Լևոն Արոնյանին ոչ թե ինչ-որ մեկը պետք է լավություն անի ու այստեղ-այնտեղ էլ գլուխ գովա, այլ մենք պետք է նրանց վաստակը մեր դրոշի առաջ ընդունենք. վարչապետ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
13 05 2024
  • $
    387.64
  • RUBLE
    4.24
  • 417.91
WEATHER
+11.09 oC

Լևոն Արոնյանին ոչ թե ինչ-որ մեկը պետք է լավություն անի ու այստեղ-այնտեղ էլ գլուխ գովա, այլ մենք պետք է նրանց վաստակը մեր դրոշի առաջ ընդունենք. վարչապետ

14:13 25.04.2019

Կառավարության այսօրվա նիստում գործադիրը հավանություն տվեց նախագծին, որով առաջարկվում է շախմատի համաշխարհային օլիմպիադայի եռակի չեմպիոն, աշխարհի թիմային առաջնության հաղթող, աշխարհի գավաթի կրկնակի հաղթող և պատմության մեջ 4-րդ ամենաբարձր վարկանիշ ունեցող Լևոն Արոնյանին հատկացնել 133 000 ԱՄՆ դոլարին համարժեք դրամ՝ 2019-ին աշխարհի չեմպիոնի տիտղոսի մրցաշարին պատրաստվելու և մասնակցելու համար: Նախագիծը կառավարության անդամներին ներկայացրեց ՀՀ սպորտի և երիտասարդության հարցերի նախարարի պարտականությունները կատարող Գաբրիել Ղազարյանը:

«Սա աննախադեպ է, առաջին անգամ է, որ նման մեծ գումար  է հատկացվում կոնկրետ մարզիկի համար: Սովորաբար պետական աջակցություն է տրամադրվում Ազգային ֆեդերացիաներին՝ օլիմպիական և ոչ օլիմպիական 3 մարզաձևերի համար, և այդ ֆեդերացիաներն իրենց ուսումնամարզական գործընթացում բաշխում են այդ գումարները»,- ասաց Գաբրիել Ղազարյանը:

Վարչապետը, սակայն, կարևորեց այսօրինակ մոտեցումը:

«Այս կարգի հարցերն ավանդաբար լուծվել են հետևյալ կերպ, ուղղակի որևէ ձևով զանգ է հնչել, միջնորդություն է եղել որևէ ունևոր անձանց, որ եկեք ֆինանսավորեք, դա վատ մեխանիզմ է, որովհետև իր հետ բերում է այլ հարաբերություններ, այլ պարտավորություններ ու դրանցից ազատումներ: Մեր դիրքորոշումը պետք է լինի հետևյալը. այն մարզական առաքելությունները, որ կգնահատենք պետական նշանակություն ունեցող, պետությունը պետք է ֆինանսավորի, իսկ էն մարդիկ, որ ավանդաբար ֆինանսավորել են, նրանք թող վճարեն իրենց հարկերը»,- ասաց վարչապետը:

Նիկոլ Փաշինյանը կարևորեց նաև Լևոն Արոնյանի վաստակը: Հիշեց նաև Հենրիխ Մխիթարյանին, Արթուր Ալեքսանյանին և նշեց, որ այս տղաները հասարակ տղաներ են, ովքեր իրենց աշխատանքի շնորհիվ հասել են համաշխարհային փառքի:

«Լևոն Արոնյանին ոչ թե ինչ-որ մեկը պետք է լավություն անի ու այստեղ-այնտեղ էլ գլուխ գովա, PR ակցիաներ դասավորի, այլ մենք պետք է նրանց վաստակը մեր դրոշի առաջ ընդունենք, ճանաչենք և նրանց համար ստեղծենք բոլոր պայմանները` արձանագրելով, որ դա ոչ միայն իրենց համար ենք անում, այլ անում ենք այն երիտասարդների համար, ովքեր նրանց օրինակով պետք է ոգեշնչվեն, հավատան իրենց ուժերին ու նրանց մեջ առաջանա այդ մեծ եռանդը, մղումը ո´չ միայն կրկնել մեր ականավոր մարզիկների լավ օրինակը, այլև գերազանցել նրանց»,- ընդգծեց վարչապետը:

Աշխարհի վերջին առաջնությունը եղել է 2016-ին, և մեզ հասած տվյալներով` դեռ հաստատված չէ, բայց աշխարհի առաջնությունը 2020-ի վերջում է անցկացվելու, պայքարը լինելու է Մագնուս Կառլսենի հետ: Լևոն Արոնյանն այսօրվա դրությամբ այն տիտղոսավոր շախմատիստներից է, որ մեծ հավակնություն ունի մասնակցելու այդ մրցաշարին: Մրցաշարին մասնակցել հավակնում են աշխարհի 10 լավագույն շախմատիստները:

 

 

 

Բոլոր լուրերը

Կապակցված լուրեր

Նեպալի Դաշնային Ժողովրդավարական Հանրապետության պատվիրակությունն այցելել է խորհրդարան

23:14 13.05.2024

Նեպալի Դաշնային Ժողովրդավարական Հանրապետության պատվիրակությունն այցելել է խորհրդարան

Մենք կարեւորում ենք Հայաստանի եւ Նեպալի միջեւ հարաբերությունների զարգացումը: Երկու երկրներն էլ ունեն բավականին հետաքրքիր նմանություններ եւ առկա է տարբեր բնագավառներում երկկողմ ներուժն առավել ակտիվ իրացնելու անհրաժեշտություն. ողջունելով Նեպալի Դաշնային Ժողովրդավարական Հանրապետության պատվիրակության անդամներին խորհրդարանում՝ ասել է Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդամ Նարեկ Բաբայանը: Հանդիպումը տեղի է ունեցել մայիսի […] ...

