12:28 27.06.2019
Կառավարության նիստում այսօր քննարկվեց օրակարգում լրացուցիչ կերպով ներառված ««ՀՀ նվազագույն ամսական աշխատավարձի մասին» ՀՀ օրենքում փոփոխություններ կատարելու մասին» ՀՀ օրենքի նախագիծը: ՀՀ աշխատանքի և սոցիալական հարցերի նախարարի տեղակալ Գեմաֆին Գասպարյանը նշեց, որ ԱԺ պատգամավորների առաջարկած այս նախագիծը նվազագույն սպառողական զամբյուղի արժեքի հիմքով է, որը 63 550 դրամ է, և որը փոփոխվող մեծություն է:
Գասպարյանն ասաց, որ մինչև ներկայացրած նախագիծը իրենք պատվիրակել են հետազոտություն, որ կարողանան նվազագույն աշխատավարձի սոցիալ-տնտեսական օրինաչափ մեծությունը գնահատել: Նա տեղեկացրեց՝ իրենք 4 մեթոդով հետազոտություն են իրականացրել, ունեն արդյունքներ, միջին թիվ են վերցրել, դա 68 000 դրամն է, և առաջարկում են այդքանով դրական կարծիք տալ, իսկ հետո, երբ ԱԺ-ում լինեն քննարկումներ, աշխատել վերջնական փաթեթի վրա:
ՀՀ վարչապետ Նիկոլ Փաշինյանն արձագանքեց, որ կարևոր է հասկանալ՝ ինչ գործնական խնդիր են լուծում սրանով, ինչ է դա փոխում մարդկանց կյանքում:
«Ուղիղ փոխելու իմաստով՝ 45 000 մարդ մասնավոր ոլորտում, 35 000՝ պետական ոլորտում, ստանում են նվազագույն ամսական աշխատավարձ»,- ասաց Գասպարյանը:
ՀՀ փոխվարչապետ Մհեր Գրիգորյանը հետաքրքրվեց՝ մեկ ժամվա նվազագույն վարձատրության չափը որքա՞ն է:
«Ես չեմ ուզում, որ մանյովրեն աշխատաժամերի միջոցով և արդյունք չստանա մասնավորում նվազագույն աշխատավարձ ստացողը»,- ասաց Գրիգորյանը:
Փոխնախարարը պատասխանեց.
«Իրավացի եք, մենք այդ հարցը անպայման հաշվի ենք առնելու, բայց մեզ համար շատ կարևոր է աշխատողների իրավունքի պաշտանությունը և արժանապատիվ աշխատանքի խնդիրը, իսկ ռիսկերի մասով՝ նույնիսկ 55 000-ի դեպքում այդ ռիսկերը կան, որ պետք է կարողանանք կառավարել»:
ՀՀ ֆինանսների նախարար Ատոմ Ջանջուղազյանն էլ արձագանքեց, որ սա բազային աշխատավարձի փոփոխություն չի ենթադրում:
Նախագիծը դրական եզրակացություն ստացավ:
12:07 11.07.2025
Ստեղծագործ երիտասարդները ներկայացրել են կենսաչափական նոր փաստաթղթերի մշակման նորարար գաղափարներՆԳ նախարարի տեղակալ Արմեն Ղազարյանն ու Միգրացիայի և քաղաքացիության ծառայության պետ Նելլի Դավթյանը հանդիպել են «Հակոբ Կոջոյան» կրթահամալիրի սաների հետ։ Կազմակերպված ցուցահանդեսի շրջանակում ՆԳՆ ներկայացուցիչները ծանոթացել են սովորողների աշխատանքներին։ Կրթահամալիրի սաները կիսվել են կենսաչափական նոր փաստաթղթերի մշակման վերաբերյալ իրենց նախագծերով, ներկայացրել նոր դիզայնի վերաբերյալ պատկերացումներն ու ժամանակից լուծումները։ «Հակոբ Կոջոյան» կրթահամալիրի տնօրեն Ռուզաննա Երեմյանի խոսքով՝ […] ...
11:53 11.07.2025
Բասկետբոլի Հայաստանի Մ20 հավաքականը պարտվել է Վրաստանի ընտրանունԲասկետբոլի Հայաստանի Մ20 հավաքականը հուլիսի 11-ին Երևանում մեկնարկող Եվրոպայի B դիվիզիոնի առաջնությանն ընդառաջ վերջին ընկերական խաղն է անցկացրել: Հայաստանի հավաքականի 69-89 հաշվով պարտվել է Վրաստանի հասակակիցների ընտրանուն: Հայաստանի հավաքականից ամենաարդյունավետը Յուրա Մելիքյանն է է եղել: ...
11:46 11.07.2025
Քննարկվել են պաշտպանության բնագավառում ՀՀ և ԱՄՆ միջև համագործակցության ընթացքին ու զարգացման հեռանկարներին վերաբերող հարցերՀուլիսի 11-ին պաշտպանության նախարար Սուրեն Պապիկյանն ընդունել է ՀՀ-ում ԱՄՆ արտակարգ և լիազոր դեսպան Քրիստինա Քվինին ու պաշտպանության հարցերով նորանշանակ կցորդ, գնդապետ Մեթյու Քրոուին։ ՀՀ պաշտպանական գերատեսչության ղեկավարը շնորհավորել է գնդապետ Մեթյու Քրոուին նշանակման կապակցությամբ՝ մաղթելով արդյունավետ գործունեություն: Հանդիպման ընթացքում քննարկվել են պաշտպանության բնագավառում ՀՀ և ԱՄՆ միջև համագործակցության ընթացքին ու զարգացման հեռանկարներին վերաբերող հարցեր: […] ...
11:40 11.07.2025
ԱՄՆ-ն օգոստոսի 1-ից 35% մաքսատուրք կսահմանի Կանադայից ապրանքների ներմուծման վրա․ ԹրամփԱՄՆ նախագահ Դոնալդ Թրամփը նամակ է ուղարկել Կանադայի վարչապետ Մարկ Քարնիին՝ տեղեկացնելով նրան օգոստոսի 1-ից Կանադայից ներմուծվող ապրանքների վրա ներմուծման մաքսատուրքեր մտցնելու մասին: Նա նամակը հրապարակել է Truth Social-ի իր էջում: «Օգոստոսի 1-ից Միացյալ Նահանգները 35% մաքսատուրք կսահմանի Միացյալ Նահանգներ առաքվող կանադական ապրանքների վրա՝ արդյունաբերական մաքսատուրքերից անկախ», – ասվում է նամակում: Թրամփը որպես իր որոշման […] ...
11:28 11.07.2025
Տարադրամի փոխարժեքները հուլիսի 11-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383․5 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 446 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4.91 դրամ, վաճառքի նվազագույն արժեքը՝ 4.97 դրամ: ...
