Մելանյա Թրամփի նորաձև դիվանագիտությունը Ասիա կատարած այցելության ընթացքում

Եթե Դոնալդ Թրամփը իր միջազգային այցելությունների ժամանակ ելույթներով և հանդիպումներով է քաղաքական դիվդենտներ հավաքում, ապա Մելանյա Թրամփն էլ զբաղված է իր նորաձևության դիվանագիտությամբ(fashion diplomacy) կերպար ձևավորել միջազգային հանրության մոտ:

Իր բոլոր հանդիպումներին Մելանյա Թրամփը աշխատում է լինել առաջին հերթին ոճային, աչք գրավող և ամենակարևորն է սկանդալային իրավիճակներից ցանականում է խուսափել: ԱՄՆ նախագահի 12 օրյա Ասիա այցելության շրջանակներում ԱՄՆ առաջին տիկնոջ ոճաբանները հստակ մտածված դիվանագիտություն են վարել և հենց դրա համար էլ  Մելանյայի բոլոր զգեստները հանգիստ կարելի է ամենաոճայինների շարքին  դասել:

Ճապոնիա

Առաջին կանգառը Ճապոնիան է: Այստեղ Մելանյա Թրամփը ինքնաթիռից իջնլիս կրում էր իտալական Fendi բրենդի բրդյա թեթև վերարկու: Իսկ երեկոյան Ճապոնիայի վարչապետի և տիկնոջ՝ Գինզա Ուկաի Տեի հետ  ընթրիքի ժամանակ Մելանյա Թրամփը կրում էր ֆրանսիացի ոճաբան Herve Pierre-ի մոդելավորած սև վերարկուն: Հատկանշական է, որ այդ ընթրիքին երկու առաջին տիկիններն էլ սև էին հագել: Միգուցե սա նույնպես դիվանագիտական քայլ է:

Ճապոնիա այցելության երկրորդ օրը Մելանյան ընտրել էր 3000 եվրո արժողությամբ Dior բրենդի զգեստը և համադրել էր 500 եվրո արժողությամբ Manolo Blahnik հայտնի ապրանքանիշի թավշյա բարձրակրունկների հետ: Այս զեշգեստով նա այցելեց Տոկիոյի միջնակարգ դպրոցներից մեկը: Իսկ երեկոյան պաշտոնական ճաշկերույթին նա ներկայացավ Valentino-ի կարմիր բամբակյա զգեստով և Manolo Blahnik-ի ադամանդյա ականջօղերով:

Հարավային Կորեա

Սեուլի օդանավակայանում ԱՄՆ առաջին տիկինը կրում էր իսպանական Delpozo բրենդի 3535 եվրո արժողությամբ վերարկու և այն  համադրել էր Christian Louboutin-ի յասամանագույն բարձրակրունկների հետ: Օդանավակայանում կարճ համբույրով հրաժեշտ տվեց ամուսնուն և նրանց հաջորդ հանդիպումը արդեն երեկոյան խնջուքին էր:

Երեկոյան ընթրիքին Մելանյան համեմատաբար ավելի համարձակ տարբերակ էր ընտրել՝ հանգնելով ժանյակապատ հագուստ: Պետական ճաշկերույթը տեղի է ունեցել Սեուլի Կապույտ տանը:

Չինաստան

Հաջորդ կանգառը Պեկինն էր: Իսկ ԱՄՆ առաջին տիկինը էլի սև երագի մեջ էր՝ back to black:

Նախկին մոդելը Ասիա կատարած իր 12 օրյա  այցելության ընթացքում օրինակելի ներկայություն ապահովեց, ելույթ ունեցավ զանազան ամբիոններից և իր առաջին տիկնոջ աշխատանքը կարելի է ասել պատշաճ կատարեց: Վիետնամ այցելությունից հետո Տեր և Տիկին Թրամփները այժմ գտնվում են Ֆիլիպիններում, այնպես որ Մելանյա Թրամփը դեռ անելիքներ ունի նորաձևության դիվանագիտական դաշտում: 

Լիլիթ Խաչատրյան