09 05 2024

$

388.01
4.21
€

417.11

+14.09 ^oC

Մանրամասներ Գյումրիում տեղի ունեցած զանգվածային թունավորման դեպքից

ՀԱՅԱՍՏԱՆ

16:25 31.08.2019

Երեկ զանգվածային թունավորման դեպք է գրանցվել Գյումրիի «Դվին» ռեստորանային համալիրում: Սննդային թունավորման ախտանշաններով Գյումրու բժշկական կենտրոն և Ինֆեկցիոն հակատուբերկուլյոզային հիվանդանոց տեղափոխվածների թիվը հասել է 46-ի: Տուժածներից 4-ի վիճակը բժիշկները գնահատել էին ծանր: Նրանց թվում կա մեկ երեխա: Բոլորը ռեստորանում մասնակցել են հարսանեկան արարողության:

Փեսան Արագածոտնի մարզի Նոր Արթիկ, իսկ հարսը Շիրակի մարզի Արփենի գյուղից է: Երկու մարզերի խնամիների հյուրերին հարսանիքի կեսից նույն՝ սննդային թունավորման ախտանշաններով հիվանդանոց էին տեղափոխել ոչ միայն շտապ բուժօգնության, նաև ոստիկանական մեքենաներով: Հարսանիքի մասնակիցները Shantnews-ին պատմել են, որ օգտվել են տարբեր ճաշատեսակներից, և միջոցառման մեկնարկից 4.5 ժամ անց հյուրերի ինքնազգացողությունը սկսել է վատանալ:

Հարսն ու փեսան չեն տուժել: Կեսգիշերին տուժածների մեծ մասի վիճակն արդեն բարելավվել է: Ուշ գիշերին տուժածներին է այցելել Շիրակի մարզպետը, տեղում ծանոթացել իրավիճակին: Մինչև այսօր առավոտ ինֆեկցիոն հիվանդանոցի բոլոր մահճակալները զբաղեցված են եղել:

Բոլոր հիվանդներից կատարվել են նմուշառումներ: Սննդի անվտանգության տեսչական մարմինը նմուշառում է կատարել նաև ռեստորանային 19 սննդատեսակից: Լաբորատոր հետազոտություններ են կատարվելու: Ռեստորանի տնօրենը նշում է՝ հետազոտության համար տրամադրել է բոլոր այն ուտեստները, որոնք սեղաններին են եղել:

«Նմուշներ են վերցրել բոլոր ծառայությունները: Սննդի բոլոր տեսակներից են վերցրել, և ես շատ եմ խնդրել, որ ոչ մի բան բաց չթողնեն, որովհետև ես չեմ կասկածում մեր տված սննդի վրա: Մենք բարձր որակի սնունդ ենք տալիս: Գնումները կատարում ենք բոլոր փաստաթղթերով: Ես մտածելու բան չունեմ: Եթե եզրակացություն տան, որ թթվասերից է կամ մայոնեզից, կամ մեկ այլ մթերքից, այդ ժամանակ կտեսնենք, թե որտեղից ենք առել սնունդը, թող արտադրողը պատասխան տա: Մինչ ռեստորան հասնելը, ինչքանով տեղյակ եմ, փեսայի տանը մեծ սեղաններ են եղել բացած, մարդիկ այնտեղ էլ են սնվել: Չեմ կարող ասել, թե այնտեղից է պատճառը: Ամեն դեդպքում եկեք սպասենք, թող մասնագետները եզրակացություն տան»,- Shantnews-ին ասել է «Դվին» ռեստորանի տնօրեն Սարգիս Սարգսյանը:

Հարսանիքի մասնակիցների թիվը, ըստ ռեստորանի տնօրենի, 255-ն է եղել: Թե ինչո՞ւ է նրանց միայն մի մասը թունավորվել, կպարզվի հետազոտությունների արդյունքում, բայց բժիշկների ախտորոշումը մեկն է՝ սննդային թունավորում:

Հիվանդանոցում շարունակում է ստացիոնար բուժում ստանալ 3 տուժած: Նրանց վիճակը բժիշկները գնահատում են բավարար: Թունավորման դեպքով հարուցվել է քրեական գործ՝ անվտանգության պահանջներին չհամապատասխանող ապրանքներ իրացնելու կամ ծառայություն մատուցելու հատկանիշներով: Նշանակվել են դատաբժշկական փորձաքննություններ: Այս ընթացքում «Դվին» ռեստորանի գործունեությունը դադարեցված է:

Գյումրի

Բաժանորդագրվեք SHANTNEWS.am-ին Telegram-ում

Բոլոր լուրերը

23:37 09.05.2024
Թրամփը Բայդենին մեղադրել է Իսրայելից հրաժարվելու մեջ

Կապակցված լուրեր

20:50 09.05.2024

Վերջին 2 տարում կատարվում է գուցե ամենակարևոր բանը մեր երկրի համար, Հայաստանը սկսում է իրականում անկախանալ. Ռուբեն Բաբայան

