Բջնի գյուղում այրվել է ավտոմեքենաՕգոստոսի 1-ին, ժամը 00։43-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բջնի գյուղի 2-րդ փողոցում՝ գործարանի մոտակայքում, այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է 2-րդ փողոցի 5-րդ փակուղու տներից մեկի բակում՝ «Hyundai» մակնիշի ավտոմեքենայում։ Հրդեհը […] ...