Ինչու են Բաքվում վստահ, որ Միրզոյանի և Բայրամովի հանդիպումն Ալմաթիում  նպաստավոր էր իրենց համար

23:03 13.05.2024

Ինչու են Բաքվում վստահ, որ Միրզոյանի և Բայրամովի հանդիպումն Ալմաթիում նպաստավոր էր իրենց համար

Համաշխարհային մամուլը շարունակում է մեկնաբանել Ալմաթիում կայացած՝ Հայաստանի ու Ադրբեջանի արտգործնախարարների հանդիպումը: Ինչպե՞ս են գնահատել հանդիպման արդյունքները Բաքվում: Թեմային «Հորիզոնի» տաղավարում անդրադարձել է Արտյոմ Երկանյանը: «Բաքվի մամուլը գրում է, որ Ադրբեջանում պետք է գոհ լինեն այդ հանդիպումից: Համենային դեպս հանդիպման ձևաչափը շահեկան էր Ադրբեջանի համար, քանի որ դրա շնորհիվ հաջողվեց ստիպել Հայաստանին հաշտվել, որ այսուհետ […] ...

Մայիսի 14-ին Երևանի և մարզերի որոշ հասցեներում լույս չի լինի

21:20 13.05.2024

Մայիսի 14-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 14-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Նոր Նորք 5-րդ զանգ.՝ Մառի փ, 5, 6, 7, 11 շենքեր, Մառի նրբ. 1 շենք, Միկոյան փ. 7, 9, 18 շենքեր, թիվ 166 դպրոց և հարակից ոչ բնակիչ-բաժանորդներ, Կատովսկու, Մուսայելյան փողոցների […] ...

Մայիսի 6-12-ի ագրոօդերևութաբանական տեղեկատվությունը

21:09 13.05.2024

Մայիսի 6-12-ի ագրոօդերևութաբանական տեղեկատվությունը

Շաբաթվա ընթացքում առանձին հովտային շրջաններում աշնանացան ցորենը ծաղկել է։ Լեռնային շրջաններում սկսվել է աշնանացանի ծեղացողունի ներքին հանգույցների առաջացումը, նախալեռնային շրջաններում` շարունակվել։ Նախալեռնային շրջաններում առաջացել են եգիպտացորենի ծիլերը։ Հովտային շրջաններում շարունակվել է կորիզավորների պտուղների աճն ու զարգացումը։ Հովտային և նախալեռնային շրջաններում շարունակվել է խաղողի ծաղկաբույլերի առաջացումը։ Հովտային շրջաններում առաջացել են ձմերուկի ծիլերը։ Նախալեռնային շրջաններում շարունակվել է […] ...

Եվրոպական հանձնաժողովի գործադիր փոխնախագահ Դոմբրովսկիսը Հայաստանում կմասնակցի ՎԶԵԲ տարեկան հանդիպմանը

19:30 13.05.2024

Եվրոպական հանձնաժողովի գործադիր փոխնախագահ Դոմբրովսկիսը Հայաստանում կմասնակցի ՎԶԵԲ տարեկան հանդիպմանը

Եվրոպական հանձնաժողովի գործադիր փոխնախագահ և առևտրի հարցերով ԵՄ հանձնակատար Վալդիս Դոմբրովսկիսը Երևանում մայիսի 15-ին և 16-ին կմասնակցի Վերակառուցման և զարգացման եվրոպական բանկի (ՎԶԵԲ) տարեկան հանդիպմանը և գործարար համաժողովին՝ ներկայացնելով Եվրոպականն միությունը։ Ինչպես «Արմենպրես»-ին տեղեկացրել են Հայաստանում Եվրոպական Միության պատվիրակությունից, ԵՀ գործադիր փոխնախագահ Դոմբրովսկիսն իր առաքելության շրջանակում կմասնակցի «Կրիտիկական հումքի» վերաբերյալ պանելային քննարկմանը, ինչպես նաև ներկա […] ...

Մարդու իրավունքների պաշտպանն ընդունել է Եվրասիա համագործակցություն հիմնադրամի ծրագրերի տնօրենին

19:14 13.05.2024

Մարդու իրավունքների պաշտպանն ընդունել է Եվրասիա համագործակցություն հիմնադրամի ծրագրերի տնօրենին

Մարդու իրավունքների պաշտպան Անահիտ Մանասյանը մայիսի 13-ին ընդունել է Եվրասիա համագործակցություն հիմնադրամի ծրագրերի տնօրեն Իզաբելլա Սարգսյանին և ծրագրի ավագ ղեկավար Նիկոլայ Հովհաննիսյանին։ Ողջունելով հյուրերին՝ Անահիտ Մանասյանը ներկայացրել է Պաշտպանի գործունեության ուղղությունները՝ ընդգծելով կանանց, երեխաների, ազգային փոքրամասնությունների, հաշմանդամություն ունեցող անձանց, զինված ուժերում, քրեական վարույթի շրջանակում անձանց իրավունքների պաշտպանության, ատելության խոսքի, անհանդուրժողականության մթնոլորտի, խտրականության դեմ պայքարի շրջանակներում […] ...

BACK_TO_TOP