«Հեռանկարն» այսօր հյուրընկալել է ռեժիսոր, արվեստի վաստակավոր գործիչ Ռուբեն Բաբայանին: Զրույցի ընթացքում անդրադարձ է եղել հաղթանակի օրվա խորհրդին, օրվա հետ կապված տարբեր զգացողություններին, հասարակության պառակտվածությանը, անհանդուրժողականության և ատելության մթնոլորտի հաղթահարման կարևորությանը: Ռուբեն Բաբայանը խոսել է նաև ներքաղաքական իրադարձություններից, սահմանազատման և «Տավուշը հանուն Հայաստանի» շարժմանը վերաբերող թեմաներից: Ի՞նչ է տեղի ունենում Հայաստանում, այս վեճի մեջ իշխանությո՞ւնն […] ...

18:19 09.05.2024

Մայիսի 9. Հաղթանակի ու խոնարհումի օրը Երևանում

79 տարի առաջ Մեծ հայրենականում տարած հաղթանակը Հայաստանում այսօր հատկապես վառ է 44 վետերան պապիկ-տատիկների հիշողություններում: Նրանց մի մասն արդեն տարիների հետևում դար է թողել: Մեծ մասն այսօր ունի հենաշարժողական խնդիր. զբոսայգի եկած վետերան ընկերները բոլոր ընկերների անունից են խոնարհում ծաղիկներ, խոնարհվում և բոլորիս կոչ անում փայփայել ու աչքի լույսի պես պահպանել մեր հայրենիքը, միշտ […] ...

16:20 09.05.2024

ՆԳՆ-ն հերքել է լուրերը, թե ոստիկաններն Աբովյանում ճանապարհներ են փակել մարդկանց մասնակցությունը երևանյան հանրահավաքին կանխելու նպատակով

Հայաստանի ներքին գործերի նախարարությունն արձագանքել է սոցիալական ցանցերով տարածվող լուրերին, թե ոստիկաններն Աբովյանում փակել են ճանապարհները, որպեսզի մարդիկ չկարողանան լքել քաղաքն ու հասնել Երևան՝ մասնակցելու «Տավուշը հանուն հայրենիքի» շարժման հրավիրած հանրահավաքին։ «Արմենպրես»-ի հարցին ի պատասխան՝ ՀՀ ՆԳՆ մամուլի խոսնակ Նարեկ Սարգսյանն ասել է․ «Նշված ճանապարհի երթևեկությունը մի պահ դադարեցվել է դեպի Երևան եկող երթի մասնակիցների […] ...

14:33 09.05.2024

Պուտինն ու Փաշինյանը պայմանավորվել են Հայաստանի որոշ շրջաններից ռուս զինվորականների դուրսբերման շուրջ․ Պեսկով

Մոսկվան և Երևանը պայմանավորվել են ռուս զինվորականների և սահմանապահների դուրսբերման շուրջ Հայաստանի որոշ շրջաններից, ասել է Կրեմլի խոսնակ Դմիտրի Պեսկովը։ Հայկական կողմի խնդրանքով ռուս սահմանապահները կմնան Իրանի և Թուրքիայի հետ սահմանին, հավելել է նա։ ...

11:36 09.05.2024

Ռուս սահմանապահ և զինվորական կետերը կդադարեցնեն իրենց տեղակայումը ՀՀ մարզերում և «Զվարթնոց» օդանավակայանում. Հայկ Կոնջորյան

ՀՀ ԱԺ ՀՀ Ազգային Ժողովի «Քաղաքացիական պայմանագիր» խմբակցության ղեկավար Հայկ Կոնջորյանը ֆեյսբուքյան իր էջում գրում է. «Համաձայն ձեռք բերված պայմանավորվածության, 44-օրյա պատերազմի ընթացքում եւ դրանից հետո Տավուշի, Սյունիքի, Վայոց ձորի, Գեղարքունիքի, Արարատի մարզերում տեղակայված ռուս սահմանապահ եւ զինվորական կետերը կդադարեցնեն իրենց տեղակայումը եւ դուրս կգան այդ կետերից: Բարձրագույն մակարդակում հաստատվել է նաեւ «Զվարթնոց» օդանավակայանում ՌԴ […] ...

10:55 09.05.2024

Այսօր կայանալիք հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից. ՆԳՆ

ՀՀ Ներքին գործերի նախարարությունը հորդորում է խստորեն պահպանել հասարակական կարգը՝ հայտնելով. «ՆԳՆ ոստիկանությունը հետևողականորեն շարունակում և շարունակելու է իրականացնել օրենքով իրեն վերապահված գործառույթները՝ ապահովելով հասարակական կարգը և քաղաքացիների անվտանգությունը: Այսօր կայանալիք հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից, հարգել համաքաղաքացիների իրավունքները և ենթարկվել հասարակական կարգի պահպանություն իրականացնող ոստիկանության ծառայողների […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.