18:08 09.08.2019
Պետբյուջեի ֆինանսավորմամբ հիմնանորոգվում են Գյումրի-Կապս-Ամասիա և Գյումրի-Բավրա ճանապարհների առանձին հատվածներ: Այս ճանապարհահատվածները վերջին մոտ 20 տարիներին միայն ընթացիկ նորոգումների են ենթարկվել, մի քանի անգամ էլ հիմնանորոգման ծրագրերում ընդգրկվել են, հետո ֆինանսավորման բացակայության պատճառով դուրս մնացել: Մեկը հանրապետական, մյուսը միջպետական նշանակության ճանապարհ է: Երկու ճանապարհներին հիմնանորոգման աշխատանքները միաժամանակ են մեկնարկել ու ավարտի ժամկետներն էլ նույնն են: 2 ամսից հիմնանորոգման աշխատանքները պետք է ավարտված լինեն:
Գյումրի-Կապս-Ամասիա ճանապարհի 3 առանձին տեղամասերում շինարարական տեխնիկա է աշխատում: Այս հիմնանորոգումն իրականում տարիներ առաջ սկսած ծրագրի շարունակությունն է: Գյումրի-Կապս-Ամասիան հիմնանորոգման ծրագրում էր ընդգրկվել 2000-ականների սկզբին: Մինչև Կապս ճանապարհը նորոգվեց, դրանից հետո աշխատանքները դադարեցվեցին, թեև հասցրել էին այս հատվածում հարթեցման ու հողային աշխատանքներ կատարել:
5 կմ 700 մետր հատվածի համար հիմա է պետբյուջեից գումար հատկացվել: Հարթեցնում են, հետո խճապատելու են ու 10 սանտիմետր ասֆալտաշերտ է լինելու, բայց նախ` ճանապարհի ենթակառուցվածքներն են շահագործելի վիճակի բերվում: Խոսքը ջրահեռացման համակարգի մասին է, որը վաղուց չէր գործում: Բանվորները հիմա ոչ թե ճանապարհին, այլ ճանապարհի տակ են աշխատում` ջրահեռացման ստորգետնյա խողովակներն են մաքրում:
«Ջրահեռացման խողովակները ամբողջովին լցվել էին, հնարավոր չէր շահագործել: Ճիշտ է, քայքայված չէին, բայց խցանված էին, ջուրը չէր անցնում: Ջուրն իր հետ հող ու քար էր բերել: Հիմա մաքրվում է, հետո ճանապարհը խճապատվելու է ու ասֆալտապատվելու: Երկու հատված էլ Աշոցքում կա, որը նախատեսված է հիմնանորոգել: Դրանք Ցողամարգ-Վարդաղբյուր և Կարմրավան-Աշոցք հատվածներն են: Մի հատվածում արդեն աշխատանքները մեկնարկել են»,- SHANTNEWS.am-ին ասել է Աշոցքի ճանշին ընկերության տեղամասի պետ Վարդան Մովսիսյանը:
19 տարի առաջ է հիմնանորոգվել ու ավելի հաճախ ընթացիկ նորոգման աշխատանքներ կատարվել են Գյումրի-Բավրա ճանապարհահատվածին: Հիմա ճանապարհի 8 կմ երկարություն ունեցող հատվածը հիմնանորոգվում է: Ամբողջ ճանապարհը Գյումրիից մինչև Բավրա ենթակա է հիմնանորոգման: Վերջին մի քանի տարիներին ֆինանսավորման բացակայությունը բացատրվում էր սրանով, որ այս հատվածով անցնելու է «Հյուսիս-հարավ» արագընթաց մայրուղին, ու գործադիրը նպատակահարմար չի համարում գումարներ հատկացնել հիմնանորոգման համար:
Միջպետական ճանապարհով, սակայն, երթևեկությունն անհնար էր դարձել: Որոշել են հիմնանորոգել երկու` ամենավատ վիճակում գտնվող հատվածները:
Առաջին անգամ է Շիրակի մարզում այս տեխնոլոգիան կիրառվում: Հին ասֆալտաշերտը ոչ թե հեռացնում են, այլ մշակում ու դարձնում հիմք նոր ասֆալտաշերտի համար:
Սա նաև ժամանակի տնտեսում է շինարարների համար: Գյումրի-Կապս -Ամասիա և Գյումրի-Բավրա ճանապարհահատվածների հիմնանորոգումը սեղմ ժամկետներում է ավարտվելու: Սա պարտադրում են այս տարածաշրջանների եղանակային պայմանները: Աշոցքում ու Ամասիայում շինաշխատանքներ հնարավոր է կատարել ամենաշատը մինչև հոկտեմբերի վերջ:
14:50 30.04.2025
Քննարկվել են Հայաստանի և Ուզբեկստանի միջև երկկողմ հարաբերությունների զարգացման հնարավորություններըՓոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ, էկոնոմիկայի և ֆինանսների նախարար Ջամշիդ Կուչկարովի հետ: Հանդիպման շրջանակներում քննարկվել են Հայաստանի և Ուզբեկստանի միջև երկկողմ հարաբերությունների զարգացման հնարավորությունները և հեռանկարները: Զրուցակիցները քննարկել են նաև տարածաշրջանային զարգացումները: Այս համատեքստում մտքեր են փոխանակվել Հայաստանի կառավարության կողմից ներկայացված «Խաղաղության խաչմերուկ» նախաձեռնության շուրջ և ընդգծվել է դրա կարևորությունը […] ...
