13:04 03.10.2019
ՀՀ վարչապետ Նիկոլ Փաշինյանը կառավարության այսօրվա նիստում Հակակոռուպցիոն ռազմավարության քննարկման ժամանակ արձագանքեց պետական պաշտոնյաների բարեվարքության կանոնների սահմանման անհրաժեշտության մասին հայտարարությանը: Վարչապետն ընդգծեց՝ այստեղ նուրբ քաղաքական պահ կա, մերձքաղաքական:
«Հիմա կան այդպիսի հայտարարություններ, որ՝ այ, կառավարությունը հայտարարեց «վեթինգ, վեթինգ», հետո վեթինգից հրաժարվեցին: Մենք ուղղակի ուղիղ ասում ենք՝ քանի որ հասկացանք՝ այդ բառն ինչ-որ մեծ ալերգիաներ է առաջացնում, որոշեցինք՝ բովանդակությունը մնա, վերնագիրը լինի ուրիշ: Ի՞նչ ենք ասում՝ ՀՀ դատավորի, պաշտոնյայի բարեվարքությունը ստուգելու գործուն մեխանիզմներ պետք է լինեն, և մենք դրանք քայլ առ քայլ իրականացնում ենք, ստեղծում ենք»,- ասաց նա:
Փաշինյանը նշեց՝ իրեն հուզող հաջորդ հարցն էր, թե կատարվող փոփոխությունները ինչ ազդեցություն կունենան ԱԱԾ գործունեության վրա, ԱԱԾ-ն՝ որպես կառույց, որպես մարմին, ինչքանով կուժեղանա կամ կթուլանա: Վարչապետն ասաց, որ քննարկումների արդյունքում իր եզրակացությունը միանշանակ էր՝ այդ փոփոխությունների արդյունքում ԱԱԾ-ն դառնալու է շատ ավելի լուրջ կառույց, ուժեղ գործառույթներով, ավելի բովանդակային:
«Ըստ էության՝ այն պիտի դառնա մեր պետության, ժողովրդի անվտանգության ողնաշարը: Նույնն էլ, ըստ էության, վերաբերում է ոստիկանությանը: Այսպիսի բան կա, որ՝ այ, թուլացնում են կառույցները: Դա շատ մանրամասն ենք քննարկել, մեր եզրակացությունն է, որ շատ լուրջ ուժեղանալու է այս կառույցը, և շատ ավելի կարևոր լծակներ է ունենալու երկրի ազգային անվտանգությունն ապահովելու, սպասարկելու և սպառնալիքները կանխարգելելու վրա: Մեր խոսակցությունը հատկապես վերաբերում էր դրան, որ առավել կարևոր է ԱԱԾ գործառույթները, գործունեությունը կառուցել այնպես, որ իր հիմնական անելիքը լինի ազգային անվտանգության համար առաջացող սպառնալիքները կանխարգելելը, ոչ թե՝ դրանք տեղի ունենան, արդյունավետ բացահայտենք, այլ, որ ընդհանրապես տեղի չունենան»,- ասաց նա:
Վարչապետը համոզված է՝ լուրջ, 21-րդ դարի մարտահրավերներին համապատասխանող կառույց պիտի ստեղծվի, նա նշեց՝ կասկած չկա, որ իրենց առաջ դրված այդ խնդիրը կլուծեն, ոստիկանությունը ևս ուժեղանալու է հանրային անվտանգությունն ապահովելու իմաստով:
10:30 11.07.2025
Սերոբյանի «Շերիֆի» վստահ հաղթանակը․ ԵԼՏիրասպոլի «Շերիֆը», որի կազմում խաղում է Հայաստանի ազգային հավաքականի հարձակվող Արթուր Սերոբյանը, ՈՒԵՖԱ-ի Եվրոպա լիգայի որակավորման առաջին փուլի առաջին խաղում տանը 4-0 հաշվով ջախջախել է Կոսովոյի «Պրիշտինային»: Հեթ-տրիկ է գրանցել Բուրկինա Ֆասոն ներկայացնող հարձակվող Սիրիլ Բայալան: Սերոբյանը փոխարինման է դուրս եկել երկրորդ խաղակեսի մեկնարկից առաջ: Դիմակայության պատասխան խաղը տեղի կունենա մեկ շաբաթ անց: ...
10:13 11.07.2025
Սևանա լճի ջրի միջին ջերմաստիճանն առափնյա հատվածում՝ հուլիսի 11-ի 08։00 դրությամբՍևանա լճի ջրի միջին ջերմաստիճանն առափնյա հատվածում հուլիսի 11-ի 08։00 դրությամբ կազմել է 17.8°C: Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
10:00 11.07.2025
Թրամփը կարևոր հայտարարություն է անելու Ռուսաստանի վերաբերյալԱՄՆ նախագահ Դոնալդ Թրամփը NBC News-ի հետ զրույցում հայտարարել է, որ երկուշաբթի օրը կարևոր հայտարարություն կանի Ռուսաստանի վերաբերյալ, սակայն չի բացահայտել դրա բովանդակությունը։ «Ես հիասթափված եմ Ռուսաստանից, բայց կտեսնենք, թե ինչ կլինի հաջորդ մի քանի շաբաթների ընթացքում։ Կարծում եմ՝ երկուշաբթի օրը Ռուսաստանի վերաբերյալ կարևոր հայտարարություն կանեմ», – ասել է նա՝ հրաժարվելով մանրամասներ հաղորդել։ ...
09:45 11.07.2025
Հայ բռնցքամարտիկները մեկնարկել են հաղթանակով․ պատանեկան ԵԱՍերբիայում մեկնարկած բռնցքամարտի ավագ տարիքի պատանիների Եվրոպայի առաջնությունում առաաջին մրցումային օրը ռինգ են դուրս եկել Հայաստանի երկու ներկայացուցիչներ: Սուրեն Կատվալյանը (60 կգ) հաղթել է մոլդովացի Կատալին Մուստեային, Կամո Վարդանյանը (63 կգ)` հյուսիսմակեդոնացի Ալբերտ Իբրահիմիին: ...
09:31 11.07.2025
Հարավը հոգնել է Հյուսիսին ենթարկվելուց․ Բրազիլիայի նախագահՀամաշխարհային հարավի երկրները հոգնել են Հյուսիսային տերությունների շահերին ենթարկվելուց և ձգտում են անկախ արտաքին քաղաքականության և արդար տնտեսական կարգի, հայտարարել է Բրազիլիայի նախագահ Լուիս Ինասիո Լուլա դա Սիլվան Jornal Nacional- ին տված հարցազրույցում ՝ մեկնաբանելով ԱՄՆ նախագահ Դոնալդ Թրամփի քննադատությունը Բրազիլիայի և BRICS ասոցիացիայի հասցեին։ «Մենք հոգնել ենք Հյուսիսին ենթակա լինելուց։ Մենք ուզում ենք անկախություն […] ...
09:15 11.07.2025
Հացիկ գյուղում այրվել է պահեստավորած անասնակերՀուլիսի 10-ին, ժամը 17։16-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Հացիկ գյուղի 15-րդ փողոցում այրվում է կուտակած անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ անասնագոմի տանիքում այրվում է պահեստավորած անասնակեր։ Հրդեհը մեկուսացվել է ժամը 18:31-ին, մարվել՝ 20:59-ին: Այրվել է մոտ […] ...
