14:35 29.08.2019
Կառավարությունն այսօր 57 մլն 762 հազար դրամ հատկացրեց ԿԳՄՍ նախարարությանը «Հայաստանի պետական ազգային ակադեմիական երգչախումբ» ՊՈԱԿ ստեղծագործական, վարչական և սպասարկող անձնակազմերին լրավճարի հատկացման նպատակով: Գումարը որպես դրամաշնորհ կտրամադրվի «Հայաստանի պետական ազգային ակադեմիական երգչախմբին»:
ՀՀ վարչապետ Նիկոլ Փաշինյանը նշեց՝ իր համար հասկանալի չէ, թե ինչու պիտի մշակութային օջախը ֆինանսավորվի բարեգործների կողմից:
«Սա վատ տրամաբանություն է, պետությունը պետք է հստակ իր պարտավորությունները ճանաչի, կատարի և պայմաններ առաջադրի: Իմ եզրակացությունն այնպիսին է, որ արվեստին ու մշակույթին պետք է նայենք որպես մեր տնտեսության ճյուղերից մեկը: Դա տնտեսության ճյուղ է, որը պետությունն ինչ-որ առումով նաև ֆինանսավորում է: Մենք պետք է հասկանանք՝ դրա արդյունքում ինչ ենք ստանում: Նախարարությունում էլ քննարկել ենք, որ այս ոլորտում պետք է հստակ խնդիր դնենք, որ մեր կոլեկտիվները, թանգարանները, թատրոնները մեծացնեն իրենց եկամուտները»,- ասաց նա:
Սա, ըստ Փաշինյանի, չի նշանակում, որ իրենք պետք է շահութաբեր լինեն, չնայած դա էլ ինչ-որ պահի պետք է դառնա խոսակցության կարևոր նյութ. նրանք իրենց եկամուտները պետք է ավելացնեն:
«Իմ՝ այս ընթացքում ունեցած շփումները, ցավոք, բերում են մտքի, որ այս տրամաբանությունն է դրված շատ տաղանդավոր, գերտաղանդավոր կոլեկտիվների հիմքում: Մենք պետք է թույլ չտանք, որ մեր մշակութային օջախներն անընդհատ բարեգործության հույսին մնան, բայց մյուս կողմից էլ հստակ խնդիր պիտի դնենք, որ սա տնտեսության ճյուղ է և պետք է տնտեսության կանոններով ապրի, աշխատի: Այն մարդկանց հետ պետք է անընդհատ ու ուղիղ հաղորդակցության մեջ լինի»,- նշեց Փաշինյանը:
22:17 15.05.2025
ՌԴ-ի գործիքակազմը Հարավային Կովկասում կայուն խաղաղության հաստատման առումով կառուցողական չէ․ Գագիկ Սաֆարյան«Հեռանկարն» այսօր հյուրընկալել է «Պաշտպան հայրենյաց» ազգային մշակութային հիմնադրամի ղեկավար, պատմաբան Գագիկ Սաֆարյանին։ Անդրադարձ է եղել Դոնալդ Թրամփի հատուկ ներկայացուցիչ Սթիվեն Ուիթքոֆի հայտարարությանը, թե Հայաստանն ու Ադրբեջանը շուտով կարող են միանալ այսպես կոչված «Աբրահամի համաձայնագրերին»։ Ի՞նչ կապ ունի արաբա-իսրայելական կոնֆլիկտին առընչվող այս համաձայնագրի հետ Հայաստանը, ի՞նչ կարող է շահել մեր երկիրը։ Պատմաբանը խոսել է նաև […] ...
22:08 15.05.2025
«Աթլետիկոն» կազմը կուժեղացնի երկու ֆուտբոլիստովՄադրիդի «Աթլետիկոն» նպատակ ունի 100 միլիոն եվրո ծախսել՝ ամառային տրանսֆերային պատուհանի ժամանակ կազմն ուժեղացնելու համար, հաղորդում է Marca-ն։ Ակումբը ցանկանում է ձեռք բերել «Տոտենհեմի» արգենտինացի պաշտպան Քրիստիան Ռոմերոյին ու «Վիլյառեալի» իսպանացի կիսապաշտպան Ալեքս Բաենային։ «Աթլետիկոն» Ռոմերոյի համար պատրաստ է վճարել 70, իսկ Բաենայի համար՝ 30 միլիոն եվրո։ ...
22:03 15.05.2025
Տիրանայում պատասխանեցի ադրբեջանցի լրագրողի հարցերին. ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է. «Տիրանայում պատասխանեցի ադրբեջանցի լրագրողի հարցերին, ով ներկայացավ որպես Ադրբեջանի հանրային հեռուստատեսության թղթակից»: Մանրամասները՝ տեսանյութում: ...
21:49 15.05.2025
Մայիսի 15-ը՝ կլիմայի միջազգային օրՄայիսի 15-ին աշխարհը նշում է Կլիմայի միջազգային օրը՝ վերստին ընդգծելով կլիմայական ճգնաժամի համաշխարհային նշանակությունն ու դրա հաղթահարման հրատապությունը։ Այս մասին հայտնել են ՀՀ շրջակա միջավայրի նախարարությունից: 1980-ականների վերջերից ի վեր կլիմայի փոփոխության վերաբերյալ քննարկումները դուրս են եկել գիտական շրջանակներից՝ դառնալով միջպետական բանակցությունների, քաղաքացիական շարժումների ու տնտեսական ռազմավարությունների առանցքում։ Այս օրը կոչ է՝ գիտակցելու մարդկային գործունեության […] ...
21:33 15.05.2025
Արգելափակված քաղաքացիներ, փլատակների տակ մնացած մեքենա. երկրաշարժի իմիտացիա ԵղեգնաձորումՄայիսի 13-ին «Վարվելակերպի կանոնները ուժգին երկրաշաժի դեպքում» թեմայով վարժանքը իրարանցում էր առաջացրել Եղեգնաձորում։ Փրկարար ծառայության հրամանատարաշտաբային ուսումնական վարժանքին հետևում էին Վայոց ձորի մարզային և քաղաքային իշխանության ներկայացուցիչներ, ՆԳՆ ոստիկանության ծառայողներ, դիտորդներ, քաղաքացիներ։ Այրվող հյուրանոց, արգելափակված քաղաքացիներ, փլատակների տակ մնացած մեքենա… Ըստ սցենարի՝ փրկարարները պետք է հյուրանոցից հնարավորինս արագ դուրս բերեին արգելափակված քաղաքացիներին, մարեին հրդեհը, փլատակում […] ...