14:45 30.04.2025
Շվեյցարիայի պաշտպանական արդյունաբերությունը վտանգի տակ կարող է հայտնվելՇվեյցարիայի պաշտպանական արդյունաբերությունը ռիսկի է դիմում կորցնելու իր արտահանման ծավալները և վնասներ կրելու՝ այլ երկրներին, առաջին հերթին՝ ԵՄ-ին, մատակարարվող արտադրանքի խիստ սահմանափակումների պատճառով, գրում է Bloomberg-ը՝ հղում անելով ոլորտի ներկայացուցիչներին։ «Հաշվի առնելով եվրոպական ներդրումների միլիարդավոր դոլարները, որոնք մենք ակնկալում ենք առաջիկա տարիներին, ԵՄ երկրները, ամենայն հավանականությամբ, դիտավորյալ կբացառեն շվեյցարական արտադրանքը իրենց մատակարարման շղթաներից», – ասել […] ...
14:35 30.04.2025
Առաջին դասարանցիների հայտագրումը կմեկնարկի հունիսի 9-իցՀՀ պետական հանրակրթական դպրոցներում առաջին դասարանցիների հայտագրման գործընթացը կմեկնարկի երեխայի և ծնողի տվյալների հավաստիության և համապատասխանության ստուգմամբ: Դպրոց ընդունվող երեխայի ծնողները 2025 թ. մայիսի 5–ից stugum.emis.am կայքում կարող են ստուգել երեխայի անձնական տվյալների առկայությունն ու ճշգրտությունը։ Այս քայլn անհրաժեշտ է՝ բուն հայտագրման գործընթացը սկսելու և հնարավոր խնդիրներից խուսափելու համար։ Բուն հայտագրումը կմեկնարկի հունիսի 9-ից և կիրականացվի 3 փուլով։ Հայտագրման գործընթացը […] ...
14:30 30.04.2025
Կիրառվել է 206 կարգապահական տույժ, 9 ծառայող ազատվել է աշխատանքից․ ՆԳՆ եռամսյակային ամփոփումը2025 թվականի առաջին եռամսյակում ՆԳՆ ներքին անվտանգության և հակակոռուպցիոն վարչությունում կատարվել են 904 ծառայողական քննություններ և ուսումնասիրություններ: Նախարարության կառուցվածքային ստորաբաժանումների, ենթակա ծառայությունների՝ Ոստիկանության, Փրկարար ծառայության, Միգրացիայի և քաղաքացիության ծառայության ծառայողների, քաղաքացիական ծառայողների և աշխատակիցների, ինչպես նաև ենթակա պետական ոչ առևտրային կազմակերպությունների աշխատողների նկատմամբ կիրառվել է 206 կարգապահական տույժ։ Մասնավորապես՝ Ոստիկանության ծառայողների և աշխատակիցների նկատմամբ կիրառվել […] ...
14:24 30.04.2025
Ճամբարակցի երիտասարդը պարեկներին է ներկայացրել ատրճանակ և լիցքավորված փամփշտատուփԳեղարքունիքի մարզի պարեկները ապրիլի 28-ին Երևան-Սևան-Իջևան ճանապարհին ծառայություն իրականացնելիս Համայնքային ոստիկանության Սևանի բաժին են ներկայացրել Ճամբարակ քաղաքի բնակիչ 28-ամյա մի երիտասարդի: Նա պարեկներին է ներկայացրել մեկնարկային ատրճանակ և փամփշտատուփ՝ լիցքավորված 6 փամփուշտով: Կազմված փաստաթղթերը փոխանցվել են Սևանի քննչական բաժին: ...
14:17 30.04.2025
Հակոբ Արշակյանը ցավակցական գրառում է կատարել Հայաստանում Իրանի դեսպանատանը բացված սգո մատյանումՀՀ ԱԺ նախագահի տեղակալ, ՀՀ ԱԺ նախագահի պարտականությունները ժամանակավոր կատարող Հակոբ Արշակյանն ապրիլի 30-ին այցելել է Հայաստանում Իրանի Իսլամական Հանրապետության դեսպանատուն եւ ցավակցական գրառում կատարել սգո մատյանում, որը բացվել է Իրանի Բենդեր Աբբաս քաղաքի Շահիդ Ռաջայի նավահանգստում տեղի ունեցած ողբերգական պայթյունի հետեւանքով զոհվածների հիշատակին: ...
