17:13 18.06.2019
Դիլիջանում հունիսի 7-9-ն անցկացված «Մտքերի հայկական գագաթնաժողով»-ի մասնակիցները շարունակում են իրենց տպավորություններն ու շնորհակալությունը փոխանցել Հայաստանում նման բարձրակարգ միջոցառում կազմակերպելու համար:
Համաշխարհային տեխնոլոգիական առաջատար «Սիմենս» ընկերության տնօրեն Ժան-Մարկ Լիշկան «Լինկդին»-ի իր էջում գրել է, որ «Մտքերի գագաթնաժողով»-ի նպատակն է դրանից հեռանալ՝ ունենալով նոր ընկեր, նոր գաղափար և նոր նախագիծ.
«Ես կարողացա հասնել այս երեքին էլ: Ինչպես նախագահ Արմեն Սարգսյանն ամփոփեց իր եզրափակիչ ելույթում՝ քվանտային աշխարհը, որում ապրում ենք, չափազանց բարդ է, փոփոխական, մարտահրավերներով լի, բայց, միևնույն ժամանակ, չափազանց հետաքրքիր: Լիովին համաձայն եմ: Շնորհակալություն եմ հայտնում նախագահ Արմեն Սարգսյանին, տիկին Նունե Սարգսյանին և Հայաստանի հիասքանչ ժողովրդին, ում հանդիպեցի: Ձեր շռայլ հյուրընկալությունը, բարությունն ու մարդասիրությունը Հայաստանը դարձնում են այն հրաշալի վայրը, որը կա: Հեռանում եմ ՝ սպասելով Մտքերի հայկական հաջորդ գագաթնաժողովին»:
Ժնևի Վեբսթերի համալսարանի պրոֆեսոր Ռուբեն Ինճիկյանը նախագահ Արմեն Սարգսյանին ուղղված շնորհակալական նամակում մասնավորապես գրում է.
««Մտքերի գագաթնաժողով»-ը Հայաստանում անցկացնելու Ձեր հեռատես որոշումը՝ ուղղված աշխարհի ու, մասնավորապես, Հայաստանի համար ավելի լավ լուծումների հայտնաբերմանը, մեծ հաջողություն ունեցավ և ամուր հիմք դրեց մեր սիրելի երկրում հետագա նման հանդիպումների համար: Ինձ համար պատիվ կլինի աջակցելու Ձեզ այս և այլ նախաձեռնություններում, որոնք թույլ կտան կայուն հիմքի վրա հասնել Հայաստանի հաջող զարգացմանը»:
«Startup Armenia» հիմնադրամի բիզնես զարգացման տնօրեն Հովհաննես Երիցյանը «Լինկդին»-ի իր էջում գրել է.
«Մոտիվացիան և ոգեշնչումն այնպիսի բաներ են, որոնք ժամանակակից աշխարհում ամենաշատն են պակասում: Սա անհերքելի ճշմարտություն է, բայց ոչ այն պարագայում, երբ «Մտքերի գագաթնաժողով»-ում ես: Գագաթնաժողովի 48 ժամերը դարձան այնպիսին, որ մասնակիցներից շատերը դրանք տարիներ շարունակ մտքում կպահեն,-գրել է նա: Նախագահ Արմեն Սարգսյանին հաջողվում է մեկ հարկի տակ հավաքել անձանց, ովքեր կարող են աջակցել, կրթել և, ինչն ամենակարևորն է, ոգեշնչել: Մեծ գործ չէ միասին հավաքել բարձրորակ մասնագետների, բայց հսկայական գործ է այդ մարդկանց ստիպել մտածել և գործել որպես համակարգ»:
15:08 14.05.2025
Թրամփը չի բացառել Ռուսաստանի և Իրանի դեմ նոր պատժամիջոցներըԱՄՆ նախագահ Դոնալդ Թրամփը հայտարարել է, որ «մշտապես քննարկում է» Ռուսաստանի և Իրանի դեմ պատժամիջոցները խստացնելու հնարավորությունը։ «Ես չեմ ուզում դրա մասին խոսել, բայց ես միշտ դիտարկում եմ երկրորդական պատժամիջոցների հնարավորությունը», – Սաուդյան Արաբիայից թռիչքից հետո նախագահական ինքնաթիռում լրագրողներին ասել է ամերիկացի առաջնորդը՝ պատասխանելով լրագրողի հարցին։ Ամերիկայի նախագահի խոսքով՝ «Իրանի դեմ երկրորդական պատժամիջոցները «երկիրը հասցրել […] ...
14:48 14.05.2025
Մարտունիում հացամթերքի արտադրամասի գործունեություն է կասեցվելՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել «ՎԱԳԵ» ՍՊԸ-ին պատկանող հացամթերքի արտադրամասում (Գեղարքունիքի մարզ, ք․ Մարտունի), որտեղ պարզել են, որ այն գործում է սանիտարահիգիենիկ պայմանների խախտումներով։ Այս մասին տեղեկացնում է ՍԱՏՄ-ն։ Մասնավորապես՝ – արտադրական օբյեկտի պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից. – արտադրական օբյեկտը ապահովված […] ...
14:35 14.05.2025
Արարատ Միրզոյանը և Ալեն Բերսեն քննարկել են ՀՀ-ԵԽ փոխգործակցության հարցերըԼյուքսեմբուրգում կայացած քննարկումների ընթացքում ՀՀ ԱԳ նախարար Արարատ Միրզոյանը և ԵԽ գլխավոր քարտուղար Ալեն Բերսեն անդրադարձ են կատարել ՀՀ-ԵԽ փոխգործակցության հարցերի, այդ թվում՝ առաջիկա ծրագրերին։ Այս մասին հայտնում են ՀՀ ԱԳՆ-ից։ ...
14:33 14.05.2025
Ռուսաստանը պատրաստ է մայիսի 15-ին Ուկրաինայի հետ ուղիղ բանակցությունների․ ՈւշակովՌուսաստանը պատրաստ է մայիսի 15-ին Ստամբուլում վերսկսել Ուկրաինայի հետ ուղիղ բանակցությունները, ինչպես նշել էր Ռուսաստանի նախագահ Վլադիմիր Պուտինը, հայտարարել է ՌԴ նախագահի օգնական Յուրի Ուշակովը։ «Դուք գիտեք նախագահի մայիսի 11-ի հայտարարությունը, որ մենք պատրաստ ենք մայիսի 15-ին Ստամբուլում ուղիղ բանակցություններ սկսել։ Ավելի ճիշտ՝ նույնիսկ չսկսել, այլ վերսկսել այն բանակցությունները, որոնք ընդհատվել էին ուկրաինական կողմի կողմից […] ...
14:28 14.05.2025
ՊԵԿ պատվիրակությունը Բրյուսելում մասնակցել է մաքսային հարցերով ենթակոմիտեի հինգերորդ նիստինՊետական եկամուտների կոմիտեի պատվիրակությունը ՊԵԿ նախագահի տեղակալ Ռաֆայել Գևորգյանի գլխավորությամբ Բրյուսելում մասնակցել է Հայաստանի Հանրապետության և Եվրոպական Միության միջև կնքված Համապարփակ և ընդլայնված գործընկերության համաձայնագրի ներքո գործող մաքսային հարցերով ենթակոմիտեի հինգերորդ նիստին։ Նիստի ընթացքում ներկայացվել են մաքսային ոլորտին առնչվող օրենսդրական բարեփոխումները, ինչպես նաև մաքսային գործառնությունների թվայնացման ուղղությամբ երկու կողմերի ձեռքբերումները և առաջիկա քայլերը։ Քննարկվել է […] ...